7-20-25 baǵdarlamasy boıynsha rezervte áli 446 mlrd teńge bar
2022 jylǵy 18 sáýir 13:08

7-20-25 baǵdarlamasy boıynsha rezervte áli 446 mlrd teńge bar

NUR-SULTAN. QazAqparat – «7-20-25» baǵdarlamasy boıynsha belgilengen 1 trln teńgeniń áli 466 mlrd teńgesi ıgerilgen joq, dep habarlaıdy QazAqparat.

Bul týraly «Qazaqstannyń ornyqtylyq qory» aktsıonerlik qoǵamy málim etti.

«Qazaqstanda «7-20-25» turǵyn úı ıpotekalyq baǵdarlamasyn iske asyrý jalǵasyp keledi. Ipotekalyq baǵdarlama belgilengen lımıt – 1 trıllıon teńgege jetkenge deıin jumys istemek. Búgingi tańda josparlanǵan 1 trıllıon teńgeniń 534 mıllıard teńgesi berildi. Demek, «7-20-25» baǵdarlamasynyń áli 466 mıllıard teńge rezervi bar», - dep jazylǵan málimette.

Resmı derek boıynsha, eń kóp ıpotekalyq qaryz Nur-Sultan qalasynda berilgen – 212,2 mlrd teńgege 14 232 kredıt. Odan keıin Almaty qalasynda - 127,5 mlrd teńgege 8 912 kredıt, Shymkentte – 33 mlrd teńgege 2 843 kredıt rásimdelgen.

«Tájirıbe kórsetip otyrǵandaı, azamattardyń kópshiligi aqshany únemdeý úshin jáne tańdaý kóp bolǵandyqtan qurylysy aıaqtalmaǵan turǵyn úıdi brondaýdy qalaıdy. Osy tusta óte muqııat bolý kerek. Keıbir qurylys kompanııalary satyp alýshylardyń aqshasyn jınap alý maqsatynda Qazaqstan Respýblıkasynyń «Turǵyn úı qurylysyna úlestik qatysý týraly» zańynyń talaptaryna sáıkes kelmeıtin turǵyn úı satyp alýdyń ár túrli shemalaryn usynady. Turǵyn úı satyp alýdyń bul jolynda aqsha joǵaltý qaýpi bar. Osyǵan baılanysty, azamattardan ár qadamyn tarazylap baryp qana, sheshim qabyldaýyn suraımyz», - deligen «Qazaqstannyń ornyqtylyq qory» AQ aqparatynda.

Aıta keteıik, Indýstrııa jáne ınfraqurylymdyq damý mınıstrliginiń baspasóz qyzmeti «7-20-25» baǵdarlamasy ári qaraı jalǵasýy múmkin degen aqparat týraly túsinikteme berdi.


Seriktester jańalyqtary

Jańalyqtar

Úrdis

MURAǴAT