39 jastaǵy SQO turǵyny tórt kúnnen beri tabylmaı jatyr
2021 jylǵy 19 qarasha 22:03

39 jastaǵy SQO turǵyny tórt kúnnen beri tabylmaı jatyr

PETROPAVL. QazAqparat – Soltústik Qazaqstan oblysynda volonterler 39 jastaǵy er adamǵa izdeý jarııalady, dep habarlaıdy QazAqparat tilshisi.

Anton Regner Petropavl turǵyny. 1982 jyly dúnıege kelgen. Er adamdy sońǵy ret 15 qarasha kúni «Nur-Sultan-1» temirjol vokzalynda kórgen eken. Sodan keıin túsiniksiz jaǵdaıda odan habar úzilgen.

Óńir volonterleri Anton Regnerge izdeý jarııalady, alaıda ázirge nátıje joq. Aıtýlarynsha, er adam aryqsha kelgen, sarǵylt shashty, kók kózdi, muryny synǵan, ıeginde bet shuńqyry bar.

Sol kúni ústinde qara bas kıim, qara bylǵary kúrteshe, sport shalbary jáne krossovkı bolǵan. Ózimen birge jeke kýáligi jáne telefony bolýy tıis.

Joǵalǵan adam jaıynda qandaı da bir málimet bolǵan jaǵdaıda 8 777 307 99 65, 7 926 626 64 33 nemese 102 nómirine habarlasýǵa bolady.


Jańalyqtar

MURAǴAT