4 jylda zııankes shegirtkelerdiń taralý aýmaǵy 2 esege jýyq azaıǵan
2022 jylǵy 21 maýsym 15:34

4 jylda zııankes shegirtkelerdiń taralý aýmaǵy 2 esege jýyq azaıǵan

NUR-SULTAN. QazAqparat – Keıingi 4 jylda Qazaqstan aýmaǵyndaǵy zııankes shegirtkelerdiń taralý aýmaǵy 2 esege jýyq azaıǵan, dep habarlaıdy QazAqparat tilshisi.

QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń tóraǵasy Almabek Mars ortalyq kommýnıkatsııalar qyzmetinde ótken brıfıngide osyndaı derek aıtty.

«Fıtosanıtarııalyq sharalardyń netıjesinde shegirtkelerdiń taralý alańyn 2018 jylǵy 1,7 mln gektardan 2022 jyly 970 myń gektarǵa deıin qysqardy. Bıyl 8,7 mln gektar alańda zııandy aramshópterge tekserý júrgizilgen. Aramshópke qarsy hımııalyq óńdeý jumystaryn 14 mln gektar alańda júrgizý josparlanyp otyr. Bıyl gerbıtsıdterge sýbsıdııa retinde bólingen 40 mlrd tenge 24,7 mln gektar jerdi dárileýge múmkindik beredi», - dedi mınıstrlik ókili.

Mamannyń aıtýyna qaraǵanda. Jalpy, 2022 jyly asa qaýipti zııandy organızmderdiń taralý kólemi 2,1 mln gektarǵa jetedi degen boljam bar.

«Onyń ishinde dándi daqyl aýrýlary 1,7 mln gektar, astyqtyń sur kóbelegi 221,9 myń gektar, gessen shybyny 7 myń gektar, zııandy baqashyq 19,7 myń gektar, astyq qońyzdary 5 myń gektar, maqta kóbelegi 29,7 myń gektar, órmekshi, kene 24,2 myń gektar, kolorado qońyzy 305 gektar, sarshunaq pen tyshqan tárizdi kemirgishter 30 gektar alqapta tirshilik etýi múmkin. Pestıtsıdterdiń qunyn 50% sýbsıdııalaý úshin 2,048 mlrd teńge bólindi», - dedi Almabek Mars.

Buǵan deıin habarlaǵanymyzdaı, SQO-da pestıtsıd saqtaý talabyn buzǵandarǵa 7,5 mln teńge aıyppul salyndy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT