+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

8 qazan. QazAqparat kúntizbesi

2019 jylǵy 8 qazan 07:00
Bólisińiz:
8 qazan. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 8 qazanǵa arnalǵan kúntizbesin usynady.

ESTE QALAR OQIǴALAR

1860 jyly Almatyda Kók bazar aýdanyndaǵy tar bólmede ornalasqan alǵashqy poshta bólimshesi ashyldy. Búginde Almaty poshtampy - «Qazposhta» AQ-nyń eń iri jáne aldyńǵy qatarly fılıaldarynyń biri.

1930 jyly KAZGOR jobalaý akademııasy quryldy. Uıym Almaty qalasyndaǵy, basqa da oblys ortalyqtaryndaǵy, Reseı jáne TMD qalalaryndaǵy biregeı ǵımarattardyń jobasyn ázirlegen.

1952 jyly Taldyqorǵan aýdanynyń Tekeli kenti oblysqa baǵynatyn qalaǵa aınaldy. Qalanyń damý tarıhy polımetall kenderiniń barlanýy jáne qazylýymen tikeleı baılanysty. Tekeli qorǵasyn-myrysh kombınatynda qorǵasyn men myrysh óńdeledi.

2007 jyly Semeıdegi Nevzorovtar otbasy atyndaǵy Beıneleý óneri murajaıy jańa jádigermen tolyqty. Abaı aýdanynyń turǵyny Jánibek Moldahan murajaıǵa tastan qashalǵan jaýyngerdiń músinin tartý etti. Tasmúsin tabylǵan jerge attanǵan ólketanýshy-ǵalymdar, bul osydan 1 myń jyldaı buryn qashalǵan túrki jaýyngeriniń beınesi degen paıymǵa kelip otyr. Ólketanýshylardyń aıtýynsha, tas músin kóne túrkilerdiń ádette zırat basyna qoıatyn dástúrli eskertkishi bolǵan jáne onyń kómegimen baıyrǵy kóshpendiler dúnıeniń tórt buryshyn baǵdarlaǵan.

2009 jyly Astanada Túrkııa Respýblıkasynyń negizin qalaýshy Mustafa Kemal Atatúrikke arnalǵan eskertkish saltanatty túrde ashyldy ótti. Eskertkish Astana qalasynyń Táshenov kóshesiniń boıyndaǵy saıabaqta ornalasqan. Eskertkish qoladan, al tuǵyry - granıtten jasalǵan. Bıiktigi - 4,4 metr, salmaǵy - 5,5 tonna. Onyń qurylysyna 0,0625 gektar jer telimi berildi.

2010 jyly Forbes Style jýrnalynyń (tanymal bıznes jarshysynyń qosymshasy) nusqasy boıynsha elordalyq «Han Shatyr» saýda oıyn-saýyq ortalyǵy álemdegi úzdik ekoǵımarattardyń ondyǵyna kirdi.

2013 jyly Qazaqstannyń Ulttyq geografııa qoǵamy quryldy. Onyń basty maqsaty – senimdi geografııalyq málimetterdi jınaý jáne taratý, ǵylymdy damytý, ulttyq qaýipsizdikti nyǵaıtý, eldiń turaqty damýyna, jasyl ekonomıkaǵa kóshýine qolǵabys etý.

2013 jyly Qazaqstanda «Bokstan Álem chempıonaty. Almaty-2013» kúmis monetasy aınalymǵa shyǵaryldy. Ol Almatyda 2013 jyly 14-26 qazan kúnderi Qazaqstanda alǵash ret ótkizilgen bokstan Álem chempıonatyna arnaldy. Nomınaly – 100 teńge.

Moneta 925 synamaly kúmisten soǵylǵan, massasy – 31,1 gr, dıametri – 38,61 mm, ázirlený sapasy - «proof», taralymy – 3 myń dana.

2015 jyly Taraz qalasynda «Qazaq handyǵynyń 550 jyldyǵy» monýmentiniń ashylý saltanaty ótti. Músindik kompozıtsııaǵa aq mármárdan jasalǵan 27 metrlik stela jáne Kereı men Jánibek handardyń 5 metrlik músinderi kiredi.

2016 jyly atyraýlyq ónertapqysh Erjan Nurıdenov Kún, jel energııasyn jáne geotermaldy energııa shyǵaratyn qondyrǵyǵa patent aldy. Qondyrǵynyń syrt pishini butaqtaryna Kún batareıalary, modýldi shaǵyn jel generatorlary ornatylǵan aǵashqa uqsaıdy. Elimizde jyldyń basym bóligi shýaqty, al qysy boıy jel soǵyp turatyndyqtan, qondyrǵy tıimdi jumys isteıdi. Ony úıdi, kóshelerdi jaryq etýge, telefon zarıadtaýǵa qoldanýǵa bolady.

2017 jyly belgili arheolog ǵalym A.Z. Beısenov bastaǵan qaraǵandylyq arheologtar 3000 jyldyq Saryarqa pıramıdasyn rekonstrýktsııalaý jumystaryn aıaqtady. Endi elimizdiń týrıstik kartasynda jańa biregeı eskertkish – Beǵazy-Dándibaı mádenıetiniń mavzoleıi paıda boldy.

Qaraǵandyda ornalasqan, qola dáýirine tán pıramıdany arheologtar 2016 jyly tapty. Ǵalymdardyń esepteýinshe, mavzoleı úsh myń jyl buryn salynǵan.

2017 jyly qazaq dzıýdoshysy Jansaı Smaǵulov Tashkentte ótken Gran-prı kezeńiniń chempıony boldy. Ózbekstan astanasynda álemniń 27 elinen jınalǵan 183 dzıýdoshy kúres júrgizdi.

2018 jyly fDi Magazine halyqaralyq jýrnaly Shymkenttegi «Ońtústik» arnaıy ekonomıkalyq aımaǵyn «Expansions», «Marketing slogans», «China strategy», «Charity initiatives», «Community outreach award» atalymdary boıynsha jeńimpaz dep atady. Aımaqqa redaktor Kortnı Fıngar «Editor's choice: Ones to watch» ataǵyn da berdi.

Osy atalymdardaǵy jeńiske rezıdent kompanııalarmen nátıjeli yntymaqtastyq jasaý, ınvestorlarmen tabysty jumys isteý, óndiris qýatyn arttyrý, marketıng qyzmetin jandandyrý, mańyzdy salalyq kórmelerge, konferentsııalarǵa qatys, qaıyrymdylyq sharalarǵa qatysýdyń arqasynda qol jetkizildi.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT