3 shilde. Týǵan kún ıeleri
2022 jylǵy 3 shilde 08:10

3 shilde. Týǵan kún ıeleri

NUR-SULTAN. QazAqparat – QazAqparat 3 shildege arnalǵan «Týǵan kún ıeleri» kúntizbesin usynady.

ESІMDER

70 jyl buryn (1952) «Ulttyq neırohırýrgııa ortalyǵy» AQ Basqarma tóraǵasy, medıtsına ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń korrespondent múshesi Serik Qýandyquly AQShOLAQOV dúnıege kelgen.

Aqtóbe oblysynyń Shalqar qalasynda týǵan. Qazaq neırohırýrgtary assotsıatsııasynyń Prezıdenti, Reseı neırohırýrgtary assotsıatsııasynyń qurmetti múshesi, Nevrologııalyq hırýrgtar Azııalyq kongresi atqarýshy komıtetiniń múshesi, Neırohırýrgııalyq qoǵamdar búkilálemdik federatsııasynyń neırotravmatologııalyq komıtetiniń múshesi, «Acta Neurochirurgica» neırohırýrgııalyq qoǵamdardyń Eýropalyq assotsıatsııasy jýrnalynyń redaktsııalyq komıteti múshesi.

Qazaqstan Respýblıkasy Prezıdentiniń alǵys gramotasymen marapattaldy. 2005 jyly joǵary dárejeli táýelsiz «Platınaly Tarlan» syılyǵynyń laýreaty atandy. 2005 jyly Dárigerlerdiń búkilálemdik assotsıatsııasynyń «Álemge qamqorshy dáriger» ataǵyna ıe boldy. 2006 jyly Búkilreseılik kórme ortalyǵynyń «Laýreat VVTs» medalimen marapattaldy. 2008 jyly A. Baıtursynuly atyndaǵy kúmis medal ıegeri atandy. 2008 jyly Pırogov atyndaǵy syılyqtyń laýreaty (Reseı). 2008 jáne 2009 jyldary «Altyn adam. Qazaqstandaǵy jyl adamy» ataǵyna usynyldy. 2010 jyly QR Prezıdentiniń «Parasat» ordenimen marapattaldy. Qazaqstan Respýblıkasynyń eńbek sińirgen qyzmetkeri (1998 j.).

58 jyl buryn (1964) Qazaqstan Respýblıkasy Parlamenti Májilisiniń depýtaty, Agrarlyq máseleler komıtetiniń múshesi Nurlybek Jumahmetuly OJAEV dúnıege keldi.

Atyraý oblysy Mahambet aýdany Mahambet aýylynda týǵan. Batys Qazaqstan aýyl sharýashylyǵy ınstıtýtyn, Hálel Dosmuhamedov atyndaǵy Atyraý memlekettik ýnıversıtetin bitirgen. Eńbek jolyn Qaraǵandy oblysy Qarqaraly aýdanynda jumysshy bolyp bastaǵan. Keıinnen Atyraý oblysy Mahambet aýdandyq Jastar isi jáne sport basqarmasynyń bastyǵy, Atyraý oblysy Mahambet aýdany ákimi apparatynyń basshysy, Atyraý qalalyq máslıhaty apparatynyń basshysy, Atyraý oblysy ákimi apparatynyń basshysy, Atyraý oblysy Isataı aýdanynyń ákimi, Atyraý qalasynyń ákimi sekildi laýazymdardy atqardy. 2016-2021 jyldary - «Nur Otan» partııasy Atyraý oblystyq fılıaly tóraǵasynyń birinshi orynbasary boldy.

Atyraý oblysy Dzıýdo federatsııasynyń prezıdenti. Kúresten Qazaqstannyń eki dúrkin chempıony. 1985 jyly Qazaqstan quramasynyń quramynda boldy, QR sport sheberi.

«Isataı batyr» qaıyrymdylyq qorynyń dırektory. «AMANAT» partııasy Saıası keńesiniń jáne Qazaqstan Respýblıkasy Parlamenti Májilisindegi Fraktsııasynyń múshesi.

Birqatar ordendermen, Qurmet gramotalarymen marapattalǵan.

51 jyl buryn (1971) – joǵary dárejeli dáriger, densaýlyq saqtaý úzdigi, Eýropalyq kataraktaldyq jáne refraktsııalyq hırýrgtar qaýymdastyǵy (ESCRS) múshesi Marat Smaǵululy SÚLEIMENOV dúnıege keldi.

Almaty Memlekettik medıtsına ınstıtýtynyń Emdeý fakýltetin (1994), Almaty Management University janyndaǵy magıstratýrany (2015) támamdaǵan.

Eńbek joly: 1994-1995 jyldary – Kózdiń móldir qabyqshasy patologııasy zerthanasynyń kishi ǵylymı qyzmetkeri, kezekshi-dáriger, «Kóz aýrýlary QazǴZI»; 1995-1998 jyldary – Qazaq Memlekettik medıtsına ýnıversıteti janyndaǵy aspırantýra; 2001-2003 jyldary – «Kóz aýrýlary QazǴZI» 2-bólimshesiniń meńgerýshisi; 2005-2008 jyldary – «Kóz aýrýlary QazǴZI» refraktsııalyq lazerlik hırýrgııa bólimshesiniń meńgerýshisi; 2008-2015 jyldary – «Kóz aýrýlary QazǴZI» bas dárigeri; 2014 jyly – S.J. Asfendııarov atyndaǵy QazUMÝ oftalmologııa kafedrasynyń meńgerýshisi; 2015 jyly – Qazaqstan Respýblıkasy Densaýlyq saqtaý mınıstrligi Kóz aýrýlary ǵylymı-zertteý ınstıtýty basqarma tóraǵasynyń klınıkalyq jumys jónindegi orynbasary.

38 jyl buryn (1984) Shymkent qalasy ákiminiń birinshi orynbasary Shyńǵys Jumabekuly MUQAN dúnıege keldi.

Ońtústik Qazaqstan oblysynda týǵan. 2004 jyly Qaınar ýnıversıtetin «Aýdarmashy» mamandyǵy boıynsha, 2008 jyly Qazaq ekonomıka, qarjy jáne halyqaralyq saýda ýnıversıtetin «Ekonomıka bakalavry» mamandyǵy boıynsha, 2018 jyly «Bolashaq» baǵdarlamasymen Garvard ýnıversıtetin «Memlekettik basqarý (MPA)» mamandyǵy boıynsha bitirgen.

Eńbek joly: 2003-2007 jyldary – Almaty qalasynda «Jas Alash» gazetiniń tilshisi. 2007 jyldyń sáýir-qarasha aılarynda – Qazaqstan Respýblıkasy Energetıka jáne mıneraldyq resýrstar mınıstrliginiń baspasóz hatshysy. 2007-2010 jyldary – «Jaıyq Press» jaýapkershiligi shekteýli seriktestiginiń bas dırektory. 2010-2016 jyldary – Batys Qazaqstan oblysy ákimi apparaty basshysynyń orynbasary. 2012 jyldyń mamyr-tamyz aılarynda – Qazaqstan Respýblıkasy Prezıdenti Ákimshiligi Іshki saıasat bóliminiń sektor meńgerýshisi. 2012-2019 jyldary – Atyraý oblysy ákiminiń orynbasary. 2019-2020 jyldary – KazPetroDrilling AQ-nyń korporatıvtik damý boıynsha vıtse-prezıdenti.

Qazirgi qyzmetinde 2020 jyldyń shildesinen bastap.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT