+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

4 shilde. Týǵan kún ıeleri

2020 jylǵy 4 shilde 08:08
Bólisińiz:
4 shilde. Týǵan kún ıeleri

NUR-SULTAN. QazAqparat - QazAqparat beısenbi, 4 shildege arnalǵan «Týǵan kún ıeleri» kúntizbesin usynady.

ESІMDER

94 jyl buryn (1926-2013) ánshi (lırıkalyq barıton), KSRO men Qazaqstannyń halyq ártisi, professor Ermek Bekmuhameduly SERKEBAEV dúnıege kelgen.

Petr Chaıkovskıı atyndaǵy Almaty mýzykalyq ýchılıesin (Petr Chaıkovskıı atyndaǵy Almaty mýzykalyq kolledji), Qurmanǵazy atyndaǵy Qazaq ulttyq konservatorııasyn bitirgen.

Ermek Serkebaev oryndaǵan partııalardyń ishinde Ahmet Jubanov jáne Latıf Hamıdıdiń operasyndaǵy - Abaıdy, «Birjan men Sara» operasyndaǵy Qojaǵul, Amangeldi, Petr Chaıkovskııdiń «Evgenıı Onegın» jáne «Pıkovaıa damasynda» Onegın men Eletskııdi, Djoakkıno Rossınıdiń «Sevıl shashtarazy» Fıgarony, «Ýkroenıe stroptıvoı» Petrýchchıony, Evgenıı Brýsılovskıı men Erkeǵalı Rahmadıevtiń operasyndaǵy Er Tarǵyn jáne Alpamys batyrlar jáne basqa da kóptegen operalarda oınaǵan. Kıno óneri salasynda da atsalysyp, «Taqııaly perishte», «Bizdiń súıikti dáriger», t.b. fılmderge túsken. Gastroldik saparmen álemniń 50-den asa elderinde bolǵan. 1973 jyldan qazirgi kezge deıin Qurmanǵazy atyndaǵy Qazaq ulttyq konservatorııasynda vokal klasy boıynsha dáris beredi. 2006 jyly - Máskeý konservatorııasynyń úlken zalynda án shyrqaǵan. 1947 jyldan bastap ómiriniń sońyna deıin Abaı atyndaǵy Qazaq memlekettik akademııalyq opera jáne balet teatrynda solıst boldy. KSRO Joǵarǵy Keńesi 7-shaqyrylymynyń depýtaty, Qazaq KSR Joǵarǵy Keńesi 8, 11-shaqyrylymdarynyń depýtaty.

«Otan», Eńbek Qyzyl Tý, Qazan revolıýtsııasy, 2 márte Lenın ordenderimen, medaldarmen marapattalǵan. KSRO men Qazaqstan Respýblıkasy Memlekettik syılyǵynyń, Halyqaralyq vokalıster konkýrsynyń laýreaty, vokalıster men balet ártisteriniń búkilodaqtyq konkýrsy syılyǵynyń jáne «Tarlan» syılyǵynyń ıegeri.

63 jyl buryn (1957) Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Alık Jatqambaıuly ShPEKBAEV dúnıege keldi.

Almaty oblysy Qaskeleń aýdany Abaı aýylynda týǵan. 1980 jyly KSRO ІІM Shymkent arnaıy orta mektebin 1987 jyly KSRO ІІM Qaraǵandy joǵary mektebin, 1993 jyly RF ІІM Akademııasyn bitirgen. Zań ǵylymdarynyń kandıdaty.

1974-1975 jyldary - Talǵar qalasy Talǵar aýyl sharýashylyǵy tehnıkýmynyń stýdenti; 1975-1977 jyldary - Keńes Áskeriniń qatarynda qyzmette; 1978 jyly - Almaty oblysy boıynsha Kamenka aýylynda QJMK slesari; 1980-1984 jyldary - Almaty oblystyq ІІB ETK-71 jedel bóliminiń otrıad bastyǵy, ınspektory, SI-1 jedel bóliminiń ınspektory; 1984-1988 jyldary - Qaskeleń aýdandyq ІІB qylmystyq izdestirý bólimshesiniń jedel ókili, aǵa jedel ókili; 1988-1989 jyldary - Qaskeleń aýdandyq ІІB Kamenka aýyldyq mılıtsııa bóliminiń bastyǵy; 1989-1991jyldary - Almaty oblysynyń Balqash AІІB bastyǵy; 1991-1993 jyldary - Máskeý qalasy KSRO jáne RF ІІM akademııasynyń tyndaýshysy; 1994-1995 jyldary - Almaty oblysynyń Qaskeleń aýdandyq ІІB bastyǵy; 1995-1997 jyldary - Almaty oblysy boıynsha MTKB bastyǵynyń orynbasary, Almaty oblysy boıynsha MTKD asa qaýipti qylmystardy tergeý basqarmasynyń bastyǵy; 1997-2000 jyldary - jeke tulǵaǵa qarsy qylmystardy ashý jónindegi basqarmasynyń bastyǵy, Uıymdasqan qylmysqa qarsy kúres basqarmasynyń bastyǵy, Uıymdasqan qylmysqa qarsy kúres basqarmasy bastyǵynyń orynbasary, QR ІІM Krımınaldyq polıtsııa departamenti bastyǵynyń birinshi orynbasary; 2000-2003 jyldary - Almaty oblysy boıynsha ІІB bastyǵy. 2003-2008 jyldary - Qazaqstan Respýblıkasnyń ishki ister vıtse-mınıstri. 2008-2014 jyldary - Qazaqstan Respýblıkasynyń Prezıdenti Ákimshiligi Quqyq qorǵaý júıesi bóliminiń meńgerýshisi; 2014-2015 jyldary - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary; 2016 jyldyń 12 qańtarynan bastap 28 qyrkúıegine deıin Qazaqstan Respýblıkasy Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) Tóraǵasynyń orynbasary. 2016 jyldyń 28 qyrkúıeginde Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary bolyp taǵaıyndaldy. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy (2017-2019).

2019 jylǵy maýsymnan beri qazirgi qyzmetinde.

II dárejeli «Aıbyn», II dárejeli «Dańq» jáne «Parasat» ordenderimen, «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń Konstıtýtsııasyna 10 jyl», «Astananyń 10 jyldyǵy» merekelik medaldarimen, sondaı-aq vedomstvalyq medaldarymen nagradtalǵan. Qazaqstan Respýblıkasy ІІM eńbek sińirgen qyzmetkeri. Almaty oblysynyń Qurmetti azamaty.

55 jyl buryn (1965) Qazaqstan Respýblıkasy Bas prokýratýrasynyń 1-shi qyzmetiniń basshysy Serik Rysqalıuly ShALABAEV dúnıege kelgen.

Mańǵystaý oblysynda týǵan. Ál-Farabı atyndaǵy Qazaq Ulttyq ýnıversıtetin quqyqtaný mamandyǵymen bitirgen (1992).

Eńbek joly: Aqtaý qalalyq prokýratýrasynyń tergeýshisi (1992); Mańǵystaý oblysy prokýratýra basqarmasynyń tergeýshisi, aǵa prokýrory, bólim bastyǵynyń orynbasary, basqarma bastyǵy (1994-1998); Aqtaý garnızonynyń áskerı prokýrory (1998-2000); QR bas áskerı prokýrorynyń orynbasary (2000-2001); Aqtóbe oblysy, Hromtaý aýdanynyń prokýrory, Batys Qazaqstan oblysy Oral qalasynyń prokýrory (2001-2003); Batys Qazaqstan oblysy prokýrorynyń orynbasary, birinshi orynbasary (2003-2009); QR Bas prokýrorynyń apparaty basqarmasynyń bastyǵy (2009-2011); QR Bas prokýratýrasy departamenti bastyǵynyń orynbasary (01.2011-07.2011); Almaty oblysy prokýrorynyń orynbasary (2011-2012); Atyraý oblysy prokýrorynyń orynbasary (2012-2018); QR bas prokýratýrasy qylmystyq qýdalaý qyzmeti bastyǵynyń orynbasary (04.2018-08.2018); Quqyq qorǵaý organdary akademııasynyń prorektory (2018-2019).

Qazirgi qyzmetinde 2019 jyldyń naýryzynan.

54 jyl buryn (1966) Qyzylorda oblysy ákiminiń orynbasary Serik Júsipuly SÚLEIMENOV dúnıege keldi.

Almaty qalasynda týǵan. 1990 jyly S.M. Kırov atyndaǵy Qazaq memlekettik ýnıversıtetin «Matematıka» mamandyǵy boıynsha, 1997 jyly Ál-Farabı atyndaǵy Qazaq memlekettik ýnıversıtetin «Quqyqtaný» mamandyǵy boıynsha bitirgen.

