Jańalyqtar  >
  Resmı
8 myńnan astam sýyq qarýdy el aýmaǵynan alyp shyqpaq bolǵandar ustaldy
2022 jylǵy 11 tamyz 21:46

8 myńnan astam sýyq qarýdy el aýmaǵynan alyp shyqpaq bolǵandar ustaldy

NUR-SULTAN. QazAqparat – Jyl basynan beri 8 myńnan astam sýyq qarý men elektrlik esten tandyrý quraldaryn shekaranyń arǵy betine alyp ótpek bolǵandar ustaldy, dep habarlaıdy QazAqparat QR UQK baspasóz qyzmetine silteme jasap.

«UQK Shekara qyzmeti jyl basynan beri 170 birlikten astam oq-dárini, 8 myńnan asa sýyq qarý men elektrlik esten tandyrý quraldaryn shekara arqyly ótkizý áreketi kezinde tárkilep, oqsyz atylatyn qarýdy áketýdiń 2 faktisiniń jolyn kesti.

Tek sońǵy aptada shekaralyq baqylaý júrgizý kezindegi tekserý is-sharalar nátıjesinde 60 ańshylyq jáne 6 zaqymdaıtyn oq, qoldan jasalǵan 2 pyshaq anyqtaldy.

Barlyq jaǵdaılarda ustalǵan adamdar men kólikter protsessýaldyq sheshimder qabyldaý úshin quzyreti boıynsha ishki ister organdaryna tapsyryldy», - delingen resmı habarlamada.


Foto: gov.kz


Uqsas jańalyqtar
Seriktester jańalyqtary

Jańalyqtar

Úrdis

MURAǴAT