4 paıyzdyq avtonesıeni beretin 4 bank anyqtaldy
2022 jylǵy 16 mamyr 11:20

4 paıyzdyq avtonesıeni beretin 4 bank anyqtaldy

NUR-SULTAN. QazAqparat – «Ónerkásipti damytý qory» aktsıonerlik qoǵamynyń basqarýshy dırektory Ǵalymjan Ádı jeńildetilgen avtonesıeni bir adam neshe ret alýǵa quqyly ekenin túsindirdi, dep habarlaıdy QazAqparat tilshisi.

«Jeńildetilgen atonesıeniń syıaqy mólsheri – 4 paıyz, qarjylandyrý merzimi 7 jyldan aspaıdy. Nesıe kólemi 10 mln teńge bolady, ıaǵnı Qazaqstanda shyǵarylǵan kóliktiń quny 15 mln teńgeden aspaýy kerek. Bul baǵdarlama boıynsha bastapqy jarna kózdelmegen. Degenmen, avtokóliktiń quny 10 mln teńgeden asatyn bolsa, nesıege ótinish bildirýshi azamat jetispeıtin aqshany óz qarajaty esebinen toltyrady», - dedi aktsıonerlik qoǵam ókili osy másele boıynsha ótip jatqan brıfıng barysynda.

Onyń málimeti boıynsha, qazir osy baǵdarlamaǵa qatysatyn 4 bank tańdap alynǵan. Olar: «Halyq bank», «Bank TsentrKredıt», «Forte bank» jáne Eýrazııalyq bank».

«Bulardyń qatary áli de keńeıýi múmkin. Qazir ónerkásipti damytý qory basqa bankterdiń de ótinishterin qarastyryp jatyr. Ol ótinishter maquldansa, bankter sany kóbeıedi.

Bul baǵdarlamanyń ereksheligi bar. Neǵurlym kóp adam alý úshin bir azamat mundaı nesıeni 2 jylda bir-aq ret ala alady», - dedi Ǵalymjan Ádı.

Aıta keteıik, búgin Qazaqstanda 4 paıyzdyq jeńildetilgen avtonesıe berý bastaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT