«7-20-25» baǵdarlamasyn jalǵastyrýdy bıznes qaýymdastyq usyndy  – mınıstrlik
2022 jylǵy 18 sáýir 12:07

«7-20-25» baǵdarlamasyn jalǵastyrýdy bıznes qaýymdastyq usyndy – mınıstrlik

NUR-SULTAN.QazAqparat – Indýstrııa jáne ınfraqurylymdyq damý mınıstrliginiń baspasóz qyzmeti «7-20-25» baǵdarlamasy ári qaraı jalǵasýy múmkin degen aqparat týraly túsinikteme berdi, dep habarlaıdy QazAqparat tilshisi.

BAQ-ta QR Indýstrııa jáne ınfraqurylymdyq damý mınıstri Qaıyrbek Óskenbaevtyń «7-20-25» baǵdarlamasy ári qaraı jalǵasýy múmkin ekenin aıtqany týraly aqparat taraǵan bolatyn. Vedomstvonyń baspasóz qyzmeti osy aqparttyń mán-jaıy týraly saýalymyzǵa jaýap joldady.

«Ipotekalyq baǵdarlamany ári qaraı jalǵastyrý týraly usynys bıznes qaýymdastyqtan túsken bolatyn. Ulttyq banktiń deregi boıynsha, búgingi tańda rezervte osy baǵdarlamany iske asyrýǵa arnalǵan 500 mlrd teńge bar.

Ýákiletti organnyń ustanymy boıynsha, ıpoteka naryǵyn memlekettik retteýden ketip, naryqtyq jolmen damytýǵa jol ashý qajet.

Onyń ústine qazirgi ahýaldy, jeńildetilgen ıpotekalyq baǵdarlamanyń aıaqtalýy kútilip otyrǵanyn, birjolǵy zeınetaqy tólemderi men naryqtyq ónimderdiń qysqarǵanyn eskerip, balama shara retinde ıpotekany sýbsıdııalaý múmkindikterin engizýdi pysyqtap jatyrmyz», - dep jazylǵan mınıstrliktiń baspasóz qyzmeti usynǵan málimette.

Eske salsaq, Ulttyq bank «7-20-25» baǵdarlamasynyń keleshegi týraly túsinikteme bergen bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT