500 elordadyq velosherýge qatysty
2022 jylǵy 29 mamyr 14:54

500 elordadyq velosherýge qatysty

NUR-SULTAN. QazAqparat - Elordada velomaýsymnyń ashylýyna jáne balalar jylyna oraı jappaı buqaralyq velosherý ótti. Oǵan qatysýshylar eki qashyqtyqty baǵyndyrdy, dep habarlaıdy QazAqparat ákimdikke silteme jasap.

Aldymen velosherýge qatysýshylar 20 shaqyrymdyq úlken qashyqtyqtyqtan bastady. Úlken qashyqtyqtyń basy elorda mańyndaǵy Qosshy eldi mekenindegi aınalma velojoldan bastalyp, Úrker (Ilınka) eldi mekeniniń «Jasyl beldeý» saıabaǵynda márege jetti.

Al 3 shaqyrymdy baǵyndyrýǵa kelgen qala turǵyndary úlken qashyqtyqty júrip ótken qatysýshylardy máreden kútip aldy.

Ármen qaraı kishi qashyqtyqtyń qatysýshylary Úrker (Ilınka) eldi mekeniniń «Jasyl beldeý» saıabaǵynda bastap, sol jerden máreni aıaqtady.

«Prezıdentimiz Qasym-Jomart Toqaevtyń Joldaýyn júzege asyrý maqsatynda qalamyzda birneshe iri jarys ótip jatyr. Sonyń biregeıi – búgingi qala turǵyndary men qonaqtary arasynda uıymdastyrylǵan buqaralyq velosherý. Búgingi velosherý jastardy sportqa baýlýǵa jáne salaýatty ómir saltyn nasıhattaýǵa kómektesedi dep senemin!» – dedi qalalyq dene shynyqtyrý jáne sport basqarma basshysynyń orynbasary Almas Emeltaıuly .

Sporttyq sherýge 500-ge jýyq elordalyq qatysyp, is-sharanyń kórkin qyzdyrdy.



Jańalyqtar

MURAǴAT