+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

4 bala qaıtys bolǵan Aıagózdegi áleýmettik ortalyqqa jańa basshy keldi

2020 jylǵy 2 shilde 20:11
Bólisińiz:
4 bala qaıtys bolǵan Aıagózdegi áleýmettik ortalyqqa jańa basshy keldi

AıAGÓZ. QazAqparat – Shyǵys Qazaqstan oblysynyń Aıagóz qalasyndaǵy Balalar arnaıy áleýmettik kómek kórsetý ortalyǵyna jańa dırektor taǵaıyndaldy, dep habarlaıdy QazAqparat tilshisi.

ShQO aqparattyq ortalyǵynyń málimetinshe, bul qyzmetke Sholpan Maqasheva taǵaıyndalǵan. Ol buryn Shyǵys Qazaqstan oblysynyń bas pedıatry qyzmetin atqarǵan.

Sholpan Ermekqyzy 1999 jyly Semeı memlekettik medıtsınalyq akademııasyn «pedıatrııa» mamandyǵy boıynsha bitirgen. 2019 jyly ál-Farabı atyndaǵy Qazaq ulttyq ýnıversıtetinde bilim alǵan. Ekonomıka jáne bıznes magıstri dárejesine ıe. 1999 jyly «Jalpy praktıka dárigeri» mamandyǵy boıynsha ınternatýrany aıaqtaǵan. 2001 jyldan 2007 jylǵa deıin Semeı polıtehnıkalyq kolledjinde jasóspirimder dárigeri bolyp jumys istegen. 2007 jyldan bastap 2017 jylǵa deıin Úrjar aýdanynyń aýdanaralyq aýrýhanasynda pedıatr, balalar bóliminiń meńgerýshisi jáne neonatolog boldy.

«Osydan keıin ol Óskemendegi Ana men bala ortalyǵy basshysynyń orynbasary, sonymen birge oblystyń bas pedıatry bolyp jumys istedi. Sonymen qatar osy ýaqyt aralyǵynda Sholpan Ermekqyzy Túrkııadaǵy MEMORIAL klınıkasynda balalardaǵy kıstozdy fıbrozdy dıagnostıkalaý jáne emdeý, Londondaǵy pedıatrlyq qyzmetti basqarý, shala týǵan sábılerdi emizý, nevrologııalyq aýrýlardy dıagnostıkalaý jáne emdeý isin zerttegen», - delingen aqparattyq ortalyqtyń habarlamasynda.

Ortalyqtyń burynǵy dırektory Nurlan Qantaev tártiptik jaýapkershilikke tartylǵannan keıin qyzmetinen bosatyldy. Sondaı-aq osyǵan deıin mindetin tıisinshe oryndamaǵany úshin ortalyqtyń medıtsınalyq bóliminiń basshysy jumysynan ketti. Sondaı-aq, ortalyqtyń birneshe jaýapty qyzmetkeri tártiptik jazaǵa tartyldy.

Eske salaıyq, Aıagózdegi áleýmettik kómek ortalyǵynda 4 bala kóz jumǵan bolatyn.

QR Іshki ister mınıstrligi istiń tergelýin óz baqylaýyna aldy. Osy oqıǵadan keıin QR Eńbek jáne halyqty áleýmettik qorǵaý mınıstrligi elimizdiń ár óńirinde ornalasqan medıtsınalyq-áleýmettik kómek kórsetetin 113 mekemege tekserý júrgiziletinin málim etti. Onyń ishinde Aıagózdegi balalarǵa arnalǵan arnaıy áleýmettik kómek ortalyǵy bar.

Keıin vedomstvoaralyq komıssııa otyrysynda Qazaqstandaǵy adam quqyqtary jónindegi ýákil Elvıra Ázimova ortalyqtaǵy kóptegen kemshilikti atady.

Sondaı-aq komıssııa 4 balanyń ólimi qyzylshadan bolmaǵanyn anyqtady. Ólimge ártúrli týa bitken aýrýlardyń bir aı ishinde asqynyp ketýi sebep bolǵan.

Al QR Bilim jáne ǵylym mınıstri Ashat Aımaǵambetov mekemeni Aıagózden Óskemenge kóshirý usynysy týraly aıtty.




Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT