+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

30 naýryzdan jumysy shektelmeıtin elordadaǵy kásiporyndarǵa qoıylatyn talaptar

2020 jylǵy 29 naýryz 20:16
Bólisińiz:
30 naýryzdan jumysy shektelmeıtin elordadaǵy kásiporyndarǵa qoıylatyn talaptar

NUR-SULTAN. QazAqparat – Elordada 30 naýryz saǵat 00:00-den bastap, 6 sáýir saǵat 00:00-ge deıin azyq-túlik, medıtsınalyq saýda logıstıkalyq ortalyqtary, azyq-túlik satatyn saýda nysandary, azyq-túlik taýarlary dıstrıbıýtorlary, qalanyń tirshilik áreketin qamtamasyz etetin uıymdardan basqa (kommýnaldyq, baılanys qyzmetteri) qaladaǵy barlyq kásiporyndar jumysyn toqtatady.

Al jumys isteýine shekteý qoıylmaǵan kásiporyndar kelesi talaptardy saqtaýy tıis:

1. Ár saǵat saıyn dezınfektsııa júrgizý jáne sanıtarlyq sharalardy kúsheıtý(kireberiske qyzmetkerlerge arnalǵan sanıtaızer ornatý, arasy 2m kem emes qashyqtyqta jumys oryndaryn qamtamasyz etý);

2. Jumysqa meılinshe az qyzmetkerlerdi tartý;

3. Kásiporyn qyzmetkerlerine sanıtarlyq sharalar saqtalǵan ortalyqtandyrylǵan jetkizý-tasymaldaýdy uıymdastyrý. Jumys isteýge ruqsat etilgen qyzmet túrleri tizimine enbegen barlyq uıymdar men kásiporyndar kúndelikti jumys rejımin ýaqytsha toqtatýy tıis, olar jumystaryn qashyqtyqtan onlaın rejımde atqara alady. Ruqsat etilgen qyzmet túrleriniń tizimi:

1) densaýlyq saqtaý júıesi:

-aýrýhanalar;

-dárihanalar;

-zerthanalyq qyzmetter;

-veterınarlyq jáne mal sharýashylyǵynyń jedel járdem qyzmeti;

-shuǵyl stomatologııalyq qyzmet úshin stomatologııa qyzmeti;

2) qalalyq ınfraqurylym men kommýnaldyq qyzmetter:

-elektoenergetıkalyq kompanııalar;

-sý jáne jylýmen qamtamasyz etýshi kompanııalar;

-órtke qarsy jáne apattyq qutqarý qyzmeti;

-turǵyn úı qoryn basqarý salasyndaǵy qyzmetter (elektrık, santehnık, aýla jáne úı-jaılardy tazalaý, jedelsaty qyzmetin qosqanda avarııalyq qyzmet);

-kósheler men úı-jaılardy tazalaý;

-qaldyqtar men qoqystardy jınaý, óńdeý jáne joıý;

-zalalsyzdandyrý;

-jol qozǵalysyn qadaǵalaýdaǵy tehnıkalyq tetikterdiń qyzmetin qamtamasyz etetin uıymdar;

-telekommýnıkatsııa jáne baılanys;

-mamandandyrylǵan kólik quraldary men taksı qyzmeti;

-poshta, kýrer qyzmeti;

-Nur-Sultan qalasy boıynsha «Azamattarǵa arnalǵan úkimet» Memlekettik korporatsııasy« UAQ, «Qalalyq baqylaý jáne jedel áreket etý ortalyǵy« ShJQ MQK fılıaldarynyń baılanys ortalyqtary;

3) Jumys rejımin qurylys aýmaǵynan shyqpaı isteýge múmkindik beretin, qurylys aýmaǵynda jumysshylarǵa arnalǵan jataqhanasy bar qurylys kompanııalarynyń qyzmeti;

4) azyq-túlik pen eń qajetti taýarlar satatyn saýda jelileri, sýpermarketter, azyq-túlik dúkenderi men azyq-túlik bazarlary (jumys ýaqyty 10:00-nan 20:00-ǵa deıin belgilengen kópqabatty úılerde ornalasqan azyq-túlik dúkenderin qospaǵanda, iri jáne orta saýda nysandary qyzmetkerleriniń ortalyqtandyrylǵan barys-kelisi men sanıtarlyq normalardyń kúsheıtilýin qamtamasyz etken jaǵdaıda shtattyq rejımde jumys isteýin jalǵastyrady);

5) óńdeý ónerkásibi (azyq-túlik ónimderine arnalǵan orama, sýsyn óndirisin qosqanda azyq-túlik ónerkásip kásiporyndary, hımııalyq jáne medıtsınalyq ónerkásip (hımreagentter, dáriler, medıtsınalyq qural-saımandar));

6) Kúzet uıymdary men kásiporyndardyń menshikti kúzet qyzmeti; 7) Avtokólikterge janarmaı jáne gaz quıý stantsııalary;

8) Ózge de mańyzdy qyzmetter: -azyq-túlik, dári-dármek pen medıtsınalyq buıymdar, sondaı-aq asa qajet taýarlardy jetkizý qyzmeti (jumys ýaqytyn anyqtaý jáne tasymaldaýshylar úshin qala ishinde júrip-turýǵa saǵat 9:00-dan 20:00-ge deıin ruqsat etý).

-nysan aýmaǵynan shyqpaı jumys rejımin qamtamasyz etetin qonaq úıler men hostelder;

- qyzmetkerlerine ortalyqtandyrylǵan barys-kelis pen sanıtarlyq normalardyń kúsheıtilýin qamtamasyz etken saýda-logıstıkalyq ortalyqtar, qoımalar, azyq-túlikti ónimderiniń, dári ónimderi men medıtsınalyq buıymdardyń dıstrıbýtsııasy;

-bank qyzmeti (karantın kezinde ınkassatorlarǵa qala ishinde júrip-turýǵa ruqsat etý, jumys ýaqyty 10:00-den 16:00-ge deıin shektelgen bas keńseniń jumysyn qospaǵanda, barlyq ekinshi deńgeıli bank bólimsheleri men fılıaldaryn jabý).

9) Birinshi basshylarynyń sheshimi boıynsha memlekettik basqarýdyń úzdiksiz qyzmetin qamtamasyz etetin memlekettik organdar men olardyń vedomstvoǵa qarasty uıymdary. Qala ishinde adamdar nemese adamdary bar kólikter júrip-turǵan jaǵdaıda ózderimen birge ruqsat etilgen uıymdarda jumys isteıtinin rastaıtyn qujattary - jumys berýshiniń móri basylǵan anyqtama, kólikter úshin baratyn jeri kórsetilgen (jetkizý meken-jaıy) jol paraǵy bolýy tıis. Kórsetilgen qujattarsyz adamdar men kólikterdiń qozǵalysyna ruqsat etilmeıdi.


Bizdiń kanalymyzǵa jazylyńyz:

Basty sózder: Nur-Sultan, Ákimdik, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT