400 myń teńge para alǵan Aqtóbeniń bas ekology Nurjan Aqqul aıyppulmen qutyldy
2022 jylǵy 14 sáýir 11:43

400 myń teńge para alǵan Aqtóbeniń bas ekology Nurjan Aqqul aıyppulmen qutyldy

AQTÓBE. QazAqparat - Aqtóbe oblysynyń bas ekology para alǵany úshin sottaldy, dep habarlaıdy QazAqparat.

Sybaılas jemqorlyqqa qarsy is-qımyl agenttiginiń málimetinshe, 13 sáýirde Aqtóbe qalasynyń №2 sotynyń úkimimen oblystyq ekologııa departamentiniń burynǵy basshysy Nurjan Aqqul aıtarlyqtaı mólsherde para alý deregi boıynsha kináli dep tanyldy.

Ol 12 mln teńge somasyndaǵy aıyppul jazasyna kesildi.

Sonymen qatar, eks-basshy memlekettik organdarda qyzmet atqarý quqyǵynan ómir boıyna aıryldy.

Nurjan Aqqul ótken jyldyń 19 jeltoqsanynda Aqtóbe oblysynyń ekologııa departamentiniń basshysy retinde kásipkerlik sýbektisi dırektorynan 400 myń teńge somasynda para alǵany úshin ustalǵan.

Atalǵan parany birinshi sanattaǵy obektiler úshin emıssııalardyń qorshaǵan ortaǵa áser etýine ruqsat berýi jáne jalpy qamqorlyq kórsetý úshin alǵan.



Jańalyqtar

Úrdis

MURAǴAT