+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

4 protsenttik avtonesıeniń artyq tólemi qandaı

2019 jylǵy 11 aqpan 14:55
Bólisińiz:
4 protsenttik avtonesıeniń artyq tólemi qandaı

ASTANA. QazAqparat - Bıyl bıýdjetten qosymsha qarajat bólinse, bankter 4 protsenttik avtonesıelerdi berýdi jalǵastyrady.

Atalǵan baǵdarlama aıasynda nesıe tek óz elimizde qurastyrylǵan kólikterge ǵana rásimdeledi. Bank qyzmetkerleri QazAqparat tilshisine ortasha somanyń avtonesıesin eseptep berdi.

Búginde avtosalondarda turǵan otandyq kólikterdiń ortasha baǵasy - 5 mıllıon teńge. Bank aldymen ótinish bergen adamnyń tólem qabilettigin tekseredi. Ol úshin tıisti qujattardy tapsyrý qajet. Barlyǵy durys bolsa, kem degende, 10 protsenttiń kóleminde alǵashqy jarnany salý kerek. Osy baǵdarlama aıasynda keıbir bankter alǵashqy jarnaǵa shekteý qoıady. Máselen, atalǵan soma kólik baǵasynyń 20 protsentinen aspaýy shart. Degenmen, 5 mıllıon teńgeniń 500 myńyn alǵashqy jarna retinde quıyp, qalǵanyn úsh jylda bólip tóleýge bolady. Ondaı nesıeniń aı saıynǵy tólemi - 132 858 teńge. Sonda úsh jyldyń ishinde bankke artyq tólengen aqshanyń kólemi 282 888 teńgeni quraıdy. Oǵan «KASKO» atty avtosaqtandyrýdy da qosý qajet. Sebebi kólikti satyp alǵan adam ony óz qaltasynan tóleıdi. Ol, shamamen, 172 500 teńge.

Avtonesıeniń merzimin uzartsa, aı saıynǵy tólem tómen bolady. Biraq bankke artyq aqshany kóptep berýge týra keledi. Sosyn saqtandyrýdyń baǵasy da joǵary. Máselen, 4 protsenttik avtonesıeniń merzimi bes jyl bolsa, aı saıyn 82 875 teńge tóleý kerek. Biraq bes jyldyń ishinde bankke 472 500 teńge artyq aqsha tólenedi. «KASKO»-nyń baǵasy - 287 500 teńge. Al avtonesıe jeti jylǵa alynsa, aı saıyn 61 510 teńgeden shyǵady. Alaıda artyq tólem 666 840 teńgege deıin barady. «KASKO»-nyń baǵasy da qymbat - 402 500 teńgege shyǵady.

Qazaqstandyq bankter klasıkalyq avtonesıelerdi de beredi. Ondaı nesıelerge sheteldik kólikterdi alýǵa bolady. Biraq jyldyq mólsherlemesi 22 protsentke deıin barady. Al artyq tólemniń kólemi nesıeniń merzimine qaraı 1,6-4,4 mıllıon teńgeni quraıdy.

Aıta keteıik, 2015 jyldan beri elimizde 4 protsenttik avtonesıe baǵdarlamasy atqarylyp keledi. Alaıda jyl saıyn ekinshi deńgeıli bankter bıýdjetten qosymsha qarjy kútip otyrady. Sonyń esebinen avtonesıeler jeńildikpen beriledi. Bankter bıyl 4 protsenttik avtonesıelerdi berýdi áli bastaǵan joq.

Al QR Ulttyq banki «7-20-25» baǵdarlamasymen avtonesıe berýdi usynyp otyr. Memleket basshysy atalǵan bastamany qoldady. Úkimettiń sońǵy otyrysynda QR Ulttyq banki tóraǵasy Danııar Aqyshev jańa baǵdarlamanyń qashan iske qosylatynyn aıtty. «7-20-25» baǵdarlamasy sııaqty biz halyqtyń otandyq avtomobıldi satyp alýyna kredıt berý baǵdarlamasyn ázirleýge daıynbyz. Bul úshin jumysty memlekettik organdar jáne banktermen birinshi jartyjyldyqta pysyqtaımyz. Baǵdarlamany ekinshi jartyjyldyqta iske qosýǵa daıynbyz», - dep atap kórsetti Danııar Aqyshev.

Bizdiń kanalymyzǵa jazylyńyz:

Basty sózder: Ónerkásip, Ekonomıka, Kólik,
Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT