+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

5 aptalyq karantın nátıjesi: Qatańdatylǵan sharalar birtindep alynady

2020 jylǵy 11 tamyz 13:25
Bólisińiz:
5 aptalyq karantın nátıjesi: Qatańdatylǵan sharalar birtindep alynady

NUR-SULTAN. QazAqparat - Elimizde 5 aptaǵa sozylǵan kúsheıtilgen karantın sharalary óz jemisin bere bastady. Qazirgi ýaqytta respýblıka boıynsha koronavırýstyń beti qaıtyp, indetten saýyǵyp shyqqandardyń sany artta túsýde. COVID-19 órship turǵan kezde shuǵyl arada jasaqtalǵan statsıonarlardyń keıbiri bosap, birqatar óńirlerde osy ýaqytqa deıin ózge naýqastardy qabyldamaǵan emhanalar men aýrýhanalar burynǵy jumystaryna birtindep qaıta orala bastady. Biraq, erkinsýge áli de erte. Sebebi kún saıyn jer-jerde koronavırýs ınfektsııasyn juqtyrǵan naýqastarǵa qatysty derekter tirkelip jatyr.

Búgin Qazaqstan Úkimetiniń onlaın rejımde ótken otyrysynda elimizdegi epıdemıologııalyq ahýal qaralyp, atalǵan másele boıynsha baıandama jasaǵan QR Densaýlyq saqtaý mınıstri Alekseı Tsoıdyń aıtýynsha, Qazaqstanda 11 tamyzǵa 100 164 naýqas tirkelgen. Onyń ishinde 25 171 naýqas em alyp jatyr. 73 702 patsıent nemese 73,6 paıyzy emdelip shyqty. 1 091 adam ómirden ozdy. Vırýs reprodýktıvtiligi nemese 1 naýqastyń ózgelerge juqtyrý kórsetkishi 5 aptalyq qańtańdatylǵan karantın sharalaryna deıin 1,72 bolatyn. Al karantın engizilgen keıin ınfektsııanyń reprodýktıvtilik kórsetkishi turaqty túrde tómendeı bastady jáne qazirgi ýaqytta 2 esege, ıaǵnı 0,82-ge deıin azaıdy.

Bul rette respýblıka basshylyǵynyń elimizdiń densaýlyq saqtaý júıesine jan-jaqty jáne der ýaqytynda qoldaý kórsetkenin atap ótken jón. Sonyń nátıjesinde qymbatqa túsetin dıagnostıkalaýmen naýqastardy tegin qamtý artty. Búginde Qazaqstan PTR dıagnostıkamen qamtý boıynsha álemde 37-orynda tur.

«Eldegi aýyrǵandar kórsetkishi ózgertilip, tirkelgen jaǵdaılar sany artty. Qazirgi ýaqytta Qazaqstan koronavırýstyń taralýy boıynsha álemde 43-orynda tur. Anyqtalǵan patsıentterdiń der ýaqytynda ózin-ózi oqshaýlaýy, ambýlatorııalyq jáne statsıonarlyq emdeýmen qamtý, sonymen qatar baılanysta bolǵan adamdardy baqylaýǵa alý aýrýdyń taralýyn tejeýge, jaǵdaıy aýyr naýqastardy baqylaýǵa alýǵa múmkindik berdi. Qazaqstan der ýaqytta koronavırýsty dıagnostıkalaýdyń nátıjesinde Covid-19-dan qaza tapqandar kórsetkishi boıynsha 70-orynda tur», - dedi ol.

Aıta keterligi, elimizdiń Densaýlyq saqtaý mınıstrligi Dúnıejúzilik densaýlyq saqtaý uıymynyń Eýropa boıynsha aımaqtyq bıýrosymen birqatar tehnıkalyq konsýltatsııalar ótkizgennen keıin aýrýlardyń halyqaralyq jiktelýiniń kodtaryna sáıkes COVID-19 jaǵdaılaryn jańasha kodtaýǵa jáne esepke alýǵa kóshken bolatyn. ıAǵnı, 1 tamyzdan bastap zerthanalyq rastalǵan COVID-19 jaǵdaılary, sonyń ishinde PTR teris nátıjesi bar pnevmonııa jaǵdaılary biriktirilgen edi. Osyǵan oraı Densaýlyq saqtaý mınıstrligi tamyz aıynyń alǵashqy 10 kúniniń derekteri negizinde reprodýktıvtik kórsetkishine qaıtadan esepteý júrgizilip jatyr. Buǵan qosa Qazaqstan klınıkalyq-epıdemıologııalyq málimetter negizinde zerthanalyq naqtylaýsyz koronavırýs ınfektsııasy jaǵdaılaryn tirkeýdi alǵashqylardyń biri bolyp qolǵa alǵan bolatyn.

«Bul eń birinshi kezekte el halqynyń indet aýqymyn túsinýi úshin qajet boldy», - dedi mınıstr.

Onyń atap ótýinshe, statıstıkaǵa jańa ádis engizý tósek-oryn qoryn aıtarlyqtaı keńeıtý esebinen statsıonarlyq em alatyn patsıentter sanyn barynsha ulǵaıtýǵa múmkindik berdi.

«Bul júzdegen ómirdi saqtap qaldy. Óıtkeni, adam ómirin saqtap qalý úshin qajetti dem alýdy jasandy qoldaý tek statsıonarlyq jaǵdaıda ǵana kórsetiledi. Koronavırýs indetine baılanysty jedel járdem shaqyrý 62 paıyzǵa tómendedi. Qabyldanǵan sharalardyń arqasynda densaýlyq saqtaý júıesine júktemeniń negizgi kórsetkishterin tómendetýge qol jetkizildi. Elimizde ortasha eseppen aýrýdyń táýliktiń ósimi 2 esege jýyq tómendep, emdelip shyqqandar sany 73,6 paıyzǵa artty», - dedi Alekseı Tsoı.

Este bolsa, elimizde koronavırýs indetin juqtyrǵandar sanynyń kúrt artyp ketýine baılanysty Memleket basshysy Qasym-Jomart Toqaevtyń tikeleı tapsyrmasymen shilde aıynyń 5-inde shekteý sharalary kúsheıtilgen bolatyn. Araǵa eki aptadan astam ýaqyttan keıin, naqty aıtqanda 23 shildeden bastap ınfektsııanyń reprodýktıvtik kórsetkishi turaqty túrde tómendeı bastady. Bul kórsetkish 4 tamyzda 0,89-ǵa deıin qysqarsa, búginde 0,82-ge deıin tómededi. Bul rette epıdemıologııalyq turǵydan alǵanda atalǵan kórsetkishtiń 1-den tómen bolǵany mańyzdy. Qazirgi ýaqytta bul kórsetkishke Túrkistan oblysynan basqa barlyq óńir qol jetkizip otyr. Aýrýǵa shaldyǵý kórsetkishi de 100 myń adamǵa shaqqanda 56,73-ten 36,2-ge deıin tómendegen.

Alekseı Tsoıdyń sózine qaraǵanda, osyndaı oń dınamıka densaýlyq saqtaý júıesine júktemeniń azaıǵanyn jáne negizgi kórsetkishterdiń jaqsarǵanyn kórsetedi ári karantın sharalaryn kezeń-kezeńmen jeńildetýge múmkindik beredi.

«Bul jeńildetý qoǵamdyq oryndarda maska taǵý rejımi men gıgıenany qatań saqtaı otyryp, sonymen qatar barlyq aqparat arnalarymen halyq arasynda túsindirý jumystaryn júrgizý arqyly atqarylýy tıis. Karantındi kezeń-kezeńmen jeńildetý boıynsha qorytyndy usynystar komıssııanyń taıaý otyrysynda engiziletin bolady», - dedi mınıstr.

Osy máeelege qatysty túıin sóz aıtqan QR Premer-Mınıstri Asqar Mamın qabyldanǵan keshendi sharalardyń nátıjesinde elimizdegi koronavırýstyń taralý deńgeıi jáne osyǵan baılanysty barlyq kórsetkishterdiń qarqyndy tómendeýi tirkelip otyrǵanyna basa nazar aýdartty.

«Sonyń ishinde vırýstyń reprodýktıvtilik deńgeıiniń ortasha kórsetkishi 0,82 paıyzǵa deıin tómendedi. Emdelip shyqqandardyń úlesi 73,6 paıyzdy qurap otyr. Qalǵandary qajetti em alyp jatyr. Aýrýhanalardyń júktemesi 61 jáne jedel járdem shaqyrý 62 paıyzǵa tómendedi. Osy nátıjeler qabyldanyp jatqan sharalardyń tıimdiligin kórsetedi. Qalyptastyp otyrǵan epıdemıologııalyq jaǵdaıdy eskere otyryp, Densaýlyq saqtaý mınıstrligine karantın sharalaryn kezeń-kezeńimen alyp tastaý josparyn memlekettik komıssııa qaraýyna beısenbi kúni engizýdi tapsyramyn», - dedi Úkimet basshysy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT