+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

75 bólimnen turatyn «Qasym han» serıaly túsiriledi

2019 jylǵy 16 maýsym 19:29
Bólisińiz:
75 bólimnen turatyn «Qasym han» serıaly túsiriledi

NUR-SULTAN. QazAqparat - 75 bólimnen turatyn «Qasym han» serıaly túsiriledi. Bul jaıynda QR Mádenıet jáne sport mınıstri Arystanbek Muhamedıuly Feısbýktegi paraqshasynda jazdy, dep habarlaıdy QazAqparat tilshisi.

«Túrkistan oblysyna jumys saparymen baryp, Otyrar tóbe jáne Otyrar sapar ortalyǵymen tanystyq. Menimen birge tanymal «Ertuǵyryl» serıalynyń avtory jáne rejısseri Gıýnaı Metın men jýrnalıster bardy. Jaqynda elimizde qazaq tarıhyndaǵy mańyzdy tulǵa - Qasym han týraly serıal túsiriletinin bilesizder. Elbasynyń arnaıy shaqyrtýymen kelgen Gıýnaı Metın stsenarıı jazyp, rejısser retinde tarıhı oryndardy kórýge attandy. Biz Otyrar, Saraıshyq, Saýran syndy qalalarymyzdy álemge tanytýymyz kerek», - dep jazdy mınıstr.

Onyń atap ótýinshe, «Qasym han» serıaly barlyq jaǵynan mańyzdy joba sanalady. Úsh maýsym boıy uzaqtyǵy 75 serııa túsirý josparlanyp otyr. Qazirgi tańda daıyndyq jumystary júrgizilýde: kostıýmderdiń eskızderi, sol kezdiń turmystyq zattary jasalýda. Jaqynda fılmge kastıng jarııalanatyn bolady, oǵan elimizdiń ártisteri shaqyrylady. Tarıhymyzdy álemge kórsetý maqsatynda bul serıaldyń orny erekshe bolmaq.

«Osyǵan baılanysty Túrkistan oblysynda salynyp jatqan Otyrar sapar ortalyǵyn kórdik. Bul - elimizdegi eń iri mádenı týrızm ortalyǵy. Sapar ortalyǵyn salýdaǵy maqsat: Otyrar oazısiniń mádenı murasyn elimiz ben shetelge tanystyrý, tarıhı-mádenı nysandardy qorǵaý men saqtalýyn qamtamasyz etý. Sapar ortalyǵy zamanaýı tehnıkamen jabdyqtalǵan, ǵylymı arhıv, dáris zaly, qor saqtaıtyn bólmeler, sheberhanalar qarastyrylǵan. Tarıhı-mádenı oryndardy saqtap, olardy álemge tanytý úshin QR Mádenıet jáne sport mınıstrligi qyrýar jumys atqaryp júrgeni kópshilikke málim. Otyrar sapar ortalyǵy - osy baǵyttaǵy mańyzdy qadam», - dedi Arystanbek Muhamedıuly.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT