+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

4 myńǵa jýyq kólik qar qursaýynan shyǵaryldy

2020 jylǵy 25 aqpan 21:01
Bólisińiz:
4 myńǵa jýyq kólik qar qursaýynan shyǵaryldy

NUR-SULTAN. QazAqparat - «Qazaqavtojol» JShS «Nur-Sultan – Ereımentaý – Shiderti» baǵyty boıynsha baspasóz-týryn ótkizdi, dep habarlaıdy QazAqparat.

«Qazir «Nur-Sultan – Ereımentaý – Shiderti» baǵytyndaǵy joldamyz. Biz qardy tazalap, kólikter júretin joldy tazalaımyz. Bıyl bir apta ishinde jaýǵan qar mólsheri bir aıda jaýatyn qar mólsherimen birdeı boldy jáne onyń sońy boranǵa, qolaısyz aýa raıyna ulasty. Biz qardy polıgonǵa tasý arqyly tazaladyq. 5 shanaqty burǵylaý mashınasy, 2 avtogreıder, 6 quramaly jol mashınasy, sondaı-aq 2 býldozer jumysqa jumyldyryldy. Býldozer qoldaný arqyly basqa da aımaqtardaǵy joldyń qaryn tazalaımyz. Bizde 1089 qysqy tehnıka bar. Respýblıka boıynsha kún saıyn 800-ge jýyq tehnıka, 2500 jumysshy jumyldyryldy», - deıdi «Qazaqavtojol» JShS bas dırektorynyń orynbasary Nurlan Smaılov.

Jumys barysynda jolda qalǵan kólik ıelerine kómek kórsetilgen. Qańtar aıynda 4000-ǵa jýyq kólik qar qursaýynan qutqarylǵan.

«Osy uıymda shanaqty burǵylaýy bar qar tazalaǵysh mashınamen jumys istep júrgenime 10 jyl boldy. Aýysymmen jumys isteımiz. Tamaǵymyzdy osy jerge ákelip beredi. Qazirgi ýaqytta «kóship-qonyp» júrmiz, sol sebepti kólik ishine qonyp, 12 saǵattan jumys istımiz. Býldozer qardy kúrese, biz tazalap otyramyz», - deıdi «Qazaqavtojol» JShS qyzmetkeri Beıbit Jumaǵulov.

Sondaı-aq, baspasóz-týrynda tilshiler jol boıyna jaqyn aýyldarǵa bardy. Aýyl turǵyndary jol qyzmetkerlerine alǵys aıtty.

«Mundaı qys kórmegeli kóp jyl boldy. Boran men jeldi kúnderi joldy qardan tazalap otyrǵandary úshin «Qazavtojolǵa» alǵys aıtqym keledi. Bizdiń balalarymyz, nemerelerimiz mektepke osy jolmen barady. Olar qar tazalap úlgermese de, osy jerde kezekshi tehnıka turady. Olar aldymen jol ashady, sodan keıin baryp júretin jerdi keńeıtedi», - deıdi Qoıandy aýlyynń turǵyny Kerimhan Kenjebaev.


Bizdiń kanalymyzǵa jazylyńyz:

Basty sózder: Qoǵam, Aýa raıy, Kólik,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT