+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

3 maýsym. Týǵan kún ıeleri

2020 jylǵy 3 maýsym 08:10
Bólisińiz:
3 maýsym. Týǵan kún ıeleri

NUR-SULTAN. QazAqparat - Búgin, ıaǵnı 3 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

97 jyl buryn (1923-2015) sýretshi jáne anımatsııalyq kıno rejısseri, qazaq mýltıplıkatsııa óneriniń negizin qalaýshy Ámen Ábjanuly QAIDAROV dúnıege keldi.

Qaraǵandy oblysynda týǵan. Almaty kórkemsýret ýchılıesin, Máskeýdegi Kınematografııa ınstıtýtynyń kórkemsýret bólimin bitirgen.

«Qazaqstan áıelderi», «Ara» jýrnaldary redaktsııalarynda istegen. 1965 jyldan «Qazaqfılm» kınostýdııasynda qyzmet atqarǵan. 1976-1981 jyldary Qazaqstan Kınematografııashylar odaǵy basqarmasynyń mýltıplıkatsııalyq kıno jáne shyǵarmashyl jastar arasyndaǵy jumys jónindegi hatshysy bolǵan. 1967 jyly Qaıdarovtyń salǵan sýreti boıynsha «Qarlyǵashtyń quıryǵy nege aıyr?» atty mýltfılm jasalǵan. Atalmysh týyndy Sankt-Peterbýrg qalasynda ótken Búkilodaqtyq kınofestıvalda, Nıý-Iork qalasynda ótken Halyqaralyq mýltıplıkatsııalyq fılmder festıvalinde júldege ıe bolǵan. Sondaı-aq onyń «Aqsaq qulan», «Quıyrshyq», «Qojanasyr qurylysshy», «Janar», «Kún sáýlesinen paıda bolǵan kójek», «Qyryq ótirik», t.b. mýltfılmderi bar. «Parasat», «Qurmet belgisi» ordenderimen, medaldarmen marapattalǵan.

56 jyl buyn (1964) Mańǵystaý oblysynyń ákimi Serikbaı Ótelgenuly TRUMOV dúnıege keldi.

Gýrev oblysy Fort-Shevchenko qalasynda dúnıege kelgen. 1992 jyly ınjener-qurylysshy mamandyǵy boıynsha V.I.Lenın atyndaǵy Qazaq polıtehnıkalyq ınstıtýtyn bitirgen.

Eńbek joly: 1981-1990 jyldary «Mańǵyshlaqaýylqurylys-12» tresinde betonshy bolyp jumys istegen. 1990-1994 jyldary – «Mańǵyshlaqaýylqurylys-12» tresinde uıymdastyrý bóliminiń meńgerýshisi; Qazaqstan LKJO Fort-Shevchenko qalalyq komıtetiniń birinshi jáne ekinshi hatshysy, oqý-óndiristik kombınatynyń oqytýshysy. 1994-1995 jyldary – Túpqaraǵan aýdandyq máslıhatynyń bas mamany.1995-2004 jyldary – «Túpqaraǵan» JShS jetekshi ınjeneri, bólim bastyǵy, dırektory. 2004-2006 jyldary – Mańǵystaý oblysy Túpqaraǵan aýdanynyń ákimi. 2006-2008 jyldary – Mańǵystaý oblysy ákiminiń orynbasary. 2008-2012 jyldary – Mańǵystaý oblysy Túpqaraǵan aýdanynyń ákimi. 2012-2015 jyldary – Mańǵystaý oblysy Jańaózen qalasynyń ákimi. 2015-2017 jyldary – Aqtaý qalasynyń ákimi. 2017 jyly qarasha aıynda 6-saılanǵan Mańǵystaý oblystyq máslıhatynyń hatshysy bolyp saılandy. 6-saılanǵan Mańǵystaý oblystyq máslıhatynyń № 6 saılaý okrýginiń depýtaty.

Qazirgi qyzmetinde 2019 jyldyń maýsym aıynan bastap.

«Eren eńbegi úshin», «QR Parlamentine 10 jyl» jáne «Qazaqstan Respýblıkasynyń táýelsizdigine 20 jyl» medaldarymen jáne 2016 jyly «Qurmet» ordenimen marapattalǵan.

41 jyl buryn (1979) «Nur Otan» partııasynyń hatshysy Marat Ámiruly SEMBEKOV dúnıege keldi.

Pavlodarda týǵan. E.Bóketov atyndaǵy Qaraǵandy memlekettik ýnıversıtetin bitirgen, ekonomıka ǵylymdarynyń kandıdaty.

Ár jyldary QR ádilet, ekonomıka jáne bıýdjet josparlaý mınıstrlikterinde, premer-mınıstr keńsesinde jaýapty qyzmetterdi atqardy, ákimshilik-quqyqtyq jáne zań bólimderin basqarǵan, respýblıkalyq bıýdjettiń atqarylýyn baqylaý jónindegi Esep komıtetiniń apparat jetekshisi bolǵan. 2010-2014 jyldary QR Prezıdenti Ákimshiliginde memlekettik ınspektor, al keıin jańa qyzmetke taǵaıyndalǵansha QR Prezıdenti Ákimshiliginiń Memlekettik baqylaý bóliminde jetekshiniń orynbasary bolyp qyzmet atqardy. 2015-2019 jyldary Almaty qalasy ákimi apparatynyń basshysy boldy. 2019 jyldyń aqpan-shilde aılarynda Almaty qalasy ákiminiń orynbasary qyzmetin atqardy.

Qazirgi qyzmetinde - 2019 jyldyń shildesinen.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT