+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

4 tamyz. QazAqparat kúntizbesi

2021 jylǵy 4 tamyz 07:00
Bólisińiz:
4 tamyz. QazAqparat kúntizbesi

NUR-SULTAN. QazAqparat - QazAqparat oqyrmandaryna 2021 jylǵy 4 tamyzǵa arnalǵan kúntizbeni usynady.

ESTE QALAR OQIǴALAR

1974 jyly Ábdijámil Nurpeıisovtiń 1918-1920 jyldardaǵy birinshi dúnıejúzilik soǵys pen azamattyq soǵys kezinde Qazaqstanda bolǵan oqıǵalar týraly jazǵan «Qan men ter» trılogııasy SSSR Memlekettik syılyǵyn ıelendi.

2003 jyly Astanadaǵy Respýblıkalyq klınıkalyq aýrýhanada álemde tuńǵysh ret julynnyń júıke kletkalaryn transplantatsııalaý boıynsha operatsııa ótkizildi.

Patsıent eki jyl boıy aıaǵyn sezbegen bolatyn. Operatsııadan keıin ekinshi kúni onyń aıaqtaryna jan kirdi. Operatsııany sol kezdegi Qazaqstan Respýblıkasynyń Densaýlyq saqtaý mınıstri, professor Jaqsylyq Dosqalıev ótkizdi.

2004 jyly Qazaqstan Respýblıkasy Prezıdenti Ákimshiliginiń Іshki saıasat basqarmasy quramyndaǵy Qazaqstan halqy Assambleıasynyń hatshylyǵy quryldy.

2011 jyly «Juldyz» balalar qoǵamdyq uıymdarynyń respýblıkalyq odaǵy QR Tuńǵysh Prezıdentiniń Mýzeıine altyn qylyshty syıǵa tartty. Ol Ujymdyq qaýipsizdik sharty uıymyna múshe elderdiń 2008 jyly Qyrǵyzstanda ótken jas patrıottar halyqaralyq jıynynyń joǵary resmı nagradasy retinde tabystalǵan bolatyn.

2013 jyly Tegeranda QR Prezıdenti Nursultan Nazarbaev jańadan saılanǵan Iran Islam Respýblıkasynyń prezıdenti Hasan Rýhanıdiń ınaýgýratsııasy rásimine qatysty.

2016 jyly Almatyda perzenthanalar men perınataldyq ortalyqtarǵa arnalǵan jańa medıtsınalyq servıs iske qosyldy. Ol náreste týǵan kezde bala týraly elektrondy derekterdi engizip, arnaýly bilezikke japsyrylyp, náresteniń qolyna baılap qoıýǵa arnalǵan. Osy servıstiń arqasynda bilezikterdiń jeliminiń ajyraýy, balalardyń aýysyp ketýi toqtady. Óıtkeni bileziktegi arnaýly ilmek onyń joǵalýyna, derekterdiń almasyp ketýine jol bermeıdi.

2016 jyly HHHІ jazǵy Olımpıada oıyndarynyń astanasy Brazılııanyń Rıo-de-Janeıro qalasynda Qazaqstannyń týy kóterildi. Rıoda 104 sportshy Qazaqstannyń namysyn qorǵady.

Olımpıadada medaldardyń rekordtyq jıyntyǵy (306) oınatyldy. Oıyndarǵa 207 el qatysty, onyń ishinde Kosovo men Ońtústik Sýdan alǵash ret jarys jolyna shyqty.

2017 jyly Qazaqstanda alǵash ret ES-145 tikushaǵynyń (FNPT III) ushý-navıgatsııalyq trenajerinde QR Áskerı áýe kúshteriniń ushqyshtary jattyǵa bastady. Trenajer ekıpajdyń kásibı daıyndyǵynyń sapa deńgeıin arttyryp, ushý qaýipsizdigin qamtamasyz etedi.

2017 jyly Astanada erekshe qajettiligi bar adamdardyń qatysýymen «Blind Race Astana - Paris» velomarafony bastaldy. Veloshabandozdar alty eldiń: Qazaqstan, Reseı, Belarýs, Polsha, Germanııa, Frantsııa elderiniń shekarasynan asyp, 30 qaladan ótti. Nashar kóretin jáne zaǵıp velosıpedshiler marafon barysynda 5 000 shaqyrymdy eńserdi.

2018 jyly Armenııada ótken «Dostastyq jaýyngerleri» áskerı-kásibı halyqaralyq saıysynda Qazaqstan Respýblıkasy Qarýly Kúshteriniń komandasy birinshi oryndy ıelendi. Baıqaýǵa Armenııa, Belarýs, Grekııa, Iran, Qazaqstan jáne Reseı komandalary qatysty.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT