+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

7 aıda qazaqstandyqtar shetelge 345,5 mlrd teńge aýdardy

2019 jylǵy 17 qyrkúıek 15:25
Bólisińiz:
7 aıda qazaqstandyqtar shetelge 345,5 mlrd teńge aýdardy

NUR-SULTAN. QazAqparat – 2019 jyldyń qańtar-shildesinde Qazaqstan azamattarynyń shetelge aýdarǵan aqsha qarajattarynyń somasy 345,5 mlrd teńgeni qurady, dep habarlaıdy Qazaqparat tilshisi ranking.kz-ke silteme jasap.

Osy jyldyń 7 aıyndaǵy halyqaralyq aqsha aýdarý júıesi arqyly jiberilgen qarajat kólemi 369,1 mlrd teńgeni quraǵan. Atalǵan somanyń 345,5 mlrd teńgesi shetelge, al 23,6 mlrd teńgesi Qazaqstan aýmaǵyna aýdarylǵan. Al halyqaralyq aqsha aýdarý júıesi arqyly shetelden Qazaqstanǵa kelgen qarajattyń somasy 203 mlrd teńgeni quraıdy. Bul ótken jyldyń qańtar-shildesindegi somadan 8,8 paıyzǵa kóp. Osy ýaqyt aralyǵynda shetelge aýdarylǵan jáne shetelden alynǵan transshekaralyq aýdarymdar kólemindegi aıyrmashylyq bir jyldyń ishinde 135,8 mlrd teńgeden, 142,5 mlrd teńgege deıin artyp otyr.

Halyqaralyq aqsha aýdarý júıesi arqyly transshekaralyq aýdarymdar jasalatyn elder arasynda Reseı, Ózbekstan, Túrkııa jáne Qyrǵyzstan kósh bastap tur.

Aıtalyq, 7 aıdyń ishinde qazaqstandyqtar Reseıge 116,9 mlrd teńge aýdaryp, ol jaqtan 72 mlrd teńge alǵan. Degenmen, elimizden kórshi elge aýdarymdar bir jyldyń ishinde 8,7 paıyzǵa, al Qazaqstanǵa aýdarymdar 23,7 paıyzǵa qysqarǵan.

Al Qazaqstannan Ózbekstanǵa 72,1 mlrd teńge aýdarylsa, ol jaqtan elimizge kelgen aqsha kólemi ne bári 14,9 mlrd teńgeni ǵana quraıdy. Munan bólek, qazaqstandyqtar Túrkııaǵa 47 mlrd teńge aýdaryp, 3,8 mlrd teńge alsa, Qyrǵyzstanǵa jiberilgen qarajat 43,4, al kelip túsken aqsha kólemi 13,4 mlrd teńge boldy. Qazaqstandyqtar Koreıa Respýblıkasynan 32,2 mlrd teńge aqsha aýdarymyn alǵan.


Bizdiń kanalymyzǵa jazylyńyz:

Basty sózder: Ekonomıka,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT