+7 (701) 759 90 19
USD 402.37 EUR 449.81
RUB 5.86 CNY 56.67
Jańalyqtar

30 naýryz. QazAqparat kúntizbesi

2020 jylǵy 30 naýryz 07:00
Bólisińiz:
30 naýryz. QazAqparat kúntizbesi

NUR-CULTAN. QazAqparat - QazAqparat oqyrmandar nazaryna 2020 jylǵy 30 naýryzǵa arnalǵan kúntizbeni usynady.

ATAÝLY KÚNDER

ESTE QALAR OQIǴALAR

1992 jylyQazaqstan Respýblıkasy men Sıngapýr Respýblıkasy arasynda dıplomatııalyq qarym-qatynastar ornatylǵany týraly notalar almasý rásimi boldy.

1993 jyly Italııanyń «Ekos» jýrnaly Qazaqstanǵa arnalǵan sanyn shyǵardy. Basylym qazaq, orys, ıtalıan, aǵylshyn tilderinde jaryq kórdi. Onda Qazaqstan Prezıdenti N.Nazarbaevtyń suhbaty berilgen.

2001 jyly «Qazaqstan Respýblıkasy Prezıdentiniń «Bolashaq» Halyqaralyq stıpendııasy stıpendıattarynyń Qaýymdastyǵy» quryldy. Qaýymdastyqtyń negizgi mindetteriniń biri - Áleýmettik-ekonomıkalyq máselelerdi sheshý úshin túlekterdiń kúsh-jigerin, zııatkerligin, shyǵarmashylyǵyn jáne iskerlik áleýetin biriktirý, Qazaqstan Respýblıkasynyń ekonomıkalyq, álýmettik jáne saıası progresine múmkindik beretin jasampazdyq is-sharalardy ótkizý. «Bolashaqtyqtardyń» quqyqtary men qyzyǵýshylyqtaryn qorǵaýǵa, birtutas shańyraqqa biriktirip uıymdastyrýdy Qaýymdastyq ózine jaýapkershilikke aldy.

2006 jyly Qazaqstanda Halyqaralyq jazýshylar men pýblıtsıster qaýymdastyǵynyń resmı ókildigi ashyldy. Halyqaralyq qaýymdastyqtyń elimizdegi ókildigi Almatyda oryn tepti. Álemniń 35 memleketinde 4 jyldan beri tyńǵylyqty jumystar atqaryp kele jatqan qaýymdastyq bizdiń aqyn-jazýshylarymyzdy, pýblıtsıst-jýrnalısterimizdi sol elderge tanytý maqsatynda jumystar atqaratyn bolady. Qaýymdastyqtyń shtab-páteri Londonda, Ortalyq Eýropa bıýrosy Pragada, baspa ortalyǵy men basqarma orny Rıgada ornalasqan.

2010 jyly Islam Konferentsııasy Uıymynyń janynan Qazaqstannyń Turaqty ókildigi ashyldy.

2011 jyly Almatyda Qazaqstan jáne Ortalyq Azııadaǵy «Tennis.kz» Halyqaralyq tennıs akademııasynyń saltanatty túrde ashylýy ótti.

Qazaqstandyq jańa býyn tennısshilerine Ortalyq Azııa men TMD elderindegi eń úzdik keshen usynyldy. Munda jeti jabyq jáne jeti ashyq kort, aerobıka, gımnastıka, fıtnes-zaldary, sporttyq bar, saýna, atalmysh sportpen aınalysýǵa qajetti zattar satatyn arnaıy dúken, massaj kabınetteri bar.

2011 jyly Qazaqstan Respýblıkasynyń Ulttyq banki «Tuńǵysh ǵaryshker» monetasyn aınalysqa shyǵardy. Nomınaly – 500 teńge.

Bıkolorly (qurama) monetanyń pishini sheńber tárizdes, kontsentratsııaly túrde ornalasqan saqına jáne dıskiden turady. Monetanyń ishki dıski kúmisten, syrtqy saqınasy tantaldan jasalǵan.

Massasy 40,7 gramma (massasy 24 gramm tantaldan saqına, dıskisi 925/1000 synamdy kúmisten, massasy 16,7 gramm) dıametri – 38,61mm., «rroof» sapasymen jasalǵan, taralymy – 5 myń dana.

2012 jyly Sh.Aımanov atyndaǵy kınostýdııa túsirgen «Ánshi bala» fılmi Gollıvýdta ótken International Family Film Festival atty halyqaralyq festıvalde «Úzdik shetel dramasy» atalymynda syılyq aldy.

«Ánshi bala» - jazda ata-anasy aýylǵa aparǵan qalalyq bala týraly hıkaıa.

2013 jyly Qazaqstan Respýblıkasy Prezıdenti janyndaǵy Memlekettik basqarý akademııasy Amerıka memlekettik basqarý qoǵamynyń (ASPA - American Society for Public Administration) tolyq múshesi boldy.

2017 jyly Norvegııa Koroldiginiń Qazaqstandaǵy qurmetti konsýldyǵynyń ashylý rásimi boldy.

2018 jyly Brazılııa qalasyndaǵy EBC shtab-páterinde «QazAqparat» halyqaralyq aqparat agenttigi EBC medıaholdıngimen yntymaqtastyq týraly memorandýmǵa qol qoıdy. Memorandým Qazaqstan men Brazılııa jetekshi BAQ ókilderi arasynda ózara baılanysty nyǵaıtý jáne aqparat almasý, memleket basshylary men resmı delegattardyń is-saparlaryna, basqa da Qazaqstan Respýblıkasy men Brazılııa Federatıvtik Respýblıkasy aýmaǵynda ótkiziletin memleketaralyq sharalarǵa aqparattyq qoldaýdy qamtamasyz etý jáne uıymdastyrý maqsattaryn kózdeıdi.

2019 jyly 120 qazaqstandyq áskerı qyzmetker BUU-nyń «Álemge qyzmeti úshin» medaldarimen marapattaldy. Nagradalardy saltanatty tabystaý rásimi BUU-nyń Lıvandaǵy beketinde ótti. Oǵan 600-den astam adam, sonyń ishinde 30 eldiń Elshileri men áskerı attasheleri, «Shyǵys» sektory bólimsheleriniń komandırleri qatysty.


Bizdiń kanalymyzǵa jazylyńyz:

Basty sózder: Qoǵam,
Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT