+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

600-den astam temirjol qyzmetkeri marapatqa ıe boldy

2019 jylǵy 13 jeltoqsan 17:55
Bólisińiz:
600-den astam temirjol qyzmetkeri marapatqa ıe boldy

NUR-SULTAN. QazAqparat - «Qazaqstan temir joly» UK» AQ-da Táýelsizdik kúnine arnalǵan saltanatty jıyn bolyp ótti, dep habarlaıdy QazAqparat kompanııanyń baspasóz qyzmetine silteme jasap.

Kompanııanyń basqarma tóraǵasy Saýat Myńbaev qyzmetkerlerdi Táýelsizdik kúnimen quttyqtady jáne de bıylǵy jyly kompanııanyń jetistikteri men qyzmetiniń nátıjelerine toqtalyp, bolashaqtaǵy josparlarmen bólisti.

«Kóptegen synaqtar arqyly júrip ótken jolymyz barlyq salada qýatty áleýetke ıe, táýelsiz memleketti qurýǵa múmkindik berdi. «Qazaqstan temir joly» ulttyq kompanııasy temirjolshylardyń kún saıynǵy aýyr jumysynyń arqasynda elimizdiń tranzıttik jáne eksporttyq áleýetin júzege asyrýǵa, kólik-logıstıkalyq ınfraqurylymyn damytýǵa ólsheýsiz úles qosyp keledi», - dep atap kórsetti Saýat Myńbaev.

Sonymen, 11 aıdyń qorytyndysy boıynsha kompanııa 286,6 mln tonnadan astam júk tasymaldady. Qazaqstan arqyly ótetin barlyq kólik dálizderi arqyly konteıner júkti tasymaldaý ósýde. 590 myńnan astam JFB konteınerli júk tasymaldansa, bul 2018 jyldyń osy kezeńimen salystyrǵanda 26% joǵary. Bul rette, tranzıttik tasymal shamamen 15,5 mln tonnany qurady.

Saltanatty jıyn barysynda Saýat Myńbaev óndiris ozattaryna memlekettik jáne salalyq marapattardy tabys etti. Qazaqstannyń kólik-logıstıkalyq kesheniń damytýǵa qomaqty úles qosqany úshin 21 qyzmetker marapatqa ıe boldy. Solardyń qatarynda «Іrilendirilgen Esil jol dıstantsııasynyń» jol monteri Jumabaı Rahmetov, «Jambyl magıstraldyq jeli bólimshesiniń» tseh masteri Erǵalı Soqenov, Astana jol dıstantsııasynyń óndiristik oqytý masteri Erken Sársebaev jáne basqalary bar.

Jalpy temirjol salasynda memlekettik jáne salalyq nagradalarǵa 600-den astam temirjol qyzmetkeri ıe boldy.

Sondaı-aq Saýat Myńbaev QTJ-nyń 100 jas tulǵasy» respýblıkalyq saıysynyń jeńimpazdaryn quttyqtady, olardyń 13-i «Innovatsııa», 47-si – «Áleýmettik jaýapkershilik» jáne 40-y «Kásibılik» nomınatsııalarynyń jeńimpazy.

«Kompanııanyń 100 jas qyzmetkeri bolashaq basshylyq rezervine alyndy. Bul jastar – kompanııanyń jarqyn bolashaǵy! Biz ary qaraı da olardyń jasampazdyq áleýetin ashý, jas qyzmetkerlerdi ınnovatsııalyq qyzmetke tartý, kásibı ósýi úshin jaǵdaı qurýǵa baǵyttalǵan jastar saıasaty baǵdarlamalaryn júzege asyrýǵa úlken kóńil bóletin bolamyz», - dedi Saýat Myńbaev.

Saltanatty jıyn sońynan temir jol eńbekkerleri «QTJ» UK» AQ óz qyzmetkerleriniń erik-jigerimen ázirlengen merekelik kontsertti tamashalady.

Bizdiń kanalymyzǵa jazylyńyz:

Basty sózder: QTJ, Táýelsizdik kúni,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT