+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

42 500 teńge týraly tolyq málimet: Kimge, qalaı, qashan

2020 jylǵy 16 shilde 17:30
Bólisińiz:
42 500 teńge týraly tolyq málimet: Kimge, qalaı, qashan

NUR-SULTAN. QazAqparat – QR Prezıdentiniń tapsyrmasymen muqtaj jandarǵa shilde aıyna 42 500 teńge taǵy da tólenetin boldy. 17 shildeden bastap járdemaqyǵa ótinim qabyldaý bastalady. Osy oraıda QazAqparat agenttigi járdemaqy alý joldary týraly tolyq málimetti usynady.

Uqsas jańalyqtar
2 mln-nan astam qazaqstandyq 42 500 teńge tólemin aldy Qaraǵandy oblysynda 102 myńnan astam adam 42 500 teńge áleýmettik tólem aldy Eki mln qazaqstandyqqa 42 500 teńge tólem taǵaıyndaldy

42 500 teńge kimge berilýi kerek?

Birinshiden, bul járdemaqy karantın shekteýlerine qatysty aqysyz demalysqa jiberilgen jaldamaly jumyskerlerge beriledi. Bul jerde ótinishti tek jumys berýshi jiberedi. Jumys berýshilerge qoıylatyn bir ǵana shart – olardyń jumysy karantınde toqtap qalsa ǵana beriledi. Ony jergilikti aýdan, qala boıynsha shtattar, Atameken UKP óńirlik ókilderi tekseredi. Sebebi, qazirgi shekteý sharalary jeńildeý bolǵanymen, ár óńirde bas sanıtarlyq dárigerler óz shekteýlerin qoıyp jatyr.

Ekinshiden, karantınde jumysy toqtap qalǵan jeke kásipkerler, jeke praktıkamen aınalysatyndarǵa 42 500 teńge tólenedi. Ony da aýdan, qaladaǵy shtab pen salyq komıtetiniń ókilderi belgileıtin bolady.

Úshinshiden, azamattyq-quqyqtyq sıpattaǵy kelisim boıynsha jumys istep júrgen frılanserler ótinishti ózderi beredi. Bul ótinishter shtab arqyly ótpeıdi, tikeleı jiberiledi. Bul kisilerge bir shart – osy 2020 jyly 6 aıdyń ishinde bir ret bolsa da zeınetaqy jarnasynyń aýdarylýy. Bul qatarǵa kásipkerlikpen aı saıyn turaqty túrde biryńǵaı jıyntyq tólem (BJT) tólep júrgen kásipkerler de kiredi.

Sońǵy sanat – óz betinshe jumys istep júrgenderge 42500 teńgeni alýǵa bolady. Bul jolǵy ózgeris – ótkendegideı BJT tóleýdiń qajeti joq, tótenshe jaǵdaı kezindegi tólem eskeriledi.

Qaı sanatqa járdemaqy tólenbeıdi?

Memlekettiń bıýdjetinen zeınetaqy, járdemaqy, ataýly áleýmettik kómek nemese saqtandyrý qorynan tıisti tólem alyp júrgender 42 500 teńge almaıdy. Olar beıresmı jumys istep júrgender qataryna jatpaıdy. Eger de olar resmı jumys istep júrse, olar úshin jumys berýshi ótinish bere alady. Resmı jeke kásipkerligi bolsa, jeke kásipker retinde de ótinish berýge múmkindigi bar.

«Sonymen birge, tótenshe jaǵdaı kezinde biryńǵaı jıyntyq tólem tólep, mıllıondaǵan adamdar óziniń beıresmı jumys istegenin rastady. Biz olarmen habarlasyp, 70 myńǵa jýyǵyn jumyspen qamtý sharalaryna tartqan bolatynbyz. Eger ol azamattar qazir jumys istep jatsa, árıne, olar bul joly 42 500 teńgeni ala almaıdy», - dep túsindirdi Eńbek jáne halyqty áleýmettik qorǵaý mınıstri Birjan Nurymbetov.

Jaqyn kúnderi jumystan shyǵyp ketkender de 42500 teńgege ótinim bere almaıdy. Olar Jumyspen qamtý ortalyǵyna habarlasýy kerek. Bul ortalyq turǵyndarǵa ashyq vakansııalardy nemese basqa jumyspen qamtý sharalaryn usynady.

Eger esh jumys laıyq kelmese, úsh kúnde jumyssyz retinde tirkeledi jáne avtomatty túrde Memlekettik saqtandyrý qorynan jumyssyzdyqqa qatysty basqa tólem bekitedi. Bul jumyssyzdyq tólemaqysy 6 aı boıy beriledi.

Stýdentter men dekrettegi áıelder qandaı jaǵdaıda járdemaqy alady?

Arnaıy 42 500 teńge tóleý úshin «Stýdent», «Dekrettegi áıel» degen sanattar qarastyrylmaǵan. ıAǵnı, stýdentke stýdent bolǵany úshin járdemaqy tólenbeıdi. Biraq eger de stýdent jaldanyp jumys istese, karantın kesirinen aqysyz demalysqa jiberilse, ol úshin jumys berýshisi ótinish bere alady. Al eger stýdent jeke kásipker bolyp, aı saıyn BJT tólep júrgen kásipker bolsa, ol jaǵdaıda da 42500 teńge alady. Al endi osy kúnge deıin beıresmı jumys istedim dep bir ret BJT tólegen stýdentter 42500 teńge ala almaıdy.

Al dekrette júrgen áıelderge ereje ózgerissiz qalady. Bala bir jasqa tolǵansha dekrettegi áıel memleketten nemese saqtandyrý qorynan járdemaqy alyp júredi. Sondyqtan, olarǵa 42500 teńge berilmeıdi. Al endi bala bir jastan asqan bolsa, jumysqa shyǵyp, karantınge baılanysty aqysyz demalysqa jiberse, árıne járdemaqy ala alady. Eger onyń jeke kásipkerligi bolyp, turaqty túrde BJT tólep, jumysy toqtap qalsa da 42 500 teńge ala alady. Ótkendegi TJ kezinde bir ret BJT tólep, beıresmı jumys istegenin rastaǵan áıelder de 42500 teńge ala alady.

Arnaıy SMS alǵandar ótinishsiz-aq járdemaqy alady?

Mınıstrlik 42500 teńge járdemaqyny proaktıvti túrde taǵaıyndaý joldaryn da qarastyryp jatyr.

«Naýryz-sáýir aılarynda 42500 teńgeni sátti alǵan turǵyndardy saraptaı kelip, jaǵdaıy ózgermedi-aý dep boljaǵan kisilerge suraý jiberip jatyrmyz. Siz ótkende 42500 teńge aldyńyz, bul joly da tabysyńyzdan aıyryldyńyz ba degen SMS jiberdik. Iá degen jaýap kelse, sol turǵynǵa esh ótinishsiz tólem taǵaıyndaý sharasyn jasaımyz. Sondyqtan, búgin SMS alǵan kisiler tabystan aıyrylǵanyńyzdy rastaǵan bolsańyz, erteń juma kúni portaldarǵa ótinish berýdiń qajeti joq. Jaı ǵana óz mártebeńizdi tekserseńiz, «Siz úshin ótinish qabyldandy» dep jazylyp turady», - deıdi B. Nurymbetov.

Ótinishti qalaı berýge bolady?

Jaldamaly jumysshylar úshin ótinish beretin jumys berýshiler aqysyz demalysqa jiberilgen qyzmetkerleri úshin ǵana ótinish bere alady. Qashyqtan, tolyq emes rejimde isteıtin, jalaqysyn tolyq alyp júrgen qyzmetkerlerdi qosýǵa bolmaıdy. Ony aýdandyq shtabtar tekseredi. Ótinishti eki portalda: egov.kz – «elektrondy úkimettiń» veb-portaly jáne 42500.enbek.kz portalynda tirkeýge bolady. Onda kásiporynnyń BIN-i men ár jumysshynyń JSN-yn kórsetkende barlyq málimet shyǵýy tıis. Portalǵa kirgende 20 qyzmetkerdiń ótinishin toptastyryp jiberýge bolady. Al jumysshylardyń ózderi jibergen ótinish qabyldanbaıdy. Olar 42500.enbek.kz portalynda óz mártebesin, ótinishtiń berilgeni men qandaı satyda qaralyp jatqanyn baqylaı alady.

Jeke praktıkamen aınalysyp júrgen azamattar ótinishti ózderi beredi. Olar eki portalǵa qosymsha «Elektrondy úkimettiń» telegram-bot-taryn da paıdalana alady. Basqa azamattar – jeke tulǵalar osy portaldar arqyly jáne Telegram-bot arqyly ótinim bere alady. Olarǵa qoıylatyn bir ǵana shart – jumystarynyń shyn máninde toqtap turǵany. Ony aýdandyq shtabtar men salyq komıteti tekseredi.

Ótinishter qaı kúnderi qabyldanady?

17 shildeden bastap, egov.kz – «elektrondy úkimettiń» veb-portaly, 42500.enbek.kz portaly jáne Telegram-bottar 42500 teńge járdemaqyǵa ótinish qabyldaýdy bastaıdy. Bul ótinishter 1 qyrkúıekke deıin qabyldanady.

«Bul joly osy kúnge deıin úlgerý kerek degen esh shekteý qoımaımyz. Bul tólem shilde aıyna arnalady. Biraq portaldar 1 qyrkúıekke deıin ótinish qabyldaı beredi», - dedi B. Nurymbetov.

Jalǵan málimet bergender jazalana ma?

Eńbek mınıstri Birjan Nurymbetov 42 500 teńge áleýmettik tólem alýǵa quqyǵy joqtardyń ótinim bermeýin ótindi.

«Osy ýaqytqa deıin jumys istep kelip, karantınge baılanysty tabysynan qaǵylǵan jaldamaly jumysshylar, ózin-ózi jumyspen qamtyǵandar, jeke kásipkerler ótinim bere alady. Al mundaı sanatqa kirmeıtinder áleýmettik tólem alýǵa tyryspaı-aq qoıýlaryńyzdy ótinemin. Bul - jaýapkershilik. Osy joly portaldyń tómengi jaǵynda árbir adam oqyp, shekteý sharalaryna baılanysty kirisinen aıyrylǵanyn rastaıtyn belgini belgileýi tıis bolady. Ol usynǵan málimetteri úshin moınyna jaýapkershilik alady», - dedi mınıstr.

Mınıstrdiń aıtýynsha, járdemaqyny tıisti adamdardyń almaǵany anyqtalsa, Memlekettik áleýmettik saqtandyrý qory qarajatty keri qaıtarý týraly talap qoıa alady. Eger jumys berýshi jumysyn toqtatpaǵan qyzmetkerler úshin ótinish berse, bul – zańbuzýshylyq bolyp esepteledi.

Munda Memlekettik áleýmettik saqtandyrý qory qarajatty qaıtarý talabymen birge, kásiporyndy sotqa berýi de ábden múmkin. Ári qaraı barlyǵy sot sheshimine baılanysty bolady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT