+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

4 protsenttik avtonesıeler qashan beriledi

2019 jylǵy 11 aqpan 13:07
Bólisińiz:
 4 protsenttik avtonesıeler qashan beriledi

ASTANA. QazAqparat - 2015 jyldan beri elimizde 4 protsenttik avtonesıe baǵdarlamasy atqarylyp keledi. Alaıda jyl saıyn ekinshi deńgeıli bankter bıýdjetten qosymsha qarjy kútip otyrady. Sonyń esebinen avtonesıeler jeńildikpen beriledi. QazAqparat tilshisi birneshe avtosalonǵa xabarlasyp, mán-jaıdy anyqtap kórdi.

Astanadaǵy "Bıpek-Avto" salonynyń menedjerleri bıyl 4 protsenttik avtonesıelerdi berýdi áli bastamaǵanyn jetkizdi. Olardyń aıtýynsha, atalǵan baǵdarlama boıynsha qosymsha qarajat bólinýi kerek. Sol kezde avtonesıelerdi berýge bolady. "Iá, biz qarjylandyrýdy kútip otyrmyz. Qashan beriletini belgisiz. Biraq qosymsha aqsha túskenniń ózinde bir aıdan bir jylǵa deıin kútýge týra keledi. Sebebi bizde biraz ótinishter jınalyp qaldy, kezekte turǵan adamdar kóp. Sosyn 10 protsentten bastalatyn alǵashqy jarnany quıý qajet", - deıdi mamandar.

"Allıýr Avto" salonynda otyrǵan bank qyzmetkerleri de atalǵan aqparatty rastady. Menedjerdiń sózine qaraǵanda, qosymsha qarajat naýryz-sáýir aılarynda túsip qalýy múmkin. Sonda 4 protsenttik avtonesıelerdi berý sharalary bastalady. "Endi, byltyr qosymsha qarajat naýryz-sáýir aılarynda bólingen edi. Bıyl da solaı bolatyn shyǵar. Biraq byltyr aqsha tez taýsylyp qaldy. Sebebi 2017 jyly 4 protsenttik avtonesıeler berilgen joq. Sodan adamnyń kezegi kóp boldy da, qosymsha qarjy jyldam taralyp bitti. Osy jyly qalaı bolatyny belgisiz. Biraq 10 protsenttik alǵashqy jarnany salyp, ótinishti berip ketseńiz bolady. Bálkim, bıyl iligip qalarsyz", - dedi bank qyzmetkerleri.

Buǵan deıin QazAqparat tilshisine suxbat bergen Qazaqstannyń avtobıznes qaýymdastyǵynyń basshylyǵy da 4 protsenttik avtonesıe baǵdarlamasyna qosymsha qarajattyń qajettigin jetkizdi. Uıymnyń vıtse-prezıdenti Anar Maqashevanyń aıtýynsha, jeke tulǵalarǵa 4 protsenttik avtonesıe 2-3 jylǵa beriledi. Ony alǵashqy jarnamen de, jarnasyz da alýǵa múmkindik bar. «Búginde osy baǵdarlama boıynsha aınalymda júrgen qarjynyń somasy 34 mıllıard teńgeni quraıdy. Ol - qaıtarymdy aqsha. Bul degenimiz, nesıe alǵan adam aı saıyn tólem jasaǵanda ol aqsha qaıtadan aınalymǵa túsedi, taǵy bir adam avtonesıe rásimdeı alady. Atalǵan baǵdarlama 20 jylǵa eseptelgen. Bul - óte tabysty bastama. Degenmen, bıyl Úkimet tarapynan qosymsha 10 mıllıard teńge bólinedi degen úmitimiz bar», - dedi A.Maqasheva.

Aıta keteıik, jaqynda QR Prezıdenti Nursultan Nazarbaevtyń tóraǵalyǵymen ótken Úkimettiń keńeıtilgen májilisinde Ulttyq bank "7-20-25" baǵdaralaasymen avtonesıe berýdi usyndy. Memleket basshysy atalǵan bastamany qoldady. Úkimettiń sońǵy otyrysynda QR Ulttyq banki tóraǵasy Danııar Aqyshev jańa baǵdarlamanyń qashan iske qosylatynyn aıtty. «7-20-25» baǵdarlamasy sııaqty biz halyqtyń otandyq avtomobıldi satyp alýyna kredıt berý baǵdarlamasyn ázirleýge daıynbyz. Bul úshin jumysty memlekettik organdar jáne banktermen birinshi jartyjyldyqta pysyqtaımyz. Baǵdarlamany ekinshi jartyjyldyqta iske qosýǵa daıynbyz», - dep atap kórsetti Danııar Aqyshev.

Bizdiń kanalymyzǵa jazylyńyz:

Basty sózder: Ekonomıka, Qoǵam, Kólik,
Bólisińiz:

Avtor:

Arman Asqarov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT