4 shilde. Týǵan kún ıeleri
2022 jylǵy 4 shilde 08:10

4 shilde. Týǵan kún ıeleri

NUR-SULTAN. QazAqparat – QazAqparat 4 shildege arnalǵan «Týǵan kún ıeleri» kúntizbesin usynady.

ESІMDER

96 jyl buryn (1926-2013) ánshi (lırıkalyq barıton), KSRO men Qazaqstannyń halyq ártisi, professor Ermek Bekmuhameduly SERKEBAEV dúnıege kelgen.

Petr Chaıkovskıı atyndaǵy Almaty mýzykalyq ýchılıesin (Petr Chaıkovskıı atyndaǵy Almaty mýzykalyq kolledji), Qurmanǵazy atyndaǵy Qazaq ulttyq konservatorııasyn bitirgen. Ermek Serkebaev oryndaǵan partııalardyń ishinde Ahmet Jubanov jáne Latıf Hamıdıdiń operasyndaǵy Abaıdy, «Birjan men Sara» operasyndaǵy Qojaǵuldy, Amangeldini, Petr Chaıkovskııdiń «Evgenıı Onegın» jáne «Pıkovaıa damasynda» Onegın men Eletskııdi, Djoakkıno Rossınıdiń «Sevıl shashtarazynda» Fıgarony, «Ýkroenıe stroptıvoıda» Petrýchchıony, Evgenıı Brýsılovskıı men Erkeǵalı Rahmadıevtiń operasyndaǵy Er Tarǵyn jáne Alpamys batyrlardy jáne basqa da kóptegen operalarda oınaǵan. Kıno óneri salasyna da atsalysyp, «Taqııaly perishte», «Bizdiń súıikti dáriger», t.b. fılmderge túsken. Gastroldik saparmen álemniń 50-den asa elderinde bolǵan. 1973 jyldan qazirgi kezge deıin Qurmanǵazy atyndaǵy Qazaq ulttyq konservatorııasynda vokal klasy boıynsha dáris beredi. 2006 jyly Máskeý konservatorııasynyń úlken zalynda án shyrqaǵan. 1947 jyldan bastap ómiriniń sońyna deıin Abaı atyndaǵy Qazaq memlekettik akademııalyq opera jáne balet teatrynda solıst boldy. KSRO Joǵarǵy Keńesi 7-shaqyrylymynyń depýtaty, Qazaq KSR Joǵarǵy Keńesi 8, 11-shaqyrylymdarynyń depýtaty. «Otan», Eńbek Qyzyl Tý, Qazan revolıýtsııasy, 2 márte Lenın ordenderimen, medaldarmen marapattalǵan. KSRO men Qazaqstan Respýblıkasy Memlekettik syılyǵynyń, Halyqaralyq vokalıster konkýrsynyń laýreaty, vokalıster men balet ártisteriniń búkilodaqtyq konkýrsy syılyǵynyń jáne «Tarlan» syılyǵynyń ıegeri.

65 jyl buryn (1957) Qazaqstan Respýblıkasynyń memleket qaıratkeri Alık Jatqambaıuly ShPEKBAEV dúnıege keldi.

Almaty oblysy Qaskeleń aýdany Abaı aýylynda týǵan. 1980 jyly KSRO ІІM Shymkent arnaıy orta mektebin, 1987 jyly KSRO ІІM Qaraǵandy joǵary mektebin, 1993 jyly RF ІІM Akademııasyn bitirgen. Zań ǵylymdarynyń kandıdaty.

1974-1975 jyldary – Talǵar qalasy Talǵar aýyl sharýashylyǵy tehnıkýmynyń stýdenti; 1975-1977 jyldary Keńes Áskeriniń qatarynda qyzmette boldy; 1978 jyly – Almaty oblysy boıynsha Kamenka aýylynda QJMK slesari; 1980-1984 jyldary – Almaty oblystyq ІІB ETK-71 jedel bóliminiń otrıad bastyǵy, ınspektory, SI-1 jedel bóliminiń ınspektory; 1984-1988 jyldary – Qaskeleń aýdandyq ІІB qylmystyq izdestirý bólimshesiniń jedel ókili, aǵa jedel ókili; 1988-1989 jyldary – Qaskeleń aýdandyq ІІB Kamenka aýyldyq mılıtsııa bóliminiń bastyǵy; 1989-1991jyldary – Almaty oblysynyń Balqash AІІB bastyǵy; 1991-1993 jyldary – Máskeý qalasy KSRO jáne RF ІІM akademııasynyń tyndaýshysy; 1994-1995 jyldary – Almaty oblysynyń Qaskeleń aýdandyq ІІB bastyǵy; 1995-1997 jyldary – Almaty oblysy boıynsha MTKB bastyǵynyń orynbasary, Almaty oblysy boıynsha MTKD asa qaýipti qylmystardy tergeý basqarmasynyń bastyǵy; 1997-2000 jyldary – jeke tulǵaǵa qarsy qylmystardy ashý jónindegi basqarmasynyń bastyǵy, Uıymdasqan qylmysqa qarsy kúres basqarmasynyń bastyǵy, Uıymdasqan qylmysqa qarsy kúres basqarmasy bastyǵynyń orynbasary, QR ІІM Krımınaldyq polıtsııa departamenti bastyǵynyń birinshi orynbasary; 2000-2003 jyldary – Almaty oblysy boıynsha ІІB bastyǵy. 2003-2008 jyldary – Qazaqstan Respýblıkasynyń ishki ister vıtse-mınıstri. 2008-2014 jyldary – Qazaqstan Respýblıkasynyń Prezıdenti Ákimshiligi Quqyq qorǵaý júıesi bóliminiń meńgerýshisi; 2014-2015 jyldary – Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary. 2016 jyldyń 12 qańtarynan bastap 28 qyrkúıegine deıin Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) Tóraǵasynyń orynbasary. 2016 jyldyń 28 qyrkúıeginde Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary bolyp taǵaıyndaldy. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy (2017-2019). 2019 jyldan 2021 jylǵy 16 sáýirge deıin Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy qyzmetin atqardy.

II dárejeli «Aıbyn», II dárejeli «Dańq» jáne «Parasat» ordenderimen, «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astananyń 10 jyldyǵy» merekelik medaldarimen, sondaı-aq vedomstvalyq medaldarymen nagradtalǵan. Qazaqstan Respýblıkasy ІІM eńbek sińirgen qyzmetkeri. Almaty oblysynyń Qurmetti azamaty.

59 jyl buryn (1963) Qazaqstan Respýblıkasy Parlamenti Májilisiniń VII shaqyrylymynyń depýtaty, Ekonomıkalyq reformalar jáne óńirlik damý komıtetiniń múshesi Samat Saǵynbaıuly AQYShEV dúnıege keldi.

Qostanaı oblysynda týǵan. 1985 jyly taý-ken ınjeneri mamandyǵy boıynsha Rýdnyı ındýstrıaldy ınstıtýtyn, 1991 jyly Máskeý taý-ken ınstıtýtynyń aspırantýrasyn támamdaǵan. Eńbek joly: 1992-1997 jyldary – Rýdnyı ındýstrıaldyq ınstıtýtynda oqytýshy, áleýmettik-ekonomıkalyq máseleler jónindegi prorektor; 1997-2001 jyldary – Qostanaı oblysyndaǵy «Melkombınat» AAQ atqarýshy dırektory, basqarma tóraǵasy, bas dırektory; 2001-2006 jyldary – Qostanaı oblysy Jitiqara qalasynda «Metal Treıdıng» JShS bas dırektory; 2006-2010 jyldary – Aqmola oblysy ýchınsk qalasyndaǵy «Gornye tehnologıı» JShS Bas dırektory; 2009-2021 jyldary – Qostanaı oblysynyń Jitiqara qalasyndaǵy «Qostanaı mıneraldary» AQ basqarma tóraǵasy, dırektorlar keńesiniń múshesi, dırektorlar keńesiniń tóraǵasy. 2021 jyldyń qańtarynan bastap qazirgi qyzmetinde.

«Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 25 jyl» merekelik medaldarymen, «Qazaqstan máslıhattaryna 20 jyl», «Qazaqstan máslıhattaryna 25 jyl» medaldarymen marapattaldy.

57 jyl buryn (1965) Qazaqstan Respýblıkasy Bas prokýratýrasynyń 1-shi qyzmetiniń basshysy Serik Rysqalıuly ShALABAEV dúnıege kelgen.

Mańǵystaý oblysynda týǵan. Ál-Farabı atyndaǵy Qazaq ulttyq ýnıversıtetin quqyqtaný mamandyǵymen bitirgen (1992).

Eńbek joly: Aqtaý qalalyq prokýratýrasynyń tergeýshisi (1992); Mańǵystaý oblysy prokýratýra basqarmasynyń tergeýshisi, aǵa prokýrory, bólim bastyǵynyń orynbasary, basqarma bastyǵy (1994-1998); Aqtaý garnızonynyń áskerı prokýrory (1998-2000); QR bas áskerı prokýrorynyń orynbasary (2000-2001); Aqtóbe oblysy, Hromtaý aýdanynyń prokýrory, Batys Qazaqstan oblysy Oral qalasynyń prokýrory (2001-2003); Batys Qazaqstan oblysy prokýrorynyń orynbasary, birinshi orynbasary (2003-2009); QR Bas prokýrorynyń apparaty basqarmasynyń bastyǵy (2009-2011); QR Bas prokýratýrasy departamenti bastyǵynyń orynbasary (01.2011-07.2011); Almaty oblysy prokýrorynyń orynbasary (2011-2012); Atyraý oblysy prokýrorynyń orynbasary (2012-2018); QR bas prokýratýrasy qylmystyq qýdalaý qyzmeti bastyǵynyń orynbasary (04.2018-08.2018); Quqyq qorǵaý organdary akademııasynyń prorektory (2018-2019).

Qazirgi qyzmetinde 2019 jyldyń naýryzynan.

48 jyl buryn (1974) Qazaqstan Respýblıkasy Prezıdenti Ákimshiligi Basshysynyń orynbasary, Qazaqstan Respýblıkasy Prezıdentiniń janyndaǵy Ulttyq Quryltaı hatshysy Aıda Ǵalymqyzy BALAEVA dúnıege keldi.

Almaty oblysy Jambyl aýdany Jambyl aýylynda týǵan. 2000 jyly Abaı atyndaǵy Almaty memlekettik ýnıversıtetin orys tili men ádebıeti pániniń muǵalimi mamandyǵy boıynsha, 2007 jyly Qazaq ulttyq agrarlyq ýnıversıtetin quqyqtaný mamandyǵy boıynsha bitirgen.

Eńbek joly: 1999-2002 jyldary – Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy. 2002-2004 jyldary – Almaty qalalyq aqparat jáne qoǵamdyq kelisim basqarmasynyń taldaý jáne qoǵamdyq-saıası úrdisterdi úılestirý bóliminiń bastyǵy. 2004 jylǵy qańtar men qyrkúıek aralyǵynda – Almaty qalasy boıynsha aqparat basqarmasynyń taldaý jáne boljaý bóliminiń bastyǵy. 2004-2005 jyldary – Almaty qalasy boıynsha aqparat basqarmasy bastyǵynyń orynbasary. 2005-2006 jyldary – Almaty qalasynyń ishki saıasat departamenti dırektorynyń orynbasary. 2006-2008 jyldary – Almaty qalasynyń ishki saıasat departamentiniń dırektory. 2008-2010 jyldary – Astana qalasynyń ishki saıasat basqarmasynyń bastyǵy. 2010-2014 jyldary – Astana qalasy ákiminiń orynbasary. 2014-2019 jyldary – Qazaqstan Respýblıkasy Prezıdenti Ákimshiliginiń ishki saıasat bóliminiń meńgerýshisi. 2019-2020 jyldary – Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi. QR Aqparat jáne qoǵamdyq damý mınıstri (2020-2022).

Qazirgi qyzmetinde 2022 jyldan beri.

35 jyl buryn (1987) Qazaqstan Respýblıkasy Indýstrııa jáne ınfraqurylymdyq damý vıtse-mınıstri Marat Kárimjanuly QARABAEV dúnıege keldi.

Tashkent oblysynda (Ózbekstan Respýblıkasy) týǵan. Tashkent avtomobıl-jol ınstıtýtyn, Ýorvık ýnıversıtetin (Ulybrıtanııa), M.H,Dýlatı atyndaǵy Taraz memlekettik ýnıversıtetin bitirgen.

Eńbek qyzmeti: Qazaqstan Respýblıkasy Aýyl sharýashylyǵy mınıstrligi Sý resýrstary komıteti Sý sharýashylyǵy jelilerin paıdalaný jáne damytý basqarmasynyń sarapshysy (2011); Qazaqstan Respýblıkasy Indýstrııa jáne jańa tehnologııalar mınıstrligi Jańa tehnologııalar jáne energııa únemdeý departamenti qyzmet kórsetý salasynyń tehnologııalyq damýy basqarmasynyń bas sarapshysy (2011-2013); Ońtústik Qazaqstan oblysynyń kásipkerlik jáne ındýstrıaldy-ınnovatsııalyq damý basqarmasy basshysynyń orynbasary (2014-2015); Ońtústik Qazaqstan oblysynyń kásipkerlik jáne ındýstrıaldy-ınnovatsııalyq damý jáne týrızm basqarmasynyń basshysy (2015-2017); Qazaqstan Respýblıkasy Tsıfrlyq damý, qorǵanys jáne aeroǵarysh ónerkásibi mınıstrliginiń Áskerı-ónerkásiptik keshendi damytý departamentiniń dırektory (2018-2019); Qazaqstan Respýblıkasy Indýstrııa jáne jańa tehnologııalar mınıstrligi Áskerı-ónerkásiptik keshendi damytý departamentiniń dırektory (2019-2020); Qazaqstan Respýblıkasy Indýstrııa jáne ınfraqurylymdyq damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy (2020-2021 jj.).

Qazirgi qyzmetin 2021 jyldyń shildesinen beri atqaryp keledi.


Uqsas jańalyqtar

Jańalyqtar

Úrdis

MURAǴAT