+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

30 myńnan astam qazaqstandyqtyń Telegram-akkaýnttaǵy jeke derekteri jelige tarap ketti

2021 jylǵy 21 shilde 20:42
Bólisińiz:
30 myńnan astam qazaqstandyqtyń Telegram-akkaýnttaǵy jeke derekteri jelige tarap ketti

NUR-SULTAN. QazAqparat – Qazaqstandyq qoldanýshylardyń 30 myńnan astam Telegram-akkaýntynyń jeke derekteri jelige tarap ketti, dep habarlaıdy QazAqparat Memlekettik tehnıkalyq qyzmetke silteme jasap.

«Memlekettik tehnıkalyq qyzmet» AQ KZ-CERT Kompıýterlik ıntsıdentterge áreket etý qyzmeti Internettiń qazaqstandyq segmentine monıtorıng jasaý barysynda Telegram-akkaýnttardyń birinen Telegram messendjerin qoldanýshylardyń jeke derekteri týraly 744 myń jazba jınaqtalǵan faıldy tapty.

Taldaý barysynda faılda qoldanýshynyń ID-i, aty, tegi, telefon nómiri jáne «ózim týraly» baǵanyndaǵy qoldanýshynyń jazbasy syndy jeke derekter bar ekeni anyqtaldy. Onyń ishinde 30 myń akkaýnt qazaqstandyq telefon nómirlerine tirkelgen bolyp shyqty», - dep málim etti «Memlekettik tehnıkalyq qyzmet» AQ KZ-CERT baspasóz qyzmeti.

Faıl tabylǵan Telegram-kanaldyń avtory ony «Glaz Boga» TMD-daǵy iri servısiniń (1 mln-nan astam qoldanýshy) klıentter bazasy dep bergen. Ol áleýmettik jeli, messendjerler, izdeý júıeleri men basqa derekkózder negizinde jınalǵan qoldanýshylardyń jeke derekterin suraý boıynsha alýǵa múmkindik beredi.

Memlekettik tehnıkalyq qyzmet mamandarynyń túsindirýinshe, jeke derekterdiń jelige ketýi alaıaqtardyń aqparatty áleýmettik ınjenerııada, atap aıtqanda, jeke jáne banktik derekterdi alý maqsatymen habarlasý jáne habarlama jiberýde paıdalaný qaýpin týdyrady.

«Osyǵan baılanysty Internettiń qazaqstandyq segmentiniń barlyq paıdalanýshylaryna kıbergıgıena saqtaýdyń mańyzyn eske salamyz, sonymen qatar Internette ózińizdiń jeke derekterińizdi engizý kezinde muqııat bolyp, úshinshilerge jeke aqparatty bermeýdi suraımyz», - dedi «Memlekettik tehnıkalyq qyzmet» AQ KZ-CERT baspasóz qyzmeti.


Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT