4 paıyzdyq avtonesıege ótinim qabyldaý 14:00-de bastalady
2022 jylǵy 16 mamyr 12:18

4 paıyzdyq avtonesıege ótinim qabyldaý 14:00-de bastalady

NUR-SULTAN. QazAqparat – 4 paıyzdyq avtonesıege ótinim qabyldaý búgin saǵat 14:00-de bastalady, dep habarlaıdy QazAqparat tilshisi.

Bul jaıynda atalǵan máselege arnalǵan brıfıng barysynda belgili boldy. BAQ ókilderi eldegi avtosalondarda 4 paıyzdyq nesıe alý úshin kelgen adamdardyń uzynsonar kezegi qalyptasqanyn aıtyp, nege ótinimder qabyldanbaı jatqanyn surady.

«Ótinimderdi qabyldaý búgin saǵat 14:00-de bastalady. Birinshi bolyp «Tsentr Kredıt» banki qabyldap bastaıdy. Qazirgi tańda 4 bank maquldaýdan ótkenin aıttyq. Qazir korporatıvtik protsedýralar ótip jatyr. Kelisimsharttardyń maquldaýdan ótkenine qaraı biz nesıeniń aqshasyn bankterge beremiz. Basqa birneshe banktiń ótinishi qaralyp jatyr. Qosymsha bankter qosylyp jatsa, habarlaımyz, aqparatyn saıtqa jarııalaımyz. ıAǵnı baǵdarlama bastaý aldy, kúndizgi saǵat 14.00-de «Tsentr Kredıt» banki ótinim qabyldap bastaıdy», - dedi «Ónerkásipti damytý qory» akıtsonerlik qoǵamynyń basqarma tóraǵasynyń orynbasary Rınat Gapparov.

Al «Tsentr Kredıt» bankiniń ókili Gúljahan Hamıtovanyń aıtýynsha, qazirge bank bólimsheleriniń esigin kúzetýdiń qajeti joq.

«Búgin saǵat 14.00-de tek avtosalondarǵa júginýlerińizdi suraımyn. Ol avtosalondarda bank qyzmetshileri bar. Ótinimdi solar qabyldaıdy. Bank bólimshelerinde ótinim qabyldanbaıdy», - dedi bank ókili.

Al «Forte banktiń» 4 paıyzdyq avtonesıe boıynsha ótinim qashan qabyldaı bastaıtyny ázirge belgisiz.

«Jýyq arada qabyldaı bastaımyz dep úmittenemin. Resmı málimet bank saıtynda jarııalanady. Biz ótinimderdi bank bólimshelerinde qabyldaımyz», - dedi bank ókili.

Aıta keteıik, búgin Qazaqstanda 4 paıyzdyq jeńildetilgen avtonesıe berý bastaldy .


Seriktester jańalyqtary

Jańalyqtar

Úrdis

MURAǴAT