+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

625 myń otbasy ataýly áleýmettik kómekti qujat ótkizbeı-aq avtomatty túrde alady

2020 jylǵy 23 shilde 07:21
Bólisińiz:
625 myń otbasy ataýly áleýmettik kómekti qujat ótkizbeı-aq avtomatty túrde alady

NUR-SULTAN. QazAqparat - 121 myń otbasyna, ıaǵnı 625 myń qazaqstandyqqa ataýly áleýmettik kómekti taǵaıyndaý memlekettik mekemelerge júginbesten, avtomatty túrde uzartyldy. Sondaı-aq, 13 myń adam ataýly áleýmettik kómekke eGov.kz portaly arqyly júgindi. Bul aǵymdaǵy jyldyń II toqsanynda AÁK alýshy bolmaǵan azamattar, dep habarlaıdy QazAqparat.

Budan buryn habarlanǵandaı, Eńbek jáne halyqty áleýmettik qorǵaý mınıstrligi ekinshi toqsanda ataýly áleýmettik kómekti alǵandarǵa úshinshi toqsanda da 1 shildeden bastap ony uzartýdy kózdeıtin buıryq qabyldady. Bul shara azamattardyń ákimdikter men jumyspen qamtý ortalyqtaryna jappaı jınalýyn boldyrmaýǵa múmkindik berdi.

Osylaısha azamattardyń koronavırýs ınfektsııasyn juqtyrý qaýpi azaıtýdy kózdeıdi.

Ótinishti alǵashqy bergen kezde jumyspen qamtý ortalyqtarynyń qyzmetkerleri memlekettik organdardyń aqparattyq derekqorlaryndaǵy qujattardy tekserdi. Sonymen birge, ýchaskelik komıssııalar ótinish berýshilerdiń málimetterin messendjerler arqyly kózbe-kóz kezdesý ótkizbesten tekserdi.

«AÁK uzartý kezinde keıbir kirister eskerilmedi. Máselen, táýelsiz jumyskerlerdiń 2020 jylǵy II toqsandaǵy jıyntyq tabysyn esepteý kezinde aılyq eseptik kórsetkishtiń 25 eselengen mólsherindegi tabysy tótenshe jaǵdaı kezeńindegi shekteýler saldarynan kirisi joǵalǵan jaǵdaıda biryńǵaı jıyntyq tólemdi jáne áleýmettik tólemderdi tóleýge baılanysty kiris retinde qarastyrylmady. Sonymen qatar, azyq-túlik pen turmystyq jıyntyqtarǵa jáne tótenshe jaǵdaı kezinde kommýnaldyq shyǵyndardy óteýge bólingen aqshalaı tólemder esepke alynǵan joq» dep málim etti mınıstrlikten.

Buǵan deıin, 1-toqsanda AÁK alýshylarǵa tólem taǵaıyndaý sol kezdegi tótenshe jaǵdaıǵa baılanysty 2-toqsanda uzartylǵan bolatyn. Osylaısha, ekinshi toqsanda 561 myń qazaqstandyq AÁK-ti memlekettik organdarǵa júginbeı-aq, avtomatty túrde aldy.

Eske sala keteıik, 14 shildede QR Premer-Mınıstri Asqar Mamın Úkimet otyrysynda Eńbek jáne halyqty áleýmettik qorǵaý mınıstrligine AÁK-ti qolda bar málimetter negizinde proaktıvti taǵaıyndaýdy tapsyrdy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT