+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

80 jyldyqqa – 80 nysan: Jambyl oblysynda jańa nysandar ashylýda

2019 jylǵy 13 jeltoqsan 02:30
Bólisińiz:
80 jyldyqqa – 80 nysan: Jambyl oblysynda jańa nysandar ashylýda

TARAZ. QazAqparat – Jambyl oblysynyń 80 jyldyǵyna oraı 80 nysan el ıgiligine berile bastady, - dep habarlaıdy QazAqparat.

Óńirdiń aıtýly mereıtoıy qonys toıǵa ulasyp, kópshilik úshin kópten kútken ıgi ister atqarylýda. Onyń bir aıǵaǵy seksen jyldyq qarsańynda seksen nysannyń el ıgiligine berilýi. Bul týraly oblys ákimdiginiń ishki saıasat basqarmasynyń basshysy Daýyl Beısenqulov óziniń áleýmettik jelidegi paraqshasynda jarııalady.

«Maqsat – 80 jyldyqty atoılap toılaý emes, halyqqa paıdasy tıetin, turmysyn jaqsartýǵa baǵyttalǵan nysandar ashý. Atap aıtqanda, mereke qarsańynda Taraz qalasynda 44 páterli 1 turǵyn úı paıdalanýǵa berilse, 80 páterli 6 úı, 60 páterli 2 úı jáne Sarysý aýdany, Jańatas qalasynda 120 páterli 1 turǵyn úıdiń kiltteri aldaǵy kúnderi tabystalatyn bolady. Jýaly aýdany, B.Momyshuly aýylyndaǵy «Kóktóbe» jańa turǵyn alqabyndaǵy ınfraqurylym nysandary, Shý qalasyndaǵy 258,7 ga turǵyn úı massıvin ınjenerlik-kommýnıkatsııalyq ınfraqurylymmen jabdyqtaý júıesi, Dalaqaınar aýylyndaǵy orta mektepte japsarlas nysannyń qurylys jumystary aıaqtalyp, sportzal, ashana, tehnologııa kabınetteri iske qosylady»,-dep jazdy D.Beısenqulov.

Sondaı-aq, densaýlyq saqtaý salasynda da jaǵymdy jańalyqtar az emes. Máselen, oblys aýmaǵyndaǵy 41 eldi mekende alǵashqy medıtsınalyq kómek kórsetý pýnkteri ashylyp, el ıgiligine tapsyrylýda. Sonymen qatar, kópten kútken tirshilik náriniń kúrmeýli túıini sheshilip, Shý aýdanynyń Abaı, Moıynqum aýyldaryn jáne Qordaı aýdanynyń Áljan ana aýylyn, Jýaly aýdanynyń Qarasaz aýylyn sýmen qamtý júıesi iske qosylmaq.

«Salaýatty ómir saltynyń oljasyna aınalar oń isterdiń nátıjesi de mereke kúnderi oblys turǵyndaryna tartý bolmaq. Taraz qalasynyń Jansaıa móltek aýdany men Talas aýdanyndaǵy Qarataý qalasy, Kóktal, Úsharal aýyldarynda jáne Jýaly aýdanynyń Qarabastaý aýylynda sport alańdary ashylyp, paıdalanýǵa beriledi. Oblysta buryn sońdy bolmaǵan biregeı joba, T.Rysqulov aýdanynyń Jarlysý aýylynda ata-baba dástúrin jalǵastyrýshy «Shaýshen» ShQ qymyzben emdeý ortalyǵynyń janynan 50 adamǵa arnalǵan saýyqtyrý kesheni iske qosylady»,-delingen atalǵan basqarma basshysynyń jazbasynda.

Sondaı-aq, Taraz qalasynda «Qabilet», «Azımýt» aýla klýbtary men «Qamuqat» turǵyn alqabyndaǵy 150 oryndyq jekemenshik balabaqsha jáne «Úshbulaq» jaǵajaıynyń mańyndaǵy kishi arhıtektýralyq kompozıtsııasy ashylady. Sonymen qatar, mádenıet jáne tarıh, týrızm jáne sport baǵyttarynda aıryqsha 13 nysan el ıgiligine beriledi dep kútilýde.

Osylaısha, «Toıdyń tamashasyn baqpa, taǵylymyn baq» degen támsilge tereń boılaǵan jambyldyqtar oblystyń aıtýly mereıtoıynda turǵyndardyń turmystyq, áleýmettik ahýalyn jaqsartýǵa basymdyq berýde.

Bizdiń kanalymyzǵa jazylyńyz:

Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT