3 shilde. Qazgıdromettiń kún raıyna jasaǵan boljamy
2022 jylǵy 3 shilde 05:55

3 shilde. Qazgıdromettiń kún raıyna jasaǵan boljamy

NUR-SULTAN. QazAqparat - Qazgıdromet 3 shildede bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Qazaqstannyń soltústik-batysy, soltústigi, ortalyǵy men ońtústik-shyǵysynda antıtsıklon jotasy yqpalynan jaýyn-shashynsyz aýa raıy kútiledi. Al elimizdiń qalǵan terrıtorııasynda atmosferalyq frontaldy bólikter turaqsyz aýa raıyn saqtaıtyn bolady – jańbyr, batysta qatty jańbyr jaýady, naızaǵaı, jeldiń kúsheıýi, daýyl, batysta burshaq, ońtústigi men ońtústik-batysta shańdy daýyl, soltústikte túnde jáne tańerteń tuman kútiledi.

Batys Qazaqstan oblysynyń shyǵysy men ońtústiginde, Atyraý oblysynyń batysy, soltústigi men shyǵysynda, kúndiz Aqtóbe oblysynyń batysy men shyǵysynda qatty jańbyr kútiledi.

Kúndiz Almaty, Jetisý, Túrkistan, Ulytaý, Jambyl oblystarynyń basym bóliginde qatty ystyq kútiledi.

Qyzylorda ​​oblysynyń basym bóliginde, Jetisý oblysynyń batysynda, Abaı oblysynyń batysy men shyǵysynda, Ulytaý oblysynyń ońtústiginde, Qaraǵandy oblysynyń ońtústik-shyǵysynda, Jambyl oblysynyń ońtústiginde, Pavlodar oblysynyń ortalyǵynda, Túrkistan oblysynyń shyǵysynda tótenshe órt qaýipi kútiledi.

Nur-Sultan qalasynda kóshpeli bultty, jaýyn-shashynsyz. Soltústik-shyǵystan jel soǵady túnde 3-8, kúndiz 7-12 m/s. Aýanyń temperatýrasy túnde 10-12, kúndiz 25-27 gradýs jyly bolady.

Almaty qalasynda kóshpeli bultty, jaýyn-shashynsyz. Jel 2-7 m/s. Aýanyń temperatýrasy túnde 17-19, kúndiz 32-34 gradýs jyly bolady.

Shymkent qalasynda kóshpeli bultty, jaýyn-shashynsyz. Ońtústik-shyǵystan soǵatyn jel soltústik-batysqa aýysady, kúshi 8-13 m/s. Aýanyń temperatýrasy túnde 20-22, kúndiz 36-38 gradýs jyly bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT