+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

3 jasar balany óltirgen qaraǵandylyq ómir boıyna bas bostandyǵynan aıyryldy

2020 jylǵy 21 qańtar 16:11
Bólisińiz:
3 jasar balany óltirgen qaraǵandylyq ómir boıyna bas bostandyǵynan aıyryldy

QARAǴANDY. QazAqparat – Búgin Qaraǵandy oblysynyń Qylmystyq ister jónindegi mamandandyrylǵan aýdanaralyq sotynda 3 jasar balany óltirgen Igentaı Sopyjanovqa qatysty sot úkimi shyǵaryldy, dep habarlaıdy QazAqparat tilshisi.

Uqsas jańalyqtar
Mektepke saý barǵan balanyń birqatary bitirgende skolıozǵa shaldyǵady - Zaǵıpa Balıeva Álemde 150 mıllıon balanyń damýynda kesheýil bar – ıÝNISEF Býrabaıda «Meniń Otanym – Qazaqstan» respýblıkalyq sleti ótti

21 qańtarda Qaraǵandyda sot úkimimen 24 jasar Igentaı Sopyjanov ómir boıyna bas bostandyǵynan aıyryldy. Úkimdi Qaraǵandy oblysynyń qylmystyq ister jónindegi mamandandyrylǵan aýdanaralyq sotynyń sýdıasy Islamhanov Esenbaev shyǵardy. Sot ǵımaratyna aıyptalýshy aıdaýylmen jetkizildi jáne úkimdi jarııa etý aıaqtalǵanǵa deıin ony eki qolynan ustap turdy. Sebebi osyǵan deıin ol eki ret ózine zaqym keltirip, sot protsesin keıinge shegerýge týra kelgen.

Sot sheshimi jarııalanǵan kezde, sýdıa aıyptaýshy tarap bergen dálelder onyń kinásin aıǵaqtaýǵa jetkilikti bolǵanyn málimdedi. Sot úkimimen Igentaı Sopyjanov kináli dep tanylyp, eń joǵarǵy qaýipsizdik kolonııasynda ómir boıy qamaýǵa alyndy.

«Igentaı Sopyjanovtyń kinásin moıyndaýy jáne onyń ókinýin sot shynaıy emes dep sanaıdy, sebebi bul moıyndaýy tergeý organy joqqa shyǵarmaıtyn dáleldemelerdi usynǵannan keıin jasaldy. Sopyjanov qoǵam úshin asa qaýipti. Qylmystyq kodekstiń 125-baby boıynsha sot 12 jyl bas bostandyǵynan aıyrý jazasyn taǵaıyndalsyn. QK-niń 261-baby boıynsha – 12 jyl bas bostandyǵynan aıyrý, QK 99-baby boıynsha – ómir boıy bas bostandyǵynan aıyrý, tótenshe qaýipsizdik mekemesinde ómir boıy bas bostandyǵynan aıyrýdy taǵaıyndaý týraly sheshim qabyldandy», — dep úkim shyǵardy sýdıa Islamhan Esenbaev.

Alaıda, úkimdi estigende, Igentaı Sopyjanov zalǵa narazylyǵyn bildirdi.

«Allaǵa ant etemin, shyndyqty bilgende sizder bul úkim úshin ókinesizder», - dedi aıyptalýshy.

Sonymen qatar, sýdıa balanyń anasy Nıka Vasılevanyń 10 mln teńge kóleminde moraldyq shyǵyndy óteý týraly azamattyq talabyn ishinara qanaǵattandyrdy. Aıyptalýshy 5 mln teńge óteýi tıis.

Tergeý materıaldaryna sáıkes, Igentaı Sopyjanov úsh jasar balany anasymen urysyp qalǵandyqtan óltirgen. Ol úsh jasar Maksım Garıfýlındi anasynyń qolynan julyp alyp ketip, qurbysynan ony uryp-soǵý faktisi boıynsha polıtsııaǵa bergen aryzyn alyp ketýdi talap etken. Igentaı Sopyjanov balanyń anasymen kezdesip, janjal barysynda ony uryp-soqqan. Óz kezeginde kelinshek ýchaskelik polıtsııa ınspektoryna balasyn alyp qashyp ketý týraly aryzymen júgingen. Buǵan deıin Sopyjanov adam óltirgeni úshin sottalǵan. Balany urlaǵan soń ol Nıka Vasılevaǵa qońyraý shalyp, onymen kezdesý talap etti. Alaıda, balanyń anasy onyń is-áreketinen qoryqqannan kezdesýge barmaǵan. Nátıjesinde, úsh táýlik boıy izdestirý jumystaryn júrginzgen polıtsııa qyzmetkerleri Qaraǵandy oblysy Shet aýdany Burma aýylynyń shetindegi ormannyń arasynan balanyń óli denesin taýyp aldy. Bir táýlik ótken soń qylmyskerdiń ózi Qaraǵandy temirjol vokzalynda ustaldy.

Aıta ketý kerek, bul Qylmystyq kodekske túzetýler engizilgennen keıingi balany óltirgeni úshin ómir boıy bas bostandyǵynan aıyrý jazasy taǵaıyndalǵan alǵashqy oqıǵa.


Bizdiń kanalymyzǵa jazylyńyz:

Basty sózder: Qaraǵandy oblysy, Sot,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT