+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

72 saǵattyq vızasyz tranzıt Qazaqstanda týrıster aǵynyn ulǵaıtady – mınıstrlik

2020 jylǵy 5 qańtar 19:18
Bólisińiz:
72 saǵattyq vızasyz tranzıt Qazaqstanda týrıster aǵynyn ulǵaıtady – mınıstrlik

NUR-SULTAN. QazAqparat - 72 saǵattyq vızasyz tranzıt Qazaqstanda týrıster aǵynyn ulǵaıtady, dep habarlaıdy QazAqparat QR Mádenıet jáne sport mınıstrligine silteme jasap.

Uqsas jańalyqtar
Qazaqstan men Ózbekstannyń kóne qalalaryn kórsetetin týrıstik marshrýt ashyldy Mańǵystaýǵa keletin týrıster sany ósti Mıneraldy sýymen aty shyqqan Saryaǵashta týrızmdi damytý kózdelip otyr

Qazaqstan Respýblıkasynyń týrıstik salasyn damytýdyń 2019 – 2025 jyldarǵa arnalǵan Memlekettik baǵdarlamasynyń negizgi baǵyttarynyń biri – Qazaqstannyń álemdik keńistiktegi saıahattar men týrızm boıynsha básekege qabilettiligin aıqyndaıtyn vızalyq jáne kóshi-qon rejimderin yryqtandyrý.

Osyǵan baılanysty, Qazaqstan Respýblıkasy Úkimetiniń 2019 jylǵy 30 jeltoqsandaǵy № 1028 qaýlysymen Úndistan Respýblıkasy men Qytaı Halyq Respýblıkasynyń azamattary úshin buryn engizilgen Qazaqstan Respýblıkasyna kelýdiń, bolýdyń jáne ketýdiń qoldanystaǵy vızasyz jetpis eki saǵattyq rejimi 2020 jyldyń 31 jeltoqsanyna deıin uzartyldy.

Sonymen qatar, «pılottyq» rejimdi uzartýdan basqa qabyldanǵan qaýly sheńberinde 2020 jyldyń 1 qańtarynan bastap engizilgen basqa da birqatar jańalyqtar bar.

«Atap aıtqanda, «Atameken» QR UKP men tıisti áýejaılardyń basqarýshy kompanııalarynyń ótinishterine saı, sondaı-aq QHR men Úndistannyń birqatar týrıstik kompanııalarynyń «Uly Jibek Joly» boıynda ornalasqan qalalarǵa arnaıy týrıstik baǵdarlamaǵa joǵary qyzyǵýshylyq tanytýyna baılanysty, atalǵan tranzıttik rejim sheńberinde jumys isteıtin halyqaralyq áýejaılardyń tizimi 4 qalanyń áýejaıymen tolyqtyrylǵan. Olar – Shymkent, Aqtaý, Qaraǵandy jáne Taraz qalalary», delingen habarlamada.

Budan basqa, osy vızasyz rejim sheńberinde qyzmetti júzege asyrý jáne tıisti tranzıttik tasymaldardy jasaý quqyǵy memleket ıeligine qaramastan qazaqstandyq jáne sheteldik barlyq áýekompanııalaryna beriledi:

Sonymen qatar, osy rejim sheńberinde keletin Úndistan men QHR azamattaryna kóshi-qon kartasyn berý qajettiligi alynyp tastaldy. Onyń ornyna, 2020 jyldyń 1 qańtarynan bastap ótkizý beketterinde Qazaqstan Respýblıkasynyń Memlekettik shekarasyn kesip ótý ýaqyty kórsetile otyryp, Úndistan men QHR tranzıttik azamattarynyń pasporttaryna mór basylady.

«Osy sharalardyń barlyǵy tranzıttik jolaýshylarǵa ishki týrızmdi damytý jáne ilgerletýde óz qyzmetin júzege asyratyn qazaqstandyq týroperatorlardan qosymsha týrpaketter satyp alýǵa múmkindik beredi. Bul óz kezeginde Qazaqstan ekonomıkasyna qosymsha shetel valıýtasy aǵynyn qamtamasyz etedi», delingen habarlamada.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT