3,3 mln oqýshy jazǵy demalys lagerimen qamtylady
2022 jylǵy 1 maýsym 11:25

3,3 mln oqýshy jazǵy demalys lagerimen qamtylady

NUR-SULTAN. QazAqparat – 3,3 mln oqýshy jazǵy demalys lagerimen qamtylady. Bul týraly búgin Úkimet otyrysynda QR Bilim jáne ǵylym vıtse-mınıstri Sholpan Karınova aıtty, dep habarlaıdy QazAqparat tilshisi.

«Balalardyń jazǵy demalysy men bos ýaqytyn uıymdastyrý erekshe nazarda. Onyń tıimdiligin arttyrý, kadrlyq áleýetin damytý boıynsha jumys júrgizildi. Mamyr aıynda balalar lagerleriniń stýdenttik pedagogıkalyq jasaqtarynyń qatysýymen «Balalyq shaq navıgatorlary» respýblıkalyq sleti ótkizildi. Jergilikti ákimdikter demalys lagerlerin, mektep janyndaǵy alańdardyń, jazǵy mektepterdiń jaǵdaıyn qarastyryp, jóndeý jumystaryn júrgizdi. Osyǵan deıin eki jyl karantındik shekteýlermen demalys uıymdastyrý tolyq iske asyrylmaǵan bolatyn. Al bıyl jazǵy ýaqytta 3,3 mln oqýshyny qamtýdy josparlap otyrmyz. Kórsetkish 31 paıyzǵa artady. Desek te, qala syrty lagerleriniń sanyn arttyrý qajettiligi bar», - dedi ol.

Onyń aıtýynsha, búgin Balalardy qorǵaý kúni Memleket basshysynyń qatysýymen Almaty qalasynda 6 myńnan asa balany qamtıtyn «Balafest» merekelik is-sharasy ótkizilip jatyr.

«Sonymen qatar ár óńirden balalardyń Nur-Sultan qalasyna saıahaty uıymdastyryldy. Óńirlerde Balalar kúni merekesi aýqymdy formattarda ótkizilýde», - dedi Sholpan Karınova.


Uqsas jańalyqtar

Jańalyqtar

Úrdis

MURAǴAT