+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

4 protsenttik avtonesıeni qalaı alýǵa bolady

2019 jylǵy 16 qańtar 14:29
Bólisińiz:
4 protsenttik avtonesıeni qalaı alýǵa bolady

ASTANA. QazAqparat - Qazaqstannyń avtobıznes qaýymdastyǵy 4 protsenttik nesıege kólik alýdyń sharttaryn túsindirdi, dep xabarlaıdy QazAqparat tilshisi.

Uıymnyń vıtse-prezıdenti Anar Maqashevanyń aıtýynsha, jeke tulǵalarǵa 4 protsenttik avtonesıe 2-3 jylǵa beriledi. Ony alǵashqy jarnamen de, jarnasyz da alýǵa múmkindik bar.

«Búginde osy baǵdarlama boıynsha aınalymda júrgen qarjynyń somasy 34 mıllıard teńgeni quraıdy. Ol - qaıtarymdy aqsha. Bul degenimiz, nesıe alǵan adam aı saıyn tólem jasaǵanda ol aqsha qaıtadan aınalymǵa túsedi, taǵy bir adam avtonesıe rásimdeı alady. Atalǵan baǵdarlama 20 jylǵa eseptelgen. Bul - óte tabysty bastama. Degenmen, bıyl Úkimet tarapynan qosymsha 10 mıllıard teńge bólinedi degen úmitimiz bar», - dedi A.Maqasheva QazAqparat tilshisine bergen suxbatynda.
null

Onyń sózine qaraǵanda, avtonesıege otandyq kólikter beriledi. Al nesıeniń ózin kez kelgen dılerlik ortalyqta rásimdeýge múmkindik bar.

«Qazaqstanda shamamen alty bank avtonesıe baǵdarlamasy boıynsha jumys isteıdi. Bank qyzmetkerleri salondarda otyrady. Kez kelgen adam sol jerge baryp, ózine unaǵan kólikti tańdaı alady. Odan keıin bank ókiline ótinish tapsyrý qajet. Aldymen ótinish bergen adamnyń tólemqabilettiligi tekseriledi. Sosyn kelisimshart jasalady. Biraq Qazaqstannyń damý banki de ótinishti qarastyryp shyǵýy qajet. Olar ótinish bergen adamnyń jáne kóliktiń baǵdarlama talaptaryna saı ma, joq pa, sonyń bárin jan-jaqty tekseredi. Barlyǵy durys bolsa, 4 protsenttik avtonesıe rásimdeledi. Máselen, jańa kóliktiń baǵasy 5 mıllıon teńge deıikshi, alǵashqy jarnanyń somasy 10 protsent bolsa, 5 jyldyń ishinde artyq tólengen aqshanyń kólemi tek 150 myń teńgeni quraıtyn bolady», - dep atap kórsetti A.Makasheva.
null

Aıta ketken jón, atalǵan baǵdarlama boıynsha nesıeniń jyldyq mólsherlemesi 4 protsentti qurasa, tıimdi stavkanyń deńgeıi 7 protsentke deıin barady. Sebebi saqtandyrýdyń «KASKO» atty túrin alý qajet. Jol-kólik apaty bolsa, avtomobıldiń tolyq aqshasyn alyp shyǵýǵa múmkindik bar.

Bizdiń kanalymyzǵa jazylyńyz:

Basty sózder: Kólik,
Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT