Qoldanwşı baptawları
Qoldanwşı baptawları
+7 (701) 759 90 19 Lenta
Astana: 23 °S
Almatı: 22 °S
USD 340.27 EUR 396.31
RUB 5.39 CNY 52.39
Jañalıqtar

8 jeltoqsan. QazAqparat küntіzbesі: atawlı künder, oqïğalar, esіmder

2017 jılğı 8 jeltoqsan 06:30 1869
Bölіsіñіz:
8 jeltoqsan. QazAqparat küntіzbesі: atawlı künder, oqïğalar, esіmder

ASTANA. QazAqparat - QazAqparat oqırmandarına 2017 jılğı 8 jeltoqsanğa arnalğan küntіzbesіn usınadı.

8 jeltoqsan, JUMA

Xalıqaralıq swretşіler künі

Atawlı kün älemdіk awqımdağı qoğamdıq-mañızdı oqïğalar küntіzbesіne 2007 jılı engіzіldі. Oğan «Älem xalıqtarı önerі» Xalıqaralıq qawımdastığınıñ ökіlderі bastamaşıl boldı.

Özbekstannıñ Konstïtwcïyası künі

1992 jılğı 8 jeltoqsanda ötken Özbekstan Joğarğı Keñesіnіñ 11-sessïyasında qabıldandı.

Qırğızstanda radïo jäne teledïdar qızmetkerlerіnіñ künі

1995 jılğı 23 jeltoqsanda Qırğız Respwblïkası Ükіmetіnіñ qawlısımen bekіtіlgen.

Rwmınïyada Konstïtwcïya künі

1991 jılı däl osı künі Rwmınïya Konstïtwcïyası tübegeylі maquldanğan referendwm boldı. Ol eldі basqarwdıñ respwblïkalıq forması men bïlіktі üş tarmaqqa - zañ şığarwşı, atqarwşı jäne sot bïlіgіne bölwdі resmï türde bekіttі.

Albanïyada ulttıq jastar künі

El parlamentі 2010 jılı resmï ärі ulttıq mereke retіnde bekіtken.

Bolgarïyada stwdentter künі

Alğaş ret mereke retіnde 1903 jılı Sofïya wnïversïtetіnіñ 15 jıldığına oray atap ötіlgen. 1994 jılı 8 jeltoqsanda barlıq stwdentterdіñ resmï merekesі retіnde jarïyalandı. Bul künі bolgarlıq joğarı oqw orındarında sabaq bolmaydı.

Panamada Analar künі

Bul künі panamalıqtar öz anaların quttıqtap, olarğa sıylıqtar  tartw etedі. 

ESTE QALAR OQÏĞALAR

1991 jılı 8 jeltoqsanda Mïnskіde Täwelsіz Memleketter Dostastığı (TMD) qurw twralı şeşіm qabıldandı. 1991 jılı 21 jeltoqsan künі Almatıda TMD-nıñ Bastı qağïdaları men maqsattarı deklaracïyasına Belarws, Resey, Wkraïna, Äzerbayjan, Armenïya, Qazaqstan, Qırğızstan, Moldavïya, Täjіkstan, Türіkmenstan, Özbekstan qol qoydı. 1993 jılı TMD-nıñ Jarğısı qabıldandı. Memleket basşılarınıñ keñesі, Ükіmet basşılarınıñ keñesі, Sırtqı іster mïnïstrlerіnіñ keñesі, Memleketaralıq ekonomïkalıq keñes, Sankt-Peterbwrgtağı ükіmetaralıq assambleyanıñ ortalığı sekіldі tağı basqa organdarı qurıldı. TMD-nıñ turaqtı jumıs іsteytіn organı - Mïnskіdegі üylestіrw keñesі komïtetі.

1992 jılı Qazaqstan Respwblïkasınıñ Ïnjenerlіk akademïyası qurıldı, onıñ prezïdentі bolıp O.Joldasbekov tağayındaldı. Qazіrgі künі Ulttıq ïnjenerlіk akademïya quramında 20-dan astam ğılımï-öndіrіs ortalıqtarı jumıs іsteydі, ol bükіl Qazaqstandağı texnoparkterdіñ qurılwı men damwına belsendі qatısadı, onıñ bölіmderі men fïlïaldarı aymaqtağı öndіrwşі käsіporındarmen tığız baylanısta. Akademïyanıñ ğılımï ortalıqtarınıñ arasınan ğılımï-ïnjenerlіk aqparattıq-eseptewіş ortalığı, «Munay» ğılımï-zerttew ortalığı, Qazіrgі zaman texnologïyalarınıñ ïnstïtwtı, Ekologïyalıq saraptama ïnstïtwtı jäne basqaların atap ötwge boladı.

1993 jılı Qazaqstan Respwblïkasınıñ Joğarğı Keñesіnіñ jäne jergіlіktі wäkіldіk organdarınıñ depwtattarın saylaw twralı QR Zañı jarïyalandı. Oğan säykes Qazaqstan Respwblïkasınıñ Joğarğı Keñesі memlekettіk bіregey zañ şığarwşı jäne joğarı ökіldіk organı retіnde Qazaqstan Respwblïkasınıñ Joğarğı Keñesіnіñ bіrіnşі şaqırılım depwtattarın, sonday-aq oblıstıq, awdandıq jäne qalalıq ökіldіk organdarınıñ depwtattarı saylawın 1994 jılğı 7 nawrızğa belgіlew twralı qawlı qabıldadı.


1993 jılı memlekettіk bïlіktіñ barlıq tarmaqtarı men deñgeylerіnіñ özara jumıs іstewіn jäne äkіmşіlіk-awmaqtıq qurılıstı qamtamasız etw maqsatında el Konstïtwcïyasına säykes Qazaqstan Respwblïkasınıñ «Qazaqstan Respwblïkasınıñ äkіmşіlіk-awmaqtıq qurılısı twralı» Zañı qabıldandı.

1994 jılı äl-Farabï atındağı Qazaq memlekettіk ulttıq wnïversïtetіnіñ qurılğanına 60 jıl tolwına baylanıstı wnïversïtet bas ğïmaratı aldında äl-Farabï eskertkіşі aşıldı.

1995 jılı Qazaqstan Respwblïkasınıñ Prezïdentі N.Nazarbaevtıñ «Qazaqstan Respwblïkasınıñ memlekettіk nagradaları twralı»  Jarlığı jarïyalandı.

1997 jılı Tegeranda (Ïran Ïslam Respwblïkası) ötken Ïslam Konferencïyası Uyımınıñ VIII sammïtіnde «Qazaqstan Respwblïkasınıñ Azïyadağı özara іs-qïmıl jäne senіm şaraları keñesіn şaqırw bastamasın qoldaw twralı» Qarar qabıldandı.

1997 jılı Elbası Jarlığımen Qazaqstan Respwblïkasınıñ Köşі-qon jäne demografïya jönіndegі agenttіgі qurıldı.

2006 jılı Şotlandïyadağı Aberdïn qalasında Qazaqstan Konswldığı jaña keñsesіnіñ resmï tusawkeserі öttі.

2007 jılı Almatıda qoğam qayratkerі Bolatxan Tayjanğa eskertkіş ornatıldı. Eskertkіştіñ avtorı - Tïmwr Süleymenov. Bolatxan Tayjan (1941-2006) tanımal dïplomat, Qazaqstan Respwblïkası sırtqı ekonomïkalıq baylanıstar mïnïstrіnіñ bіrіnşі orınbasarı, Mısır, Marokko, Twnïs Aljïr, Ïordanïya, Sïrïya, Lïvïya, Malayzïya elderіndegі Qazaqstan Respwblïkasınıñ Tötenşe jäne Ökіlettі Elşіsі, «Ult tağdırı - El tağdırı» ulttıq-patrïottıq qozğalıstıñ törağası qızmetterіn atqarğan. KSRO Jwrnalïster odağınıñ müşesі.

2009 jılı Osakada (Japonïya) Qazaqstan Respwblïkası Qurmettі konswldığınıñ aşılw räsіmі bolıp öttі. Qurmettі konswl bolıp älemge tanımal «Toşïba» korporacïyasınıñ vïce-prezïdentі Şïro Kavaşïta tağayındaldı. Konswldıqtıñ aşılw saltanatına Japonïyanıñ resmï tulğaları, іrі kompanïyalardıñ basşıları, buqaralıq aqparat quraldarınıñ ökіlderі qatıstı. Elşіlіk awmağında Qazaqstan twralı fotokörme uyımdastırıldı. Qazaqstan Respwblïkasınıñ Osakadağı Qurmettі konswldığınıñ bastı mіndetі - ekі eldіñ arasındağı sawda-ekonomïkalıq jäne mädenï-gwmanïtarlıq ıntımaqtastıqtı nığaytw.

2010 jılı Pavlodarda «Jeñіs» attı qazaq tіlіn üyretetіn jaña elektrondı kіtap şıqtı.

2010 jılı Oñtüstіk Qazaqstan oblısında «Batıs Ewropa - Batıs Qıtay» kölіk dälіzіnіñ oñtüstіk qïığında qurılıs jumıstarı bastaldı.

2011 jılı Memleketaralıq avïacïyalıq komïtet (MAK) pen QR Kölіk jäne kommwnïkacïya mïnïstrlіgіnіñ Azamattıq avïacïya komïtetі Almatı qalası aerodromınıñ ÏKAO-nıñ ІІІV sanatına säykestіgі jönіnde sertïfïkattı «Almatı xalıqaralıq äwejayı» AQ-na tabıstadı

2011 jılı Elbası - QR Qarwlı küşterіnіñ Joğarğı Bas qolbasşısı Nursultan Nazarbaev  Astanadağı general S. Nurmağambetov atındağı «Jas ulan» respwblïkalıq mektebіnіñ jaña keşenіn aştı.

2012 jılı Astana qalasınıñ Kerey, Jänіbek xandar köşesіnde ornalasqan «Tіlep - qobız sarayı» jaña koncerttіk zalı saltanattı türde elorda turğındarı men qonaqtarına esіgіn aştı.

 Qazaqtıq ulttıq mwzıka aspabı qobız ben ulı qobızşı Tіlep Aspantayulına arnalğan bіregey koncerttіk zaldıñ negіzіn qalağan - qobızşınıñ besіnşі urpağı Sapar Isqaqov.

2012 jılı Qarağandıda avtokölіkterdі tіrkew jäne jürgіzwşі kwälіgіn berw qızmetterі körsetіletіn alğaşqı mamandandırılğan XQKO  aşıldı. 

2014 jılı Almatıda Äl-Farabï atındağı Qazaq ulttıq wnïversïtetіnde el Prezïdentі Nursultan Nazarbaev QR JOO-ları tarïxında alğaşqı medïcïnalıq dïagnostïkalıq ortalıq jumısın aştı.

Ortalıqta wnïversïtet stwdentterі men professorlıq-oqıtwşılıq quramın skrïnïngtіk tekserw jürgіzіledі. Dïagnostïka qoyadı, keñes beredі. Stwdentterge qızmet tegіn.

Ortalıq jumısında paydalanılğan «U-Health» telemedïcïna jüyesі dïagnostïka jürgіzwge, telekommwnïkacïyalıq jabdıq kömegіmen onlayn rejіmde keñes berw üşіn «Kangnam Severans» klïnïkasınıñ mamandarına nawqastardıñ derekterіn berwge mümkіndіk beredі.

2015 jılı Astananıñ Qalïbek Qwanışbaev atındağı memlekettіk akademïyalıq qazaq mwzıkalıq-drama teatrı Mäskewde XIII xalıqaralıq teatr festïvalіnde «Altın batır» bas jüldesіn aldı.

Qazaq teatrı festïvalde orıs dramatwrgі Valentïna Ejovanıñ «Bulbul tünі» twındısınıñ jelіsі boyınşa «Tırawlap uşqan tırnalar» attı lïrïkalıq dramasın qoydı. Ol öz jumısın Ulı Jeñіstіñ 70 jıldığına arnadı.

2015 jılı Älemdіk jäne dästürlі dіn lïderlerіnіñ V Sezіnіñ materïaldarınan jïnalğan kіtap-albom jarıq kördі. Onda xalıqaralıq sayasat, dіnaralıq qatınastar jäne mädenïetterdіñ özara ıqpaldastığı mäselelerі qamtılğan. 

2015 jılı Nyu-Yorkte BUU Bas Assambleyasınıñ jalpı otırısında Qazaqstannıñ bastamasımen Yadrolıq qarwdan azat älem qurw twralı jalpığa ortaq deklaracïya bekіtіldі. Türlі qurlıqtar men öñіrlіk toptar atınan ökіldіk etken 35 memleket - tïіstі qarardıñ teñ avtorı.

2016 jılı Astanada QR Ükіmetіnіñ «Darın» memlekettіk jastar sıylığınıñ lawreattarın marapattaw räsіmі öttі. «Sport» atalımı boyınşa sıylıqtar Rïo-2016 Olïmpïadasınıñ jüldegerlerі Dmïtrïy Balandïn men Ädіlbek Nïyazımbetovke tapsırıldı.

2016 jılı Ewropalıq komïssïya barlıq qazaqstandıq avïakompanïyalardı qawіpsіzdіk standarttarına säykes kelmeytіn uşırılımdardıñ qawіpsіzdіgі boyınşa «qara tіzіmnen» alıp tastadı.

2016 jılı «Henrico Schools» s amerïkalıq twdentterі qazaq tіlіnde «Üş qoñır» änіn orındadı. Ännіñ avtorları - Qazaqstan Prezïdentі Nursultan Nazarbaev pen kompozïtor Altınbek Qorazbaev.

ESІMDER


8 jeltoqsan. QazAqparat küntіzbesі: atawlı künder, oqïğalar, esіmder 75  jıl burın
(1942) jazwşı, Qazaqstan Jazwşılar odağınıñ müşesі, QR eñbek sіñіrgen qayratkerі MUXANBETQALÏULI Qajığalï dünïege keldі. 

Aqtöbe oblısı Bayğanïn awdanında twğan. 1965 jılı Qazaq memlekettіk wnïversïtetіnіñ fïlologïya fakwltetіn üzdіk bіtіrgen. Odan keyіn Aqtöbe oblıstıq radïo jäne televïdenïe komïtetіnde, oblıstıq «Kommwnïzm jolı» gazetіnde, «Qazaqstan» baspasında, «Juldız» jwrnalında, «Qazaq ädebïetі» gazetіnde redaktor, ağa redaktor, ağa ädebï qızmetker, bölіm meñgerwşіsі, jawaptı xatşı, «Jaña fïlm» jwrnalınıñ bas redaktorı bolğan. Keyіngі jıldarı QR Prezïdentі apparatında, Parlamentte, «Tañşolpan» jwrnalında qızmet іstegen. R.Akwtagaeva, S.Moem, P.Merïme, Gï de Mopassan, D.Fonvïzïn, S.Çwbek, L.Xonvano, Dj.Odïnaev, X.Abdwllïn, t.b. jazwşılardıñ jekelegen äñgіmelerіn jäne türіkmen jazwşısı T.Jumageldïnovtіñ «Eges» attı kіtabın, orıs jazwşısı A.Skalonnıñ «Baqıttıñ altayı tülkіsі» attı äñgіmeler men povester jïnağın qazaq tіlіne awdarğan. Özіnіñ de bіrqatar äñgіmelerі şetelderde jarïyalanğan ujımdıq jïnaqtarğa engen. «Sırım batır» attı romanınıñ alğaşqı tarawların ädebï jwrnaldarda jarïyaladı. «Sırım Datulı» jïnağın qurastırıp, alğı sözі men tüsіnіktemelerіn jazğan. 2003 jılı QR-nıñ eñbek sіñіrgen qayratkerі atağı berіldі. Täwelsіzdіktіñ 10 jıldığına arnalğan medalmen marapattalğan, Bayğanïn awdanınıñ Qurmettі azamatı.


8 jeltoqsan. QazAqparat küntіzbesі: atawlı künder, oqïğalar, esіmder 57 jıl burın (1960) Aqmola oblısı Celïnograd awdanınıñ äkіmі TÄTKEEV Malğajdar Sattarulı dünïege kelgen.

Kökşetaw oblısında twğan. KSRO ІІM Qarağandı joğarı mektebіn ayaqtadı (1983). Zañ ğılımdarınıñ kandïdatı.

Eñbek jolı: іşkі іster organdarınıñ qızmetkerі (1983-1997); qarjı (salıq) polïcïyası organdarınıñ qızmetkerі (1997-2009); Qazaqstan Respwblïkasınıñ ekonomïkalıq qılmısqa jäne sıbaylas jemqorlıqqa qarsı küres agenttіgіnіñ Ekonomïkalıq jäne qarjı qılmıstarın aşw jönіndegі departamentі bastığınıñ orınbasarı, baqılaw-taldaw basqarmasınıñ bastığı (03.2009-08.2009); Soltüstіk Qazaqstan oblısı boyınşa Ekonomïkalıq qılmısqa jäne sıbaylas jemqorlıqqa qarsı küres (qarjı polïcïyası) departamentіnіñ bastığı (2009-2010); Qarağandı oblısı boyınşa Ekonomïkalıq qılmısqa jäne sıbaylas jemqorlıqqa qarsı küres (qarjı polïcïyası) departamentіnіñ bastığı (2010-2012); «Aqmola oblısı Jer qatınastarı basqarması» memlekettіk mekemesіnіñ bastığı (2012-2013); Aqmola oblısı Zerendі awdanınıñ äkіmі (2013-2014).

Qazіrgі lawazımın 2014 jıldan berі atqarıp keledі.

«Qazaqstan Konstïtwcïyasına 10 jıl», «Qazaqstan Respwblïkasınıñ täwelsіzdіgіne 20 jıl», «Kazaqstan Respwblïkası prokwratwrasına 20 jıl», «Mіnsіz qızmetі üşіn», ІІІ därejelі «Mіnsіz qızmetі üşіn» medaldarımen; «Mïlïcïya ozatı», «ІІM-de mіnsіz qızmetі üşіn», «Qazaqstan Respwblïkasınıñ qarjı polïcïyasına 15 jıl», «Qazaqstan polïcïyasına 20 jıl» tösbelgіlerіmen marapattalğan.

  


8 jeltoqsan. QazAqparat küntіzbesі: atawlı künder, oqïğalar, esіmder 56
jıl burın (1961) Batıs Qazaqstan oblısınan saylanğan Qazaqstan Respwblïkası Parlamentі Senatınıñ depwtatı MUQAEV Erbolat Raxmetulı dünïege keldі. 

Gwrev pedagogïka ïnstïtwtın, BLKJO OK janındağı Mäskew Joğarı komsomol mektebіn, Batıs Qazaqstan ïnjenerlіk-texnologïya wnïversïtetіn bіtіrgen. Fïzïka pänіnіñ muğalіmі, sayasattanwşı, ekonomïst. Oral qalası äkіmіnіñ orınbasarı. Batıs Qazaqstan oblısı äkіmі apparatınıñ basşısı bolıp qızmet atqarğan. «Qurmet» ordenіmen, ekі medalmen marapattalğan.

2008 jıldan berі qazіrgі qızmetіnde. 2014 jılı qayta saylanğan.

 


8 jeltoqsan. QazAqparat küntіzbesі: atawlı künder, oqïğalar, esіmder 51 jıl
burın (1966) QR Joğarğı sot swdyası MIRZAKE Ğalımjan Jarılqasınulı dünïege keldі.

Jambıl oblısınıñ Qarataw awılında twğan. 1995 jılı «Avtomobïlder jäne avtomobïl şarwaşılığı» Qazaq polïtexnïkalıq ïnstïtwtwtın, 1997 jılı «Twran» wnïversïtetіn «Quqıqtanw» mamandığı boyınşa bіtіrgen. 1984 jıldan 1999 jılğa deyіn «Qarataw» öndіrіstіk bіrlestіgіnіñ energocex slesarі, «Qarataw» öndіrіstіk bіrlestіgіnіñ slesar-jöndewşіsі, Köpbağdarlı «Oyan» kooperatïvіnіñ jürgіzwşі-mexanïgі, Jambıl oblısınıñ ІІD OPO PPÇ-18 ört söndіrwşіsі, Jambıl oblısınıñ ІІD OPO PPÇ-18 qarawıl bastığı, Jambıl oblısı boyınşa Keden basqarmasınıñ ïnspektorı, Qarataw qalalıq prokwrorınıñ qoğamdıq kömekşіsі, Jambıl oblısınıñ Talas awdandıq prokwrorınıñ ağa kömekşіsі qızmetterіnde boldı. 1999-2002 jıldarı Astana qalasınıñ Almatı awdandıq sotınıñ swdyası, 2002-2005 jıldarı Aqtöbe oblısınıñ mamandandırılğan awdanaralıq ekonomïkalıq sotınıñ törağası, 2005-2010 jıldarı Qostanay oblıstıq sotınıñ azamattıq іster boyınşa alqa törağası,  2010-2012 jıldarı Oñtüstіk Qazaqstan oblıstıq sotınıñ kassacïyalıq sot alqasınıñ törağası boldı.

2012 jıldıñ şіldesіnen Qostanay oblıstıq sotınıñ törağası boldı. Qazіrgі qızmetіnde 2015 jıldıñ jeltoqsan ayınan.

 

 


Bastı sözder: Küntіzbe,
Bölіsіñіz:
Onlayn qızmetkerler
Redaktor
Janïbek Amangeldï
Janïbek Amangeldï
954-059
Murağat