Eńbek jolyn 1992 jyly «Qazkommertsbank» AQ-da zań qyzmetiniń bastyǵy qyzmetinen bastaǵan. 1997-2003 jyldary «Memlekettik zeınetaqy jınaqtaý qory» AQ Bas dırektory, «Temirbank» AQ Basqarma tóraǵasynyń orynbasary laýazymdarynda qyzmet atqarǵan. 2003 jyldan bastap energetıka salasynda jumys jasaǵan, «Qazaqstannyń kommýnaldyq júıeleri» AQ Prezıdenti, «Mańǵystaý elektr taratý toraptary kompanııasy» AQ Basqarma tóraǵasy, «Qyzylorda elektr taratý toraptary kompanııasy» AQ Basqarma tóraǵasy laýazymdarynda qyzmet atqarǵan. Qazaqstan Respýblıkasynyń Eńbek jáne halyqty áleýmettik qorǵaý vıtse-mınıstri qyzmetin atqarǵan, Qazaqstan Respýblıkasynyń Prezıdenti Ákimshiliginiń sarapshysy, Qazaqstan Respýblıkasynyń Premer-Mınıstri Keńsesiniń bas ınspektory bolyp jumys istegen. Qyzylorda oblysy ákiminiń orynbasary (2015-2019). Qazaqstan Respýblıkasy Energetıka mınıstrliginiń Atomdyq jáne energetıkalyq qadaǵalaý men baqylaý komıtetiniń tóraǵasy (2019-2020).

Qazirgi laýazymyn atqarýǵa 2020 jylǵy sáýir aıynda kiristi.

46 jyl buryn (1974) Qazaqstan Respýblıkasy Aqparat jáne qoǵamdyq damý mınıstri Aıda Ǵalymqyzy BALAEVA dúnıege keldi.

Almaty oblysy Jambyl aýdany Jambyl aýylynda dúnıege kelgen. 2000 jyly Abaı atyndaǵy Almaty memlekettik ýnıversıtetin «orys tili men ádebıeti pániniń muǵalimi» mamandyǵy boıynsha, 2007 jyly Qazaq ulttyq agrarlyq ýnıversıtetin «quqyqtaný» mamandyǵy boıynsha bitirgen.

Eńbek joly: 1999-2002 jyldary – Almaty oblystyq aqparat jáne qoǵamdyq kelisim basqarmasynyń jetekshi mamany, bas mamany, bólim bastyǵy. 2002-2004 jyldary – Almaty qalalyq aqparat jáne qoǵamdyq kelisim basqarmasynyń taldaý jáne qoǵamdyq-saıası úrdisterdi úılestirý bóliminiń bastyǵy. 2004 jylǵy qańtar men qyrkúıek aralyǵynda – Almaty qalasy boıynsha aqparat basqarmasynyń taldaý jáne boljaý bóliminiń bastyǵy.

2004-2005 jyldary – Almaty qalasy boıynsha aqparat basqarmasy bastyǵynyń orynbasary. 2005-2006 jyldary – Almaty qalasynyń ishki saıasat departamenti dırektorynyń orynbasary. 2006-2008 jyldary – Almaty qalasynyń ishki saıasat departamentiniń dırektory. 2008-2010 jyldary – Astana qalasynyń ishki saıasat basqarmasynyń bastyǵy. 2010-2014 jyldary – Astana qalasy ákiminiń orynbasary. 2014-2019 jyldary – Qazaqstan Respýblıkasy Prezıdenti Ákimshiliginiń ishki saıasat bóliminiń meńgerýshisi. 2019-2020 jyldary – Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi.

Qazirgi qyzmetinde 2020 jyldyń mamyrynan beri.

41 jyl buryn (1979) Eýrazııa ekonomıkalyq komıssııasy kólik jáne ınfraqurylym departamentiniń dırektory Erjan Saǵymbaıuly NURAHMETOV dúnıege kelgen.

Almatyda týǵan. Ál-Farabı atyndaǵy Qazaq memlekettik ýnıversıtetin; D.A. Qonaev atyndaǵy Gýmanıtarlyq Ýnıversıtetti bitirgen.

Eńbek joly: QR Ádilet mınıstrligi janyndaǵy Qazaqstan Respýblıkasy Zańnama ınstıtýtynyń qyzmetkeri (2002); «Qazaqstan temir joly» UK» AQ aqparattyq-taldaý ortalyǵynyń qyzmetkeri, quqyqtyq jumys basqarmasynyń qyzmetkeri, korporatıvtik jobalardy normatıvtik qamtamasyz etý basqarmasynyń qyzmetkeri, korporatıvtik damý departamentiniń qyzmetkeri, strategııalyq josparlaý jáne uıymdastyrý departamentiniń qyzmetkeri, ıntegratsııalyq saıasat departamentiniń qyzmetkeri (2003-2012); kólik jáne ınfraqurylym departamenti dırektorynyń orynbasary (2012-2013); kólik jáne ınfraqurylym departamenti dırektorynyń mindetin ýaqytsha atqarýshy (2013-2014).

Qazirgi laýazymyn 2014 jylǵy qazannan beri atqaryp keledi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT