+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

5G ekonomıkany damytýǵa qandaı serpin bere alady

2019 jylǵy 23 jeltoqsan 12:00
Bólisińiz:
5G ekonomıkany damytýǵa qandaı serpin bere alady

NUR-SULTAN. QazAqparat – Elordada «Qazaqtelekom» AQ-tyń uıymdastyrýymen halyqaralyq «3 rd IoT Forum Kazakhstan» sharasy ótip jatyr, dep habarlaıdy QazAqparat tilshisi.

Uqsas jańalyqtar
Toqaev aýyldaǵy mektepter men medpýnktterge tolyqtaı ınternet jetkizýdi tapsyrdy Sany bar, sapasy joq – Aımaǵambetov mekteptegi kompıýterler jaıly Ashat Aımaǵambetov: Mektepterge ınternet qosatyn provaıderdiń tarıfi óte qymbat

Shara barysynda kompanııa IoT, Smart sıtı, Bıg data, beınebaqylaý boıynsha jobalardyń sheshimin usynbaq. Forým alańynda otandyq jáne sheteldik sarapshylar memlekettik qyzmetti tsıfrlandyrý, óndiristi tehnologııalyq transformatsııalaý, TÚKSh salasyn avtomattandyrý, qarjylyq tehnologııalardy damytý máselelerin talqylamaq.

Halyqaralyq forýmda sóz bastaǵan QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Daryn Tuıaqovtyń aıtýynsha, IOT forým – tsıfrlandyrý men úzdik tehnologııalardy engizý isindegi salalyq ári iri is-shara. Keıingi úsh jylda qatarynan úsh márte ótkizilgen halyqaralyq forýmda álemdik sarapshylar oılaryn ortaǵa salyp, ortalyq jáne aımaqtyq memlekettik uıymdardyń basshylary tájirıbe jınap qaıtady.

«Eldiń áleýmettik-ekonomıkalyq damýynda tsıfrlandyrýdyń róli sheshýshi mańyzǵa ıe. Damyp kele jatqan nemese damyǵan memleketter tsıfrlandyrý isin jeteleýge múmkindik bererlik qajetti saıası tetikterdi ázirleı bilýi tıis. Kún tártibinde tsıfrlyq mindetterdi oryndaý úshin Elbasy «Tsıfrlyq Qazaqstan» baǵdarlamasyn bekitken bolatyn. Baǵdarlama ekonomıkanyń san-salasy men memlekettik qyzmetterdi tsıfrlandyrýdy, joǵary jyldamdyqty jáne qorǵalǵan teleproektsııalyq ınfraqurylymdy damytýǵa baǵyttalǵan», - deıdi ol.

Vıtse-mınıstrdiń aıtýynsha, álemdik tehnologııa bir jerde toqtap turmaıdy. Birqatar memleketter 5G ınternet jelisin engizý máselesin qyzý talqylap jatyr.

«Jýyrda ǵana Mysyrdaǵy Shar-El-Sheıhte úlken konferentsııa ótkizilip, 5G ınternet jelisin engizý máselesi talqylandy. Negizinen 5G ekonomıkanyń, aqyldy qalalardyń damýyna serpin berip, jańa mamandyqtardy ashady. Qazaqstannyń aımaqtaǵy mobıldik trafıkti belsendi qoldanatyn elderdiń biri ekenin eskere otyryp, el azamattarynyń joǵary jyldamdyqty ınternetke suranysy joǵary ekenin ańǵarýǵa bolady. Qazirgi tańda Qazaqstan bul tehnologııany engizip jatqan elderdiń biri. Bıyldyń ózinde Nur-Sultan men Almatyda 5G testilik rejimnen ótti. Qazan aıynda Shymkentte de testileý júrgizildi», - dedi ol.

Daryn Tuıaqov óz sózinde joǵary jyldamdyqty ınternet jelisin testileý ártúrli dıapazondyq jıilikte júrgizilgenin aıtady.

«Búgingi kúni 5G jelisin kommertsııalyq turǵyda engizý máselesi pysyqtalýda. Baılanys operatorlarymen birge bul másele talqylanyp jatyr. 5G – jaı ǵana uıaly baılanys qana emes, telemedıtsına, óndiristi tsıfrlandyrý, pılotsyz kólikti basqarý salalaryn keńinen qamtıdy», - dedi ol.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT