+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

6 qazan. QazAqparat kúntizbesi

2019 jylǵy 6 qazan 07:00
Bólisińiz:
6 qazan. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 6 qazanǵa arnalǵan kúntizbesin usynady.

Dúnıejúzilik meken etý ortasyn qorǵaý kúni

1979 jyly Eýropada jabaıy faýna men florany, janýarlar jaılaǵan jerdi, olardyń meken etý ortasyn qorǵaý týraly Bern konventsııasy bekitildi.

Qazaqstanda býhgalterler kúni

Bul mereke ázirge resmı mártebege ıe bolǵan joq. Búginde kez kelgen mekemeni býhgaltersiz elestetý múmkin emes. Osy mamandyq ıeleriniń úlesin eskerý úshin bul kún búginde keńinen atap ótiledi.

Qazaqstanda qorǵanys ónerkásibiniń qyzmetkerleri kúni

Qazaqstan Respýblıkasy Úkimetiniń 2017 jyldyń 31 qazandaǵy №689 qaýlysymen Qazaqstan Respýblıkasyndaǵy merekelik datalar tiziminde bekitilgen.

Qazaqstanda muǵalimder kúni

Muǵalimder kúni - bilim salasyndaǵy qyzmetkerlerdiń kásibı meıramy. Bul aıtýly kúndi 1994 jyly ıÝNESKO bekitken. Bul kún qoǵamdaǵy muǵalimder jaǵdaıyna, olardyń bilim berý men damýdaǵy róline kóńil bólýdi kózdeıdi. Búkilálemdik muǵalimder kúni álemniń 100-den astam memleketinde atap ótiledi.

ESTE QALAR OQIǴALAR

2004 jyly Qazaqstan Respýblıkasy Úkimeti janyndaǵy Memlekettik onomastıkalyq komıssııa qorytyndysy negizinde Qaraǵandy oblystyq máslıhaty Osakarov, Jańaarqa jáne Shet aýdandary eldi mekenderiniń ataýyn ózgertý týraly sheshim qabyldady. Oktıabr selosy - Qaraǵaıly, Lıtvınovka men Krasnoarmeıskıı aýyldyq okrýgi - Esil, Skobelev aýyldyq okrýgi - Suńqar, Volskıı - Saryózek, Proletarskıı - Aqbulaq bolyp ózgertildi. Jańaarqa aýdanynyń Appaz aýylyna Muqajan Jumajanovtyń, Shet aýdanynyń Jaryq temirjol stansasyna Sáken Seıfýllın esimi berildi.

2009 jyly Ońtústik Qazaqstan oblysynyń Kentaý qalasynda alǵashqy joǵary kerneýli transformator shyǵaryldy. Qýatty mashınany «Kentaý transformator zaýyty» AQ jasap shyǵarǵan, olar bir jyl ishinde qýattylyǵy 25000 kVA joǵary kerneýli transformatorlardy shyǵaratyn jańa tsehty saldy. Bul - otandyq energetıka salasyndaǵy ınnovatsııalyq joba. Jańa tseh jetekshi batys fırmalarynyń joǵary tehnologııalyq jabdyqtarymen jaraqtanǵan.

2005 jyly Qazaqstan Respýblıkasynyń aýmaǵynda poshta aınalymyna belgili qazaqstandyq ǵalym, jazýshy jáne aǵartýshy Ahmet Baıtursynovtyń 125 jyldyǵyna arnalǵan mór engizildi. Kórkem poshta markasynda altyn folgamen mór qoıylǵan. Brendtiń taralymy 245 000 dana. Sýretshisi - R.Slıýsareva.

2011 jyly ALJIR-de tutqynda bolǵan lıtvalyq áıelderge arnalǵan eskertkish taqtasy ashyldy.

2014 jyly qazaqstandyq shahmatshy Dınara Sádýaqasova Dýrban qalasynda (OAR) jastar arasyndaǵy álem chempıonatynda 18 jasqa deıingi sportshylar arasynda altyn medalǵa ıe boldy.

65 úzdik shahmatshy men 42 eldiń chempıondary Dınaranyń qarsylasy boldy. Alaıda sportshy 11 upaıdyń 10-yn jınap úzdik atandy.

2015 jyly Áıteke bı aýdanynda Kishi júzdiń hany men jońǵarlarǵa qarsy ult-azattyq kúreste birikken qazaq áskeriniń qolbasshysy bolǵan Ábilqaıyr hannyń ortaǵasyrlyq qorymy «Han molasynda» saltanatty túrde áıgili qazaq bıleýshisine arnalǵan memorıaldyq keshen ashyldy.

2016 jyly Qazaqstanda Qorǵanys jáne aeroǵarysh ónerkásibi mınıstrligi quryldy. Qazaqstan Prezıdenti Nursultan Nazarbaevtyń Jarlyǵymen mınıstrliktiń negizgi baǵyttary retinde: qorǵanys, aeroǵarysh ónerkásibi jáne elektrondyq ónerkásip, aqparattandyrý jáne baılanys salasyndaǵy aqparattyq qaýipsizdik (kıberqaýipsizdik), jumyldyrý daıarlyǵy jáne jumyldyrý salasyndaǵy memlekettik saıasatty iske asyrý, memlekettik materıaldyq rezervti qalyptastyrý jáne damytý, biryńǵaı áskerı-tehnıkalyq saıasatty jáne áskerı-tehnıkalyq yntymaqtastyqty júrgizýge qatysý, qorǵanystyq tapsyrysty qalyptastyrý, ornalastyrý jáne oryndaý salasyndaǵy basshylyq aıqyndaldy.

2018 jyly Antalııada 55-shi Halyqaralyq kınofestıvaldiń marapattaý rásimi ótti. «Úzdik aktrısa» nomınatsııasyndaǵy ataý «Aıka» fılminde oınaǵan Samal Eslıamovaǵa buıyrdy.

2018 jyly «Atameken» Ulttyq kásipkerler palatasy «Bıznesti qutqarý qyzmeti» synaqtyq jobasyn iske qosty. Endi 1432 nómirine habarlasyp, keńes alýǵa jáne shaǵyn bıznes ókilderin zańsyz tekserýdiń aldyn alýǵa bolady.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT