«7-20-25» jáne «Baspana hıt» baǵdarlamasy boıynsha jumys isteıtin alaıaqtar paıda boldy
2022 jylǵy 1 naýryz 13:52

«7-20-25» jáne «Baspana hıt» baǵdarlamasy boıynsha jumys isteıtin alaıaqtar paıda boldy

ALMATY. QazAqparat - Qazaqstannyń ornyqtylyq qory atynan jalǵan kepildik hattaryn qoldanǵan alaıaqtyq jaǵdaılar anyqtaldy, dep habarlaıdy QazAqparat tilshisi.

«Qazaqstannyń ornyqtylyq qory» aktsıonerlik qoǵamy basshylyqtyń qoly qoıylǵan jáne Qordyń mórimen rastalǵan jalǵan qujattardy úshinshi tulǵalardyń taratý jaǵdaılary anyqtalǵany týraly eskertedi.

Atap aıtqanda, alaıaqtar azamattarǵa Qor atynan menshikke berý kepildigi týraly jáne jyljymaıtyn múlikke menshik quqyǵyn tirkeý týraly jalǵan kepildik hattar berýmen aınalysqan.

Osyǵan baılanysty, Qor qandaı da bir kepildik hattardy berýdi júzege asyrmaıtyndaryn málim etti.

«Qor «7-20-25» jáne «Baspana hıt» ıpotekalyq turǵyn úı baǵdarlamalarynyń operatory bolyp tabylady jáne osy baǵdarlamalar aıasynda tek banktermen ózara qarym-qatynas jasaıdy. Qor jeke tulǵalarmen jumys istemeıdi, qurylys salasyna aralaspaıdy jáne óz balansynda jyljymaıtyn múlik ustamaıdy»,- dep atap ótti «Qazaqstannyń ornyqtylyq qory» AQ.

Qordaǵylar azamattardy qyraǵy bolýǵa shaqyrdy.

«Eger belgisiz jandar sizge Qor atynan qandaı da bir hattar, anyqtamalar bergenine kýá bolsańyz, dereý quqyq qorǵaý organdaryna habarlasýyńyzdy suraımyz»,- delingen habarlamada.

Suraqtar men kúdik týyndaǵan jaǵdaıda +7 (727) 227-20-25 nómiri boıynsha Qordyń call-ortalyǵyna habarlasýyńyzdy suraımyz (operatormen qosylý úshin 0-di terińiz).


Uqsas jańalyqtar
Seriktester jańalyqtary

Jańalyqtar

Úrdis

MURAǴAT