+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

3 shilde. QazAqparat kúntizbesi

2020 jylǵy 3 shilde 07:00
Bólisińiz:
3 shilde. QazAqparat kúntizbesi

NUR-SULTAN. QazAqparat - QazAqparat oqyrmandaryna 2020 jylǵy 3 shildege arnalǵan kúntizbesin usynady.

ESTE QALAR OQIǴALAR

1903 jyly Qazaqstandaǵy orta bilim mekemeleriniń biri - Semeı muǵalimder semınarııasy ashyldy. Oǵan Semeı, Kereký, Óskemen, Qarqaraly jáne Aqmola ýezderinen 24 bala qabyldanǵan. Keıin Tobyl, Barnaýl jáne Jetisý oqýshylary qabyldana bastady. Semınarııanyń birinshi dırektory - A.Belyı.

1960 jyly Qaraǵandydaǵy metallýrgııa kombınatynda tuńǵysh domna peshi iske qosyldy jáne sol kúni Qazaqstannyń tuńǵysh shoıyny alyndy. Bul kún Qazaqstan Magnıtkasynyń dúnıege kelgen kúni bolyp sanalady.

1995 jyly Qazaqstan Respýblıkasynyń memlekettik táýelsizdiginiń jarııalanýyn máńgi este qaldyrý, qoǵamdy toptastyrý, gýmanızm, ultaralyq tatýlyq, qazaqstandyq patrıotızm tárbıeleý ıdeıalaryn kórkem beıneleý maqsatynda QR Prezıdenti N.Nazarbaevtyń «Almaty qalasynda Táýelsizdik eskertkishin ornatý týraly» qaýlysy shyqty.

2009 jyly Astana qalasynda tóbesi jabyq 30 myń oryndyq jańa «Astana Arena» stadıonynyń ashyldy.

2013 jyly nomınaly 500 teńgelik «Álemdik jáne dástúrli dinder kóshbasshylary sezine 10 jyl» eskertkish kúmis tıyndar qoldanysqa endi. Metaldyń quramy - Ag 925/ 31,1g, dıametri - 38,61 mm, daıyndaý sapasy - proof. Taralymy - 3 000.

2013 jyly arheologtar Aqmola oblysy Sandyqtaý aýdanynyń burynǵy Sarqyrama mekeninen bizdiń zamanymyzǵa deıingi IV ǵasyrǵa tıesili birqatar biregeı eskertkishter tapty.

2015 jyly Tatarstan astanasy - Qazan qalasynyń ortalyq kósheleriniń birine Qazaqstan Prezıdenti Nursultan Nazarbaevtyń esimi berildi.

2017 jyly Qaraǵandyda taý-ındýstrıaldyq kolledjiniń bazasynda shahtada ornalasqan erekshe mýzeı ashyldy. Shahta 15 metr tereńdikte ornalasqan, onyń aýmaǵy júz sharshy metrden asady. Onda qazirgi shahtalarda qoldanylatyn qural-jabdyqtar ornatylǵan. Ár qurylǵyda jabdyq týraly aqparattar úsh tilde kórsetilgen.

2017 jyly Qazan qalasynda ótken XIII Halyqaralyq musylman kınofestıvalinde qazaqstandyq rejısser Sábıt Qurmanbekovtiń «Oralman» atty týyndysy kórsetildi. Atalǵan kartınanyń stsenarııin kınodramatýrg Nurlan Sanjar jazyp shyqqan. Oǵan Sábıt Qurmanbekov te kómektesti. Kompozıtory - Aıdos Saǵat. Basty rólderdi Dýlyǵa Aqmolda, Erjan Túsipov, Esim Segizbaev, Shynar Asqarova, Baıan Qanjabıeva jáne taǵy basqa akterlar somdady.

2018 jyly aqtóbelik dızaıner Sábına Janzaqova ulttyq kıim úlgisimen Túrkııanyń Kemer qalasynda ótken halyqaralyq balalar jáne jasóspirimder shyǵarmashylyǵy festıvalinde bas júldeni ıelendi. Oǵan 15 elden 25 shyǵarmashylyq ujym qatysty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT