«7-20-25» boıynsha beriletin nesıeniń shegi kóterile me
2021 jylǵy 8 qyrkúıek 10:27

«7-20-25» boıynsha beriletin nesıeniń shegi kóterile me

NUR-SULTAN. QazAqparat – Jyl basynan beri baspana baǵasynyń qymbattaýy baıqaldy. Osyny eskerip, «7–20–25» baǵdarlamasy boıynsha beriletin úılerdiń shekti baǵasyn kóterý josparda bar ma? «Qazaqparat» halyqaralyq aqparat agenttiginiń bul saýalyna QR Ulttyq bankiniń mamandary jaýap berdi.

Bank jaýabyna sensek, jyl basynan beri «7–20–25» baǵdarlamasy boıynsha satyp alynǵan úılerdiń ortasha baǵasy qujatta kórsetilgen shekti baǵadan 14-28% tómen bolǵan. Osyny alǵa tartyp, Ulttyq bank nesıeniń shekti mólsherin kóterýge negiz joq degen qorytyndyǵa kelipti. Bul ustanymdaryn bylaı túsindiredi.

«Baǵdarlamada óńirler bólinisinde satyp alynatyn turǵyn úıge 3 baǵa lımıti kózdelgen. Bul:

– Nur-Sultan men Almaty qalalarynda jáne olardyń qala mańy aımaqtarynda, Shymkent, Aqtaý, Atyraý qalalarynda 25 mln teńgege deıin. Atalǵan 5 qalaǵa 2021 jyly baǵdarlama boıynsha berilgen qaryzdardyń 71%-y tıesili. Sol 71%-nesıege satyp alynǵan turǵyn úıdiń ortasha quny 18 mln teńge bolǵan.

– Qaraǵandy qalasynda 20 mln teńgege deıin shek qoıylǵan. Munda 2021 jyly nesıege satyp alynǵan turǵyn úıdiń ortasha quny 16,8 mln teńgeni quraıdy;

– qalǵan óńirlerde nesıe shegi 15 mln teńgege deıin. Al satyp alynǵan turǵyn úıdiń ortasha quny – 12,9 mln teńge.

Joǵaryda aıtylǵandaı, turǵyn úıdiń ortasha baǵasy shekti baǵadan 14–28% tómen. Bul «7–20–25» baǵdarlamasy sheńberinde satyp alý úshin turǵyn úıdiń eń joǵary qunyn arttyrýǵa negiz bermeıdi», - dep jazady Ulttyq banktiń baspasóz qyzmeti.


Jańalyqtar

MURAǴAT