567 kúdiktige qatysty 300-den asa is sotqa joldandy - ІІM
2022 jylǵy 30 maýsym 17:55

567 kúdiktige qatysty 300-den asa is sotqa joldandy - ІІM

NUR-SULTAN. QazAqparat – Qańtar oqıǵasyna qatysqan 567 kúdiktige qatysty 346 is aıyptaý aktisimen sotqa joldandy. Bul týraly QR ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Іshki ister mınıstrligi qańtar oqıǵasy boıynsha qylmystyq isterdi tergeýdi jalǵastyrýda. Búgingi tańda ishki ister organdary tergeýshileriniń óndirisinde 516 qylmystyq is bar. Olar boıynsha 14 adam kúzetpen ustalýda. 567 kúdiktige qatysty 346 is aıyptaý aktisimen sotqa joldandy. Olardyń kópshiligi jappaı tártipsizdik ýaqytynda jasaǵan urlyq (424 adam), qarýdy zańsyz saqtaý (45), qarýdy urlaý (38), kólik quraldaryn aıdap ketý (10), tonaý (9) jáne buzaqylyq (6) úshin jaýapkershilikke tartylýda», - dedi Sanjar Ádilov Ortalyq kommýnıkatsııalar qyzmetindegi brıfıng barysynda.

Onyń dereginshe, sottar 388 adamnyń ishinen: bas bostandyǵyn shekteýge – 334 adamdy; qoǵamdyq jumystarǵa – 4 adamdy; aıyppulǵa – 4 adamdy sottady. 12 adam tatýlasýyna baılanysty qylmystyq jaýapkershilikten bosatyldy jáne 46 adam aýyr jáne asa aýyr qylmystardy jasaǵany úshin bas bostandyǵynan aıyryldy.

«167 sottalýshyǵa qatysty 86 qylmystyq is áli sottyń qaraýynda», - dedi ol.

Departament bastyǵynyń dereginshe, qabyldanǵan sharalardyń nátıjesinde azamattar men bıznes sýbektileriniń quny 343 mln teńgeden artyq urlanǵan múlki alyndy. Onyń ishinde 12 avtomashına, turmystyq tehnıkanyń 317 birligi, 189 zergerlik buıym, 286 uıaly telefon, 16 mln-nan astam teńge, kıimniń 550 birligi bar.


Seriktester jańalyqtary

Jańalyqtar

Úrdis

MURAǴAT