+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

30 naýryzdan 5 sáýirge deıin Nur-Sultanda avtobýstar júrmeıdi

2020 jylǵy 28 naýryz 00:00
Bólisińiz:
30 naýryzdan 5 sáýirge deıin Nur-Sultanda avtobýstar júrmeıdi

NUR-SULTAN. QazAqparat - Nur-Sultan qalasynyń ákimi Altaı Kólginov turǵyndarǵa úndeý joldady, dep habarlaıdy QazAqparat.

«Qurmetti qala turǵyndary! Ózderińiz biletindeı, koronavırýs tez tarap, aýyrǵan adamdardyń sany artyp keledi. Ókinishke qaraı, adam shyǵyny da bar. Іndet kesirinen qaza bolǵan kisiniń otbasyna kóńil aıtamyz. Dárigerler qolynan kelgenniń bárin jasady. Bul oqıǵa ınfektsııanyń qanshalyqty qaýipti ekenin taǵy bir ret kórsetti. Birinshiden, ol aýrýhanany qazir karantınge japtyq, keıbir dárigerler de karantınge jatty. Taǵy bir karantınge jabylǵan nysan – №1 avtobýs parki. Monıtorıng barysynda atalǵan mekemeniń jumysshysy vırýs juqtyrǵany anyqtaldy. Qala turǵyndarynyń qaýipsizdigi úshin avtopark jumysshylary teskerýden ótedi. Mekeme aýmaǵyna jáne avtobýstarǵa dezınfektsııa jumystaryn júrgizdik. Biz bul qaýipti tártip pen qatań sharalarsyz eńsere almaımyz», - deıdi elorda ákimi.

Shahar basshysynyń sózine sensek, 30 naýryz ben 5 sáýir aralyǵynda qoǵamdyq kólik toqtaıdy. Avtopark jumysshylarynyń densaýlyǵy tekseriledi.

«Baıqaǵanymyz, mereke kúnderinen keıin kóshedegi halyqtyń qarasy kóbeıdi. Azamattardyń oqshaýlanýyn qamtamasyz etý maqsatynda memlekettik komıssııanyń sheshimimen 30 naýryz ben 5 sáýir aralyǵy jumyssyz apta bolyp jarııalandy. Medıtsına, quqyq qorǵaý jáne qala ómirin qamtamasyz etetin kommýnaldyq sharýashylyq qyzmetkerleri jumysyn jalǵastyra beredi. Infektsııamen kúrestiń aldyńǵy shebinde júrgenderdi tasymaldaý úshin kólik uıymdastyrýǵa kómektesemiz. Úshinshiden, azyq-túlik alýǵa, dárihanalarǵa barýǵa, medıtsınalyq qyzmet alýǵa jáne ruqsat etilgenderge jumysqa barýǵa ǵana ruqsat etiledi. Basqanyń bári shekteledi, úıden shyǵýǵa bolmaıdy. Bir aıta ketetini, bul endi jaı ǵana ótinish emes, árbir adam qatań saqtaýy tıis Tótenshe jaǵdaıdyń tártibi. Endi qala kóshelerin patrýldik qyzmet qadaǵalaıdy. Áldekimniń jaýapsyzdyǵy basqa adamdardyń ómirine qaýip bolmaýy tıis!», - dep eskertedi Altaı Kólginov.

Onyń aıtýynsha, 25 naýryzdan bastap zeınetkerlerdiń, dıspanserlik esepte turǵan azamattardyń úılerine dári-dármek, qorǵanys quraldaryn jáne azyq-túlikti tasymaldaý jumysy júrgizilýde. Ótinish iKomek 109 qyzmeti arqyly qabyldanyp jatyr.

«Azyq-túlik dúkenderi jumys isteı beredi. Kámelet jasyna tolmaǵan balalardyń úlken adamdarsyz kóshede júrýine tyıym salynady. 6 sáýirden bastap oqýshylardy onlaın formatpen oqýǵa kóshiremiz. Saıabaqtar, skverler, jaǵalaýlar, kóshedegi balalar oınaıtyn alańdar, taǵy basqa qoǵamdyq oryndardyń barlyǵy jabyq. Qurmetti qala turǵyndary!Qoǵamdyq tártipti saqtaý – árqaısymyzdyń azamattyq paryzymyz! Temirdeı tártipten basqa jol joq. Jaqyndaryńyzdyń jany qınalǵanyn kútpeńizder. Qazirden bastap qamdanǵan jón», - dep túıindedi sózin shahar basshysy.





Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT