+7 (701) 759 90 19
USD 425.71 EUR 495.53
RUB 5.99 CNY 66.56
Jańalyqtar

8 aıda qazaqstandyqtar mobıldi aýdarymdar arqyly 36 trln teńge joldaǵan

2021 jylǵy 23 qyrkúıek 17:41
Bólisińiz:
8 aıda qazaqstandyqtar mobıldi aýdarymdar arqyly 36 trln teńge joldaǵan

NUR-SULTAN. QazAqparat – QR Qarjy mınıstri Erulan Jamaýbaev mobıldi aqsha aýdarymdary qalaı zańdastyrylatynyn túsindirdi, dep habarlaıdy QazAqparat tilshisi.

«Qarjy mınıstrligi tıisti múddeli memlekettik organdarmen jáne bıznes-qarjygerler qaýymdastyǵymen birlese otyryp, mobıldik aýdarymdardy retteýge qatysty zań normalaryn ázirlegen bolatyn. Ol qazir Parlamenttiń qaraýynda jatyr», - degen mınıstr ózgeristiń mánin bylaı dep túsindirdi:

«Ózderińiz bilesizder, jeke kásipkerler kásipkerlikpen aınalysqanda da, jeke aýdarymdar jasaǵanda da qarajattary bir shotta aralasyp ketip jatyr. Bul jalpy ákimshilendirýge múmkindik bermeıdi. Sondyqtan biz zań aıasynda kásipkerlikpen aınalysqandardan jeke shot ashýdy talap etemiz jáne jeke aýdarymdar júrgizýge arnaıy bólek shot ustaýy kerek. ıAǵnı, biz osyndaı tetikterdi banktermen, bıznes qaýymdastyǵymen birlesip qarastyryp jatyrmyz. Ony birtindep engizemiz», - dedi vedomstvo basshysy.

Erulan Jamaýbaev atalǵan ózgeristiń qarapaıym azamattarǵa qatysy joq ekenin qaıtalap eske saldy.

«Bul jerde aıta ketetin negizgi bir másele – halyq tarapynan alańdaý bolmaýy kerek. Sebebi azamattardyń qoldanyp júrgen karta shottary saqtalady. Olardyń kúndelikti ózara bir-birine aýdaryp júrgen aqshalaryna eshqandaı nuqsan kelmeıdi. ıAǵnı, búkil protsess sol kúıinde saqtalady. Aldynda da aıtqanymyzdaı, mobıldi aýdarymdardy fıskaldaý úshin ǵana zańǵa birtindep ózgerister engizemiz. QR Ulttyq banki jınaqtap otyrǵan málimet boıynsha, 8 aıda mobıldik aýdarymdar arqyly jáne ınternet jelisi arqyly júrgizilgen aýdarymdar men tólemderdiń jalpy kólemi 36 trln teńgeniń mańaıynda qalyptasyp otyr. Bul óte qosmaqty soma», - dedi Qarjy mınıstri.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT