«7-20-25» baǵdarlamasymen kezeksiz úı alǵan sheneýnikterge qatysty tergeý júrip jatyr
2022 jylǵy 24 mamyr 18:47

«7-20-25» baǵdarlamasymen kezeksiz úı alǵan sheneýnikterge qatysty tergeý júrip jatyr

NUR-SULTAN. QazAqparat – Shymkent qalasynda «7-20-25» ıpotekalyq turǵyn úı baǵdarlamasynyń erejesin buzyp, baspanaly bolǵan sheneýnikterge qatysty tergeý amaldary júrip jatyr, dep habarlaıdy QazAqparat tilshisi.

Shymkentte keıbir sheneýnikter «7-20-25» baǵdarlamasy boıynsha kezekten tys baspana alǵany týraly buǵan deıin jazǵan bolatynbyz. QR Indýstrııa jáne ınfraqurylymdyq damý mınıstrligi j aǵdaıdy túsindirýdi talap etip, qala ákimdigine s aýal joldanǵanyn málim etken edi.

Búgin Ortalyq kommýnıkatsııalar qyzmetinde ótken baspasóz máslıhatynda QR IIDM Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Ázimbek Nálibaev is boıynsha tergeý júrip jatqanyn atap ótti.

«Atalǵan páterler «7-20-25» baǵdarlamasy boıynsha «Qazaqstan turǵyn úı kompanııasynyń» oblıgatsııalyq zaımdary esebinen salyndy. Turǵyn úıler baspana kezeginde turǵan azamattarǵa arnalǵan. Sol sııaqty olar «Otbasy bankiniń» salymshylary. Qazirgi tańda tergeý amaldary júrip jatyr. Іstiń mán-jaıyn tolyǵyraq aıta almaımyz», - dedi Á.Nálibaev.

Onyń aıtýynsha, búginde jergilikti ákimdik atalǵan máselege qatysty qosymsha shara qabyldap jatyr.

«Ákimdiktiń resmı pozıtsııasyn kútip otyrmyz», - deıdi ol.



Jańalyqtar

MURAǴAT