3 naýryz kúni bolatyn mańyzdy sharalar ańdatpasy

NUR-SULTAN. QazAqparat - «QazAqparat» halyqaralyq aqparat agenttigi 3 naýryz kúni bolatyn mańyzdy sharalar ańdatpasyn usynady.

NUR-SULTAN

9.00-de Nur-Sultan qalasy ákimdiginiń baspasóz ortalyǵynda «Elordadaǵy epıdemıologııalyq jaǵdaı jáne «Ashyq» pılottyq jobasynyń júzege asyrylýy» taqyrybynda onlaın brıfıng ótedi. Spıkerler: Nur-Sultan qalasynyń bas memlekettik sanıtarlyq dárigeri Sarhat Beısenova, Nur-Sultan qalasynyń «Atameken» Kásipkerler palatasy dırektorynyń orynbasary Qýanyshbek Muqash. Onlaın baspasóz konferentsııasy Nur-Sultan qalasy ákimdiginiń Facebook -tegi paraqshasynda tikeleı efırde ótedi.

11.00-de Qazaqstandaǵy Japonııa elshiligi «Shyǵys Azııanyń qazirgi jaǵdaıy jáne onyń Ortalyq Azııaǵa áseri» taqyrybynda ZOOM konferentsııasyn ótkizedi. Konferentsııa siltemesi mine .

14.00-de L.N. Gýmılev atyndaǵy Eýrazııa ulttyq ýnıversıtetinde Alashorda úkimetiniń tóraǵasy, kórnekti memleket jáne qoǵam qaıratkeri, entsıklopedıst-ǵalym Álıhan Nurmuhameduly Bókeıhannyń týǵanyna 155 jyl tolýyna arnalǵan «Álıhan Bókeıhan – qazaq eli men jeriniń tutastyq rámizi» atty halyqaralyq onlaın konferentsııa ótedi.

14.00-de Qazaqstan ekologııalyq uıymdary qaýymdastyǵy ǵımaratynda Álııa Nazarbaevanyń tóraǵalyǵymen «Jasyl el» jastar eńbek jasaqtary Keńesiniń I otyrysy ótedi.

15.00-de Nur-Sultan qalasy ákimdiginiń baspasóz ortalyǵynda «Sý tasqynyna qarsy daıyndyq» taqyrybynda onlaın brıfıng ótedi. Spıker: Nur-Sultan qalasy TJD basshysynyń orynbasary Esen Baıyrov. Onlaın baspasóz konferentsııasy Nur-Sultan qalasy ákimdiginiń Facebook -tegi paraqshasynda tikeleı efırde ótedi.