+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

500 shetel kóligi EAEO-nyń keden aýmaǵynan áli shyǵarylmaǵan

2021 jylǵy 28 qyrkúıek 10:58
Bólisińiz:
500 shetel kóligi EAEO-nyń keden aýmaǵynan áli shyǵarylmaǵan

NUR-SULTAN. QazAqparat - Koronavırýs ınfektsııasynyń taralýymen kúres sheńberinde tótenshe jaǵdaı engizilgennen bastap qazirgi ýaqytqa deıin 4 708 sheteldik kólik quraldary elge ákelingen, onyń ishinde 500 kólik quraly áli de Qazaqstan Respýblıkasynyń aýmaǵynda tur.

Uqsas jańalyqtar
Oralda avtokólik qaǵyp ketken 5-synyp oqýshysy kóz jumdy Elordada joldyń qarsy betine shyǵyp jarysqan júrgizýshiler jazalandy Qalmaqstanda avtobýs pen «Kamaz» soqtyǵysyp, 6 adam mert boldy

Bul týraly QR QM Memlekettik kirister komıtetiniń baspasóz qyzmeti habarlady.

Baspasóz qyzmetiniń málimetterine qaraǵanda, koronavırýs ınfektsııasynyń taralýyn boldyrmaý jáne onyń aldyn alýǵa baǵyttalǵan sharalardy qabyldaý sheńberinde, jeke tulǵalardyń memleketterdiń shekara arqyly erkin óte almaýy saldarynan Eýrazııalyq ekonomıkalyq odaq alqasynyń 2020 jylǵy 29 sáýirdegi №47 sheshimi qabyldanǵan bolatyn. Qabyldanǵan sheshimge sáıkes sheteldik avtokólik quraldaryn (EAEO elderiniń kólik quraldaryn qospaǵanda) ýaqytsha ákelgen jeke tulǵalar úshin ýaqytsha ákelý merzimi 2021 jyldyń 31 qyrkúıegine deıin uzartylǵan.

Qazaqstan azamattary Eýrazııalyq ekonomıkalyq odaq aýmaǵynda Belarýs Respýblıkasy men Reseı Federatsııasy avtokólikterine senimhat arqyly ýaqytsha ákelý merzimin esepke almaı júre alady. Degenmen, Armenııa Respýblıkasy men Qyrǵyz Respýblıkasynyń kólik quraldaryna senimhat arqyly basqarý quqyǵy berilmeıdi (bundaı quraldardyń sanattary sheteldikter bolyp sanalmaıdy).

Shetel azamattary turǵylyqty eline qaıtý jáne kólik quraldaryn shyǵarý úshin memlekettik shekaradan ótýge múmkindigi bar, sondaı-aq shetel azamattary, ózderi shyǵarýǵa múmkindigi bolmaǵan jaǵdaıda osy quraldardy tasymaldaýshylardyń kómegimen shyǵara alady.

Osy kólik quraldaryna qatysty, ýaqytsha ákelý merzimi aıaqtalǵannan keıin, buzýshylyqtardy anyqtaý boıynsha sharalar Qazaqstan Respýblıkasy Іshki ister mınıstrliginiń Ákimshilik polıtsııa komıtetiniń qyzmetkerlerimen birlese otyryp júzege asyrylatyn bolady.

Sondyqtan, sheteldik avtokólik quraldary Eýrazııalyq ekonomıkalyq odaq aýmaǵynan shyǵarylýy kerek. Sebebi, sheteldik avtokólik quraldaryn shyǵarý týraly talaptar Eýrazııalyq ekonomıkalyq odaqtyń barlyq elderiniń aýmaǵynda qoldanylady.

2020 jylǵy naýryzdan bastap (elde koronavırýs ınfektsııasynyń taralýymen kúres sheńberinde tótenshe jaǵdaılar engizilgennen bastap) qazirgi ýaqytqa deıin 4 708 sheteldik kólik quraldary tirkelgen. Onyń ishinde Qazaqstan Respýblıkasynda 500 kólik quraly baqylaýda tur.

Anyqtama úshin: avtokólik quraldary kelesideı memleketterden ákelingen: Ázerbaıjan, Aýǵanystan, Bosnııa ı Gertsegovına, Germanııa, Grýzııa, Islandııa, Ispanııa, Lıtva, Moldova, Polsha, Slovenııa, Tájikstan, Túrkmenstan, Ózbekstan, Ýkraına jáne Frantsııa.

«Eger zań buzýshylyqtar anyqtalsa, jeke tulǵalarǵa qatysty qajetti sharalar júrgizý úshin osy kólik quraldary aıyppul turaǵyna ornalastyrylady. Sondaı-aq, ýaqytsha kólik ákelý merzimi ótkennen keıin Eýrazııalyq ekonomıkalyq odaqtyń qoldanystaǵy zańnamasy sheńberinde jeke tulǵalarda kedendik tólemderdi tóleý mindettemesi týyndaıdy. Tólemder aýmaqtyq memlekettik kirister organy qyzmetkerlerimen esepteletin bolady», - dep eskertti Memlekettik kirister komıtetiniń baspasóz qyzmeti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT