+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

3 sáýirden bastap Mańǵystaý oblysy karantınge jabylady

2020 jylǵy 1 sáýir 18:31
Bólisińiz:
3 sáýirden bastap Mańǵystaý oblysy karantınge jabylady

AQTAÝ. QazAqparat - Koronavırýs ınfektsııasynyń taralýyna jol bermeı, halyq densaýlyǵyn saqtaý maqsatynda oblysta karantın bastalady, dep habarlaıdy QazAqparat tilshisi.

Oblystyń bas memlekettik sanıtar dárigeri E.Sydymanovtyń qaýlysy boıynsha, Mańǵystaý oblysynyń aýmaǵynda 3 sáýir saǵat 00:00-den bastap 2020 jyldyń 15 sáýiri 07:00-ge deıin karantın rejımi engiziledi

Atap aıtsaq, engiziletin shekteý sharalary mynadaı:

1) 2020 jyldyń 3 sáýiri kúni saǵat 00:00-den bastap 2020 jyldyń 15 sáýiri kúni saǵat 07:00-ge deıin halyqtyń ómir belsendiligin qamtamasyz etýshi avtokólikterdi qospaǵanda, azamattardyń Mańǵystaý oblysynyń aýmaǵyna kirip-shyǵýyna tyıym salynady.

2) Halyqtyń ómir belsendiligin qamtamasyz etýshi avtokólikterdi (azyq-túlik, dári-dármekterdi tasymaldaıtyn júk jáne jeńil mashınalar, sonymen qosa tótenshe jaǵdaı rejımin qamtamasyz etetin arnaıy jáne qyzmettik kólikter) qospaǵanda, oblys turǵyndaryna qalalar men aýdandar arasyna qatynaýǵa tyıym salynady.

3) Munaıly aýdanynda, Túpqaraǵan aýdanynyń Aqshuqyr, Saıyn Shapaǵatov selolarynda turatyn medıtsınalyq uıymdardyń, dárihanalardyń jáne azyq-túlik dúkenderiniń qyzmetkerlerine Aqtaý – Munaıly aýdany – Aqtaý: № 103, № 105 baǵyttary, Qyzyl – tóbe-2 , Batyr, № 106 (Baıandy) jáne Aqtaý – Aqshuqyr - Aqtaý, Aqtaý – Saıyn Shapaǵatov – Aqtaý baǵyttarynda, tańerteń saǵat 06:00-den 09.00-ge deıin, keshki saǵat 18:00-den 21:00-ge deıin, sonymen qatar halyqtyń ómir belsendiligin qamtamasyz etýshi avtokólikterdiń (azyq-túlik, dári-dármekterdi tasymaldaıtyn júk jáne jeńil mashınalar, sonymen qosa tótenshe jaǵdaı rejımin qamtamasyz etetin arnaıy jáne qyzmettik kólikter) Aqtaý qalasyna kirip-shyǵýyna ruqsat beriledi.

4) Qoǵamdyq kólikke tek oryndyqtar sany boıynsha ǵana jolaýshylar kirgiziledi.

5) Oblys turǵyndarynyń ómir belsendiligin qamtamasyz etýshi medıtsınalyq, polıtsııa, avarııalyq-qutqarý jáne ózge de kommýnaldyq shuǵyl qyzmetterdiń (jylý, gazben qamtý, sý jáne energııamen jabdyqtaý) áreketteri shektelmeıdi.

6) Resmı jáne resmı emes (tirkelmegen) jeke tasymaldaýshylarǵa (avtobýstar, gazelder, taksı) oblystar, aýdandar arasynda jolaýshylar tasymaldaýǵa tyıym salynady.

7) Barlyq avtovokzaldar men avtobeketterdiń qyzmetteri toqtatylady.

8) Jolaýshylar jáne jumys poıyzdary 2020 jyldyń 3 sáýiri kúni saǵat 00:00-den bastap 2020 jyldyń 15 sáýiri kúni saǵat 07:00-ge deıin toqtatylady.

9) 2020 jyldyń 3 sáýiri kúni saǵat 00:00-den bastap 2020 jyldyń 15 sáýiri kúni saǵat 07:00-ge deıin Aqtaý qalasynyń Halyqaralyq áýejaıynyń barlyq áýe reısteri, úkimettik reısterdi qospaǵanda jáne tótenshe jaǵdaı rejımin qamtamasyz etý jónindegi Mańǵystaý oblysynyń aımaqtyq komıssııasynyń tóraǵasymen kelisilgen reısterden ózgeleri toqtatylady.

10) 2020 jyldyń 3 sáýiri kúni saǵat 00:00-den bastap 2020 jyldyń 15 sáýiri kúni saǵat 07:00-ge deıin teńiz aılaqtarynda azyq-túlik, dári-dármekterdi tasymaldaýdan ózgeleri, jolaýshylar tasymaldaý toqtatylady.

11) Turǵyn úılerden shyǵýǵa myna jaǵdaılardan ózge ýaqytta tyıym salynady:

- azyq-túlik, dári-dármekterdi, birinshi kezekte qajetti jáne medıtsınalyq buıymdardy satyp alý;

- jumysqa barý;

- medıtsınalyq kómekke júginý;

- kúndizgi ýaqytta turatyn jerinen 200 metrden aspaıtyn aralyqta uzaqtyǵy 30 mınýt bolatyn, ózge adamdarmen arada 1 metrden kem bolmaıtyn qashyqtyqty saqtaı otyrypbalalarmen serýendeýge;

- kúndizgi ýaqytta úı janýarlaryn uzaqtyǵy 30 mınýt bolatyn ýaqytqa shyǵarýǵa;

12) Jasy 65-ten asqan turǵyndar erekshe qajettilik bolmaǵan jaǵdaıda óz páterleri men úılerinen kóshege shyqpaýy tıis.

13) Barlyq turǵyndar ózimen birge jeke basyn kýálandyratyn qujattary: jeke kýáligi, júrgizýshi kýáligi, tólqujaty, turýǵa ruqsat beretin yqtııarhaty bolýy tıis.

14) Turǵyn úıinen ózge jerge barǵanda betperde (maska) kıip júrý, bir rettik qolǵap kıip, qoldaryn óńdeýge arnalǵan teri antıseptıkteri bolýy tıis.

15) Saýda-oıyn-saýyq ortalyqtarynyń jáne bazarlarynyń jumysyn, azyq-túlik satatyn bólek zaldary bar, azyq-túlik sýpermarketteri, azyq-túlik prılavkileri, dárihanalary barlardan ózgeleriniń jumysy toqtatylady.

16) Azyq-túlik satylmaıtyn saýda ortalyqtarynyń, bólek turǵan azyq-túlik satylmaıtyn dúkenderdiń, avtosalondardyń, avtobólshekter satatyn salondardyń, gúl pavılondarynyń, hımııalyq tazalaý, kir jýý, fotoatelelerdiń, fotosalondardyń, optıkalardyń, lombardtardyń, jyljymaıtyn múlik agenttikteriniń, avtojýý, tehnıkalyq qyzmet kórsetý beketteriniń, saýnalardyń, monshalardyń, fıtnes-klýbtardyń, karaoke, tatý – salondardyń, aýdıo, vıdeo jazatyn stýdııalardyń, uıaly baılanys bólimderiniń, teatrlardyń, kınoteatrlardyń, trenajer zaldarynyń, sporttyq keshenderdiń, basseınderdiń, sulýlyq salondarynyń, spa-ortalyqtarynyń, tyrnaq stýdııalarynyń, barbershoptardyń, shashtaraz kabınetteriniń, kompıýterlik klýbtardyń, jaılardaǵy balalar oıyn alańdarynyń, baılanysqa túserlik zoobaqtardyń, muz aıdyndarynyń, kórmelerdiń, balalardy damytý ortalyqtarynyń jáne ózge de osy sııaqty qyzmet kórsetý nysandarynyń qyzmeti toqtatylady.

17) Meıramhana, dámhana, barlardyń, ashanalardyń jáne ózge qoǵamdyq tamaqtaný nysandarynyń jumysyna tek «tutynýshylarǵa deıin jetkizý» prıntsıpi boıynsha saǵat 07:00-den 22:00-ge deıin jumys isteýge ruqsat etiledi.

18) Mektepke deıingi balalar mekemeleriniń jumysy olardyń menshik nysanyna qaramastan (memlekettik, jeke) toqtatylady.

19) Qyzmetkerlerdi jumysqa aparatyn jáne jumystan úıge tasıtyn kólikpen qamtamasyz etip, qyzmetkerlerdi tasıtyn avtobýstarda sanıtarlyq-epıdemııaǵa qarsy jáne dezınfektsııa rejımin kúsheıtýi tıis (tańerteń jáne keshke eki ret)

20) Qaýesetter jáne arandatýshylyq aqparattardyń jolyn kesý jumystary erekshe baqylaýǵa alynyp, ondaı faktiler anyqtalǵan jaǵdaıda olardyń odan ári taralmaýy jáne kináli tulǵalardyń Qazaqstan Respýblıkasynyń zańnamasymen kózdelgen jaýapkershilikke tartylý sharalary shuǵyl túrde alynady.

21) Oblystaǵy barlyq eldimekende blokpost qoıylady.

22) Bas memlekettik sanıtarlyq dárigeri E.Sydymanovtyń «Qazaqstan Respýblıkasy Prezıdentiniń «Qazaqstan Respýblıkasynda tótenshe jaǵdaı engizý týraly» Jarlyǵyna sáıkes, 2020 jyldyń 27 naýryzynda shyǵarǵan № 5-shi qaýlysynyń kúshi joıylady.

2 sáýirden bastap karantınge baılanysty barlyq suraqtar boıynsha biryńǵaı Sall-ortalyq qyzmet etedi - 8 (7292) 30-11-77.


Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT