+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

80 myńnan astam otbasy jańartylǵan ataýly áleýmettik kómek aldy

2019 jylǵy 2 mamyr 10:49
Bólisińiz:
80 myńnan astam otbasy jańartylǵan ataýly áleýmettik kómek aldy

NUR-SULTAN. QazAqparat - 80 myńnan astam otbasy jańartylǵan ataýly áleýmettik kómekke qol jetkizdi. Sondaı-aq, taǵy «E-Halyq» júıesi arqyly 148 649 ótinim qabyldandy. Bul týraly QR Eńbek jáne halyqty áleýmettik qorǵaý mınıstriniń baspasóz hatshysy Qanat Qulshymanov málim etti, dep habarlaıdy QazAqparat tilshisi.

«Elbasynyń «Áleýmettik qamqorlyq» áleýmettik sharalaryn júzege asyrý aıasynda aǵymdaǵy jyldyń 1 sáýirinen bastap jańartylǵan ataýly áleýmettik kómek (AÁK) alýǵa qujattar qabyldaý júrgizilýde. Ótinishter Jumyspen qamtý ortalyqtarynda jáne aýyldyq ákimdikterde qabyldanady. Aǵymdaǵy jylǵy 2 mamyrdaǵy jaǵdaı boıynsha «E-Halyq» júıesi arqyly barlyǵy 148 649 ótinim (799 032 adam) qabyldandy», - dedi Q.Qulshymanov.

Mınıstr hatshysynyń málimetinshe, qabyldanǵan 150 myńǵa jýyq ótinimniń 100 566 boıynsha oń sheshim qabyldandy jáne 41 647-i qaralýda.

Eń kóp ótinish berýshiler Túrkistan - 30 382 otbasy (180 179 adam), Almaty oblysynda- 17 698 (93 399 adam) jáne Shymkent qalasynda-17 275 otbasy (88 478 adam) tirkeldi.

«Budan basqa, 48 380 (269 330 adam) AÁK alýshylarǵa buryn taǵaıyndalǵan somalarǵa avtomatty rejimde qaıta esepteý júrgizildi. Búgingi kúni jańartylǵan formattaǵy ataýly áleýmettik kómek 84 287 otbasyna jalpy somasy 9,4 mlrd teńgege tólendi. Sonymen qatar QR Eńbek jáne halyqty áleýmettik qorǵaý mınıstrligi ataýly áleýmettik kómek ótinish bergen aıdan bastap taǵaıyndalatynyn jáne ótinish berý kúnine táýeldi emes ekenin eske salady», - deıdi ol.

Mınıstrliktiń deregine súıensek, osy jyldyń 1 sáýirinen bastap AÁK kórsetý mólsheri kúnkóris deńgeıiniń 50% - nan 70% - ǵa deıin kóterilip, 20 789 teńgeni qurady. Nátıjesinde járdemaqy alýshylar sany 571,6 myń adamnan 830 myń adamǵa deıin ósedi. Bul rette, eger AÁK-tiń ortasha mólsheri otbasynyń árbir múshesine buryn 4 834 teńgeni quraǵan bolsa, endi ár balaǵa 20 789 teńge tólenedi.

2019 jyly ataýly áleýmettik kómekke barlyǵy 130 mlrd teńgeden astam qarajat kózdelgen.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT