7 aqpan kúni elimizde ótetin mańyzdy sharalar ańdatpasy
ASTANA. QazAqparat – «QazAqparat» halyqaralyq aqparat agenttigi 7 aqpan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10.00-de Úkimet úıinde kezekti Úkimet otyrysy ótedi. Kún tártibinde áleýmettik mańyzy bar azyq-túlik taýarlary baǵasyn turaqtandyrýdyń jańa tásilderi jáne turǵyn úı-kommýnaldyq sharýashylyqty damytý taqyryptary qaralady.
11.00-de Kongress ortalyǵynda «AMANAT» partııasynyń kezekten tys XXV Sezi ótedi. Sezd jumysyna elimizdiń barlyq óńirinen delegattar, Parlament májilisiniń VII shaqyrylym depýtattary, barlyq deńgeıdegi máslıhattardyń burynǵy depýtattary, partııanyń Saıası Keńesiniń músheleri, ÚEU ókilderi, «Jastar Rýhy» jastar qanatynyń belsendileri jáne t.b. qatysady.
11.00-de Astana qalasynyń kommýnıkatsııalar ortalyǵynda «Bıznes sýbektileriniń órt qaýipsizdigi» týraly baspasóz konferentsııasy ótedi.
15.00-de QR Ekologııa jáne tabıǵı resýrstar mınıstrligi Ekologııa jáne tabıǵı resýrstar máseleleri jónindegi Qoǵamdyq keńestiń ekologııa jónindegi komıssııasynyń otyrysy ótedi. Onlaın-translıatsııa QR Ekologııa jáne tabıǵı resýrstar mınıstrliginiń Facebook jelisindegi resmı paraqshasynda tikeleı efırde júrgiziledi.
19.00-de Jastar teatrynda «Ómir» dramasy qoıylady.
19.00-de Astana qalasy fılarmonııasynyń kontsert zalynda «Motsartıana» sımfonııalyq mýzyka keshi ótedi.
19.00-de M. Gorkıı atyndaǵy memlekettik akademııalyq orys drama teatrynda «Vosem lıýbıaıh jenın» detektıvti tragıkomedııasy kórsetiledi.
