+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

5 shilde. QazAqparat kúntizbesi

2020 jylǵy 5 shilde 07:00
Bólisińiz:
5 shilde. QazAqparat kúntizbesi

NUR-SULTAN. QazAqparat - QazAqparat oqyrmandaryna 2020 jylǵy 5 shildege arnalǵan kúntizbesin usynady.

Uqsas jańalyqtar
Joǵalyp ketken aǵaıyndy eki balany 30 polıtseı qyzmetkeri izdegen Tasqala aýdany aýmaǵynda 22 aqbókenniń óleksesi tabyldy - BQO Ákesi ulymen birge sýǵa batyp ketti - Pavlodar oblysy

ATAÝLY KÚNDER

Ulttyq dombyra kúni

Shildeniń alǵashqy jeksenbisin ulttyq aspabymyzdyń tól merekesine aınaldyrý týraly sheshim QR Tuńǵysh Prezıdenti - Elbasy Nursultan Nazarbaevtyń Jarlyǵymen qabyldanǵan bolatyn.

Bul Jarlyqtyń maqsaty - ulttyq mádenıet pen biregeılikti saqtaý men qaıta jańǵyrtý ıdeıasynyń tóńireginde qoǵamdy toptastyra túsý. Jalpy, Ulttyq dombyra kúniniń merekege aınalýy - kóneden jetken asyl qazynamyzǵa, ulttyq muramyzǵa berilgen laıyqty baǵa.

2018 jyly mereke alǵash ret atap ótildi.

ESTE QALAR OQIǴALAR

1952 jyly Óskemen pedagogıkalyq ınstıtýty (qazirgi ýnıversıtet) quryldy, 2003 jylǵy qazanda QR Úkimetiniń qaýlysymen oqý ornyna ǵalym, til mamany-túrkitanýshy Sársen Amanjolovtyń esimi berildi.

1961 jyly Jetibaıda №6 uńǵydan qýatty munaı fontany atqylady. Bul Mańǵystaý munaıynyń ashylǵan jyly sanalady. Ondaǵy táýliktik munaı qýaty elimiz oıynsha eń joǵary kórsetkishke jetti.

1998 jyly Astanada Qazaqstan Prezıdenti Nursultan Nazarbaev pen Reseıdiń birinshi Prezıdenti Borıs Eltsın QR men RF arasyndaǵy Máńgilik dostyq pen yntymaqtastyq týraly Shartqa qol qoıdy.

2000 jyly «2000 jyl - mádenıetti qoldaý jyly» dep jarııalanýyna oraı, sonymen qatar Astana qalasyn áleýmettik-mádenı damytý maqsatynda jáne kórnekti qazaq ánshisi Kúlásh Baıseıitovanyń atyn máńgi este saqtaý úshin K. Baıseıitova atyndaǵy opera jáne balet teatryna Ulttyq teatr mártebesin berý týraly Jarlyq shyqty.

2000 jyly Atyraý qalasynyń ortalyq alańyna túrki tektes mámlúkter arasynan shyqqan, Mysyrdy bılegen sultan, ortaǵasyrlyq Mysyrdyń asa iri áskerı jáne memleket qaıratkeri Beıbarys sultanǵa arnalǵan eskertkishtiń ashylý saltanaty ótti.

2001 jyly Aqmola oblysy ýche qalasyndaǵy Kadet korpýsy ǵımaratynyń aldynda qazaqtyń uly ǵalymy, shyǵystanýshy, tarıhshy, etnograf, geograf, folklortanýshy, aǵartýshy-demokrat Shoqan Ýálıhanovtyń eskertkishi ashyldy.

2007 jyly elordada Bógenbaı batyrdyń eskertkishi ashyldy. Eskertkish Saryarqa men Bógenbaı batyr kósheleriniń qıylysynda ornalasqan. Saltanatty sharaǵa Astana qalasy ákiminiń orynbasary Ermek Amanshaev, Parlament Senatynyń depýtaty Ómirbek Baıgeldi jáne Kákimbek Salyqov, Aldan Smaılov, Myrzataı Joldasbekov syndy jazýshylar qatysty. Qarakók granıtten jasalǵan eskertkishtiń jalpy bıiktigi 11,3 metr. Eskertkishtiń avtory - músinshi, Qazaqstan Sýretshiler odaǵynyń múshesi Toqtar Ermekov. Bógenbaı batyr (1680-1775/1776) - XVIII ǵasyrdaǵy qazaq halqynyń dańqty qolbasshylarynyń biri, jońǵar basqynshylaryna qarsy azattyq kúresin uıymdastyrýshy.

2010 jyly Astanada ótken Eýrazııalyq ekonomıkalyq qoǵamdastyq memleketaralyq keńesiniń 27-shi májilisinen keıingi Memleket basshylarynyń birlesken málimdemesinde Qazaqstan Prezıdenti Nursultan Nazarbaev Belarýs, Qazaqstan jáne Reseı Keden odaǵyn qurylǵanyn jarııalady.

2012 jyly 18 jasar Marııa Mýdrıakqa Djýzeppe Verdı atyndaǵy Mılan memlekettik konservatorııasyn (Italııa) bitirgeni týraly dıplom tapsyryldy. Bul oqý ornynyń 205 jyldyq tarıhynda tuńǵysh ret Qazaqstannan barǵan ánshi dıplomǵa ıe bolyp otyr.

2013 jyly Ǵaryshty damytý ınstıtýty tirkelip, onyń qurmetti prezıdenti bolyp Qazǵarysh basshysy Talǵat Musabaev saıdandy.

ǴDI-nyń basty maqsaty – QR ǵarysh salasyn qalyptastyryp, memlekettik saıasatty júzege asyrýǵa úles qosý.

2017 jyly Astanaǵa alǵash ret Omby oblysynyń Tarıhı arhıvinen Kenesary hanǵa qatysty qujattar jetkizildi. Astanaǵa árqaısysy 10-15 paraqty qamtıtyn 40 qujat jetkizildi. Onda Omby jáne Aqmola oblystarynyń tarıhy jaıynda qundy málimetter jınaqtalǵan. Omby oblysy arhıvinde jalpy eki mıllıonnan astam materıal saqtaýly.

2017 jyly AQSh-tyń Fıladelfııa qalasynda «World Open 2017» iri halyqaralyq týrnıri ótti, oǵan qazaqstandyq shahmatshy Jansaıa Ábdimálik qatysty. Týrnırge 216 shahmatshy qatysty. Olardyń 33-i - erler grossmeısteri, 26-sy erler arasynda halyqaralyq sheberler.

2017 jyly Astanada qýaty 50 kVt elektrmobılderdi qýattaýǵa arnalǵan alǵashqy óndiristik stantsııa ashyldy. Compass JQS + express market kesheniniń jańa avtojanarmaı quıý stantsııasy QR-da burynnan bar stantsııalardan erekshelenedi, sebebi AVV kompanııasynyń Terra 53 modeliniń jyldam qýattaý stantsııasy barlyq tıptegi elektromobılderdi 10-30 mınýt ishinde 80% - ǵa deıin qýattaýǵa múmkindik beredi.

2018 jyly «Rýhanı jańǵyrý» baǵdarlamasy aıasynda Aqtaýda Qazaq SSR halyq ártisi, qazaq halqynyń uly akteri Nurmuhan Jantórınniń eskertkishi ashyldy.

2018 jyly Táýelsiz Memleketter Dostastyǵyna múshe memleketterdiń prezıdentteri Astana týraly jańa derekti fılmniń túsirilimine qatysty. Fılm týraly Ázerbaıjan Prezıdenti Ilham Alıev, Armenııa Prezıdenti Armen Sarkısıan, Qyrǵyzstan Prezıdenti Sooranbaı Jeenbekov, Moldova Prezıdenti Igor Dodon, Reseı Prezıdenti Vladımır Pýtın, Ózbekstan Prezıdenti Shavkaz Mırzıeev jáne basqalar pikirlerimen bólisti.

2018 jyly Astanada Qoljazbalar men sırek kitaptar ulttyq ortalyǵynda «Astana - Alash armany» taqyryptyq kórmesi ashyldy. Ýaqytsha kórmeni ulttyq ortalyq Pavlodar oblysynyń «Buqar jyraý atyndaǵy ádebıet jáne óner mýzeıimen birlesip uıymdasyrǵan. Munda Pavlodar óńirinen shyqqan ataqty tulǵalar - Máshhúr Júsip Kópeev, Júsipbek Aımaýytov, Sultanmahmut Toraıǵyrov jáne Jaıaý Musa men Estaıdyń jeke buıymdary, tutynǵan zattary qoıylǵan.

2018 jyly «Astana» halyqaralyq qarjy ortalyǵynyń resmı ashylýy ótti. AHQO-nyń resmı ashylýy Astana Finance Days forýmynyń negizgi sharasy sanalady. Saltanatty sharaǵa Ábý Dabıdiń murager hanzadasy sheıh Muhammed ben Zaıd ál Nahaıan, iri halyqaralyq kompanııalardyń basshylary, ǵylymı orta men sarapshylyq ortalyqtardyń sarapshylary qatysty.

AHQO mindetteri - qarjylyq qyzmetter salasynda ınvestıtsııalaý úshin tartymdy orta qurý arqyly el ekonomıkasyna ınvestıtsııa tartýǵa járdemdesý, Qazaqstan Respýblıkasynyń baǵaly qaǵazdar naryǵyn damytý, onyń halyqaralyq kapıtal naryqtarymen yqpaldasýyn qamtamasyz etý.

2019 jyly Shymkent qalasynda «Ulttyq dombyra kúni» merekesine oraı «Dombyra» eskertkishiniń ashylý saltanaty ótti. «Túrkistan» saraıynyń alańynda ulttyq aspabymyzdy ulyqtaý maqsatynda ornatylǵan eskertkishtiń avtory - Shymkent qalasynyń sýretshiler odaǵy. Týyndynyń bıiktigi 7,5 metr, eni 1,5 metr.

Eskertkishtiń bir ereksheligi - janyna jaqyndaǵan kezde qazaqtyń kúıi oryndalady. Shymkenttikter endi munda 30-ǵa jýyq kúı tyńdap, aspaptyń qońyr úninen tamasha áser ala alady.

Bizdiń kanalymyzǵa jazylyńyz:

#Oqıǵa   #Qoǵam  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